Restoran SAYA

Open Now

Now Closed

最近食左泰國菜，但係總覺得有d未夠滿足，睇返自己d食物相，原來無食過泰式咖哩！今日嚟到大角咀，就睇吓呢度附近有無泰國餐廳可以食返咖哩補番數，搵下搵下就搵到呢間，裝修好靚，係我鍾意嘅藍色，仲有彩磚枱面。 當然今次一定要食咖哩啦，揀左泰式青咖喱雞($128)，再配埋印度飛餅($38)。薄餅點咖哩，相信呢個絕對係 perfect match，點知當咖哩雞上枱嘅時候，先發現原來係會配埋蒜蓉包……開始擔心唔知會唔會叫得太多嘢食，因為除咗咖哩雞同薄餅，我地仲叫左炒通菜，仲有係香蕉薄餅。 鍾意食青咖哩，因為佢有辣香，但入口唔會太辣，仲因為加左椰奶而有小小甜，配合埋薄餅一齊食，軟韌香脆索滿咖哩汁，十分滋味。而雞肉用左雞腿，所以肉很嫩滑。飛天炒通菜($78)都幾大碟，仲好夠鑊氣，又有幾多蒜。椰青($58)偏大個，幾好，夠晒解喝最後甜品食埋香蕉煎薄餅($78)，熟透嘅香蕉夠晒香甜，配合微微烤燶嘅薄餅，味道恰到好處。餐廳裝修真係好有特色、好靚，加埋強勁而輕鬆嘅音樂，喺度用餐嘅感覺甚有渡假feel。

🥚🥚🐷新派泰式熱帶風情✨性價比：7.5/10🍳食物：8/10🌏環境：9/10🕺🏻服務：7.5/10💰是次消費：人均 $ 196#蛋蛋豬 🏝地點分類: #蛋蛋豬在大角咀🍰食物分類: #蛋蛋豬吃cafe #蛋蛋豬吃泰國菜————————最近經常見人在大角咀食區中的美美泰菜館內打卡，除了裝修具心思，又有女生最愛的薄荷綠色外，看來食物也不錯，主打泰國東北依善菜式，還有一直好掛念的金麵呢。泰北咖喱金麵 ($128) – 推薦*Khao Soy – Northern Thai Coconut curry noodle soup with charcoal grilled chicken金麵好趣緻的，上半部又脆，下半部又軟滑。咖哩好香濃，少辣帶椰汁甜味，加點青檸汁又有另一番層次。配搭的燒雞好有風味，濃濃炭燒香氣，必試！燒鴨肉沙律 ($128)Nam Tok Ped – Thai Isan-style sliced duck salad沙律中的辣味並不是一入口就有，而係慢慢滲出黎，幾正。整體感覺有點像韓式烤肉包生菜咁，太多調味令鴨味未能突出。菜的款式很多，有生菜、薄荷葉、金不換 等。香蕉煎薄餅 ($7

喺大角咀呢一度雖然同地鐵站有些少距離，但呢一個地方亦都開始慢慢咁樣興建高樓大廈同埋商場，其中利奧坊相信就係愛人最熟悉，裏面除咗有些少特色商店之外都有一啲與別不同嘅餐廳, 既然一場嚟到當然要一嚐下味道😏泰式炭燒生蠔— 🦪新鮮嘅生蠔再加上泰式特製醬料，一啖食落去同時擁有多重嘅滋味，🦪首先當然係生蠔嘅滑身再加上天然嘅海水鹹味，🦪整體偏中和，加上有泰式醬料，大大提升蠔嘅味道，仲帶有些少嘅酸辣，零舍開胃🌶泰式牛肉乾條—🐄簡單介紹嘅話就好似香港人傳統嘅牛肉乾，但係泰式嘅做法就唔係用免治肉烤焗而成，反而都用一條一條的肉條先醃，再曬，最後下鑊炸香。 🐄肉汁鮮味亦都更加鎖住喺入面，可以見到每塊牛肉乾條到非常乾身，直到咬嗰下先至慢慢感受到濕潤嘅感覺，再加上濃縮嘅肉味亦都隨之而起，🐄另外再配合埋炸蒜一齊享用當然就係又鮮又香，更重要係層次感🧄竹籠東北糯米飯— 🍚糯米飯係除左稻米之外的第二大主食。而泰國人烹製的糯米飯又有獨特之處，會用到竹蒸籠與水稻筐搭配糯米飯一齊去蒸，🍚咁樣做就可以保護蒸煮糯米飯的竹香氣，又保護住米中水分唔丟失，🎋所以糯米會非常吸收竹籠嘅味道，一聞絕對係香噴噴而且唔止係有飯香更重要係有竹香，而

大角咀最近的確開咗唔少泰國餐廳，但食得專嘅，就為數不多呢間專門食泰式東北菜（泰國東北叫依善地區），唔想食嚟食去都係phad thai呀咖喱呀，就應該試吓呢間連沙冰都唔同過人㗎，薑汁撞菠蘿沙冰，既酸且溫，果味同薑味又夾又出，啱晒大胃呢啲想飲凍嘢又怕寒得滯嘅人伊善燒雞，零舍不同，人地通常係拮入肉串起燒，佢地就用長木夾夾起嚟燒，肉塊唔會瀡嚟瀡去之餘，醃料燒得都入味點埋酸辣得入魂嘅辣醬，配埋本地水耕菜食，太與眾不同喇未試過以茄子為主嘅沙律，原來呢味餸都幾有心思，茄子唔係𠝹開原條上，而係去皮再撕成一條條，拌以香菜、肉碎、醬汁等材料，從未食過咁美味嘅泰式沙律東北地區煮飯都有一手，尤其係竹籠糯米飯最聞名，較香燒煮味飯粒晶瑩透亮，口感又綿又易入口，就咁食亦得，伴餸菜亦得泰國最出名嘅甜品，除咗芒果糯米飯，人氣值近來急升嘅就係香蕉煎薄餅，原來唔加朱古力醬，係更加好食，唔會太甜又原汁原味胃民好堅持飲椰青水嚟感受泰式風情，椰青凍冰冰上檯，一飲涼透心，清甜開胃，椰肉又好嫩，好易舀嚟食

SAYA菜式集合印尼馬、來西亞及泰國口味😋以東南亞街頭美食為靈感，款式創新，啱晒鍾意食辣嘅我😍而且店內裝修特別以藤來做弧形假天花，別出心裁，大把打咭位，我最喜愛就係有個閱讀書架，盲書概念幾得意😎，坐係度睇吓書飲杯嘢chill下都唔錯。東北炭火燒雞🐔配牛油黑胡椒炒飯🍚炭火燒雞有炭火爐香，味道較為香口，雞件肉質嫩滑有焦香與平時餐廳煎雞扒的確唔同，炒飯帶一點黑胡椒味再加牛油🧈香，味道會有少少辣，好惹味。🤤和牛🐮炒闊河粉🍲和牛條厚度適中，肉質熟度剛好煙煙韌韌，牛味濃而且份量都幾多，闊河粉炒得好入味，完全吸左和牛肉汁，食落都不會覺得油膩😚香蕉煎薄餅🍕本身認知印度薄餅係鹹食多，薄餅外脆內軟，呢次配上香蕉🍌出奇地夾，而且甜食都好好味，必吃甜點🍮芒果糯米飯🥭糯米飯賣相好精美，芒果夠甜配上糯米飯🍚加上特別調配嘅椰子汁的確不錯😌香茅蜜糖薑茶☕️ 夠晒清熱解渴薑味濃，加上輕微的蜜糖甜度中和一下燒雞嘅熱氣👍🏿椰青🥥大大個好鮮甜夠新鮮，椰子肉夠薄身好易食😍