小曼谷泰國美食 (Moved) New Location

今日中間時間，我同同事去咗九龍城打算食過正宗泰國菜。我們黎到南角道，見這間都幾多人食，所以一於入去品嚐一下。這裡地方大又寬敞，好光猛！好多推薦的美食相在牆壁上，好吸引呀！菜單餐牌好多選擇，真係花多眼亂，每張相片都好吸引好誘人我們2個人叫咗3個小菜及2杯飲品。1. 小食拼盤（小）（4款小食選擇（春卷、蝦餅、魚餅、肉丸）肉丸（好飽滿，有粉絲、蔬菜、冬菇配合，熱騰騰，好味道）蝦餅好熱辣辣又脆口，內餡好彈牙有口感，外脆內軟，最推薦的小食春卷也是熱騰騰，外皮薄又脆；內面有肉、粉絲、菜及咖哩，但不會辣2. 馬拉盞炒椰菜苗馬拉盞好香好野味，有蝦米、小蒜頭仔，好配合蔬菜；椰菜苗好青綠又新鮮3. 軟殼蟹咖哩法麵包軟殼蟹好好食，好脆脆又薄身，有2隻哦，蟹腳及蟹鉗都好香口；咖哩好滑，不辣但香口，有洋蔥及青椒等配料4. 龍眼冰好清甜又涼快，夏天熱熱地飲就最適合！龍眼好爽甜！好滿意又飽足的一餐

今日端午節，同屋企人來九龍城食泰國菜。屋企人約喺小曼谷等，但九龍城有好多間，結果去咗幾間先去到屋企人book果間！😂我就最鍾意食泰國菜，每次一定食生蝦刺身同馬拉盞炒椰菜苗！生蝦刺身普通，蝦肉唔夠厚同爽，生蝦醬唔夠辣，但都算OK。椰菜苗味道唔錯，但唔係一棵棵咁炒，係剪開咗炒，我平時鍾意食完整一棵棵的。蝦膏海鮮炒飯一般。柚子沙律有蝦同柚子肉，無乜特別，就是將兩樣嘢撈埋一齊。明爐烏頭，屋企人覺得啲汁唔夠佢哋平時土瓜灣食開果間。黃咖哩雞，有咖哩香，但唔辣，而且汁屬稀身。食咖哩當然要配薄餅，薄餅好香，好鬆脆，奶油味好重！椰皇沙冷冰，有椰肉，味道唔假，仲好清甜，我好鍾意飲！