台灣郎 (Closed)

避風塘炒油麥菜 HKD78油麥菜一般都搵豆豉鯪魚炒，避風塘炒法真係第一次食。因為我食唔到辣，表示連麥當勞嘅雞翼都覺得辣，所以叫咗小辣。不過，並無因為咁而大失香味！ 一睇賣相就知佢火候十足，好青嫩，唔會話炒得太腍/過火，油水亦都唔多，不停咁食都唔覺成口油，餸飯一流～紅燒牛肉麵 HKD88呢排天氣凍到抽筋，除咗打邊爐，食返碗即叫即煮嘅紅燒牛肉麵，暖笠笠，都係一個唔錯嘅選擇。一上枱已經聞到陣陣牛香味，牛肉唔會煮到榎歰歰，肉質好鬆軟，好易咬開。記得一定要食埋啲蘿白，將湯汁啲精華完完全全地吸收晒，特別濃郁、鮮味！香酥炸醋肉 HKD78平時食台式野，成日都係鹽酥雞，今次轉下口味，試下炸醋肉先！外皮煙韌，炸粉厚度適中，而且就算我地擺一陣先食，都無淋哂咁樣，重點食完之後，個口完全唔油，點埋特製甜酸醬，又幾開胃喎衰鬼～

台灣郎座落天后食街附近，地點不算很起眼，但內裡出品卻非常有正宗台灣風味在店門外看到台式的風格，入內後發覺原來裝潢模仿中式酒家格局，一邊古式中國風，另一邊又有台灣舊派風派，兩者合一非常獨突。店內的食具也經過細心配搭，絕不馬虎。店員除了香港人外，也有台籍店員，服務顧客時談笑風生，令人眼前一亮。這碟炸醋肉，入口既酥又香，炸皮極薄，但肉質一咬又甜又多汁，而伴碟醬汁的微辣刺激令人一試難忘。鹽酥雞很大碟，廿多件雞每件都炸得很均勻，肉多而不膩，外皮爽脆，難得是連皮帶肉一起炸，但吃時卻發覺雞皮也非常脆口，真係一口接一口不停的吃。蚵仔煎外皮微焦，但內裡的蚵仔卻很濕潤，不單味道極濃，而且內質很新鮮不帶腥味。蛋皮很薄無減入口時的質感。黑豚蘑菇醬飯，感覺有點似連鎖雞雞店的蘑菇飯，但入口完全是兩個世界的東西，首先時醬汁極濃，而每口都有大量蘑菇及豚肉配搭，豚肉非常入味，令人想連碗底也舔乾淨，就算是細細碗，吃完也感覺到非常大滿足。飲品是珍珠奶茶及金桔蜂蜜，兩杯的水準都不俗。此店的價錢公道，而且無論是服務及食物的水平也屬高水平，絕對值得再次光顧

今日往天后開會, 中午往台灣郎食午餐, 點了一客自選套餐。前菜北海道烚蛋薯蓉沙律, 主菜選了香酥炸醋肉、飯則order廟口肉燥飯和特飲珍珠奶茶。北海道烚蛋薯蓉沙律薯蓉打得好滑, 入口即熔烚蛋有蛋香食落口感清新, 配上香草和車厘茄, 整份北海道烚蛋薯蓉沙律薯蓉食落好滑好開胃；香酥炸醋肉切得薄薄的, 食落肉質好鬆軟, 咬落去脆卜卜熱辣辣好惹味, 香脆可口, 而且香酥炸醋肉內有輕微的香醋味, 食落開胃而不會感到太乾和油膩；廟口肉燥飯食落好醒胃,相對一般滷肉飯比較有質感, 有嚼勁,肉燥帶點肥膏, 食落有油花,而且配上紅蔥頭,香口惹味而不油膩, 好美味的廟口肉燥飯；珍珠奶茶份量適中, 茶味香濃而奶味香滑, 珍珠甜度適中, 個人認為如果飲品不是外賣杯感覺會好些。餐廳單看門面有點像西環某一家排長龍的小店,同樣掛滿色彩繽紛的菜名招牌。店内裝修比較簡單,仿清水混凝土牆面掛上刻有菜單名字的木牌和一些台灣舊照片作裝飾,陪上特色吊燈,整體環境很有台灣簡樸樸素的特色, 餐廳食物美味, 而且香酥炸醋肉和廟口肉燥飯個人第一次食, 很有台灣特色, 食了一頓特美味色台灣菜, 值得再來。