喜喜冰室 (Moved) New Location

在Openrice的排名頗高的懷舊冰室，但令人意想不到的是位處的地點竟然是銅鑼灣。七十年代的室內佈置並不馬虎且能以假亂真。值得一提的是桌上的糖罐盛裝的為原粒方糖，認真程度可見一班。在侍應的極力推薦下點了特餐及一碟脆皮雞腿配西炒飯。先上的是特餐的雞批浮台。雞批鬆化有口感，雞肉份量適中，但最畫龍點精的為雞批中央的茄汁。一來從來未吃過雞批加茄汁的配搭，頗有新鮮感；二來茄汁與雞批味道很配，茄汁不會令雞批的餅皮味道過寡，但又不會搶去雞肉與餅皮的味。青豆茸湯香淡且不帶有草腥味，能襯托出雞批濃烈的味道。腌製過的雞腿香濃但不太鹹，且帶有點燻香。西炒飯則有菠蘿的鮮甜。兩者配搭相當恰當，但份量稍有過多。克戟為厚身的班戟，但口感稍像鬆餅，配混有煉奶及香蕉油的醬，可口非常且不腬，但克戟略為粉多。侍應推介熱飲，為好立克加阿華田再配上棉花糖。據說名字由來為連嬰孩（B仔）也能喝的鴛鴦。略甜，但既能分別喝出好立克及阿華田的味，而兩者又不違和，的確與鴛鴦相似。

上次揀錯野食,耿耿於懷,今日一定要食番晒去!六點九,無乜人客。可能好多人都覺得,呢度唔係食dinner既好地方??叫左個特餐。雞批浮台,(此食法參照澳洲人!)青豆湯,一入口就是食白切雞時,點的薑蔥蓉味,不過係杰版本。好正!成份其實係用青豆、薯仔、薑做出來。雞批好鬆化,好似食曲奇餅咁!雞肉餡企理,不會一pet pet。原來雞批係由經驗老師傅做的!香蕉克戟,咁細件既....!與汁比例不成正比。香蕉汁由香蕉、雪糕、合桃、拖肥醬做成,稍為甜左D。不過拖肥與香蕉味道好出。克戟鬆軟如吃新鮮出爐的scone,好香牛油+煎香的味道,質地不「立」口。西多,蘸蛋漿+肉桂粉和橙汁煎既。輕微食到橙汁味,玉桂味欠奉。西多用「煎」的方法,無咁油。不過感覺就唔似食緊西多,似食緊甜方包,因為太軟綿綿喇~喜喜既野食,非常啱我胃口,同埋食得出佢,唔係求其整,係有研究過!