果子｜海南雞飯·喇沙摻摻 (啟昌樓) (Closed)

之前一直bookmark咗嘅餐廳今晚終於食到啦 ☺️☺️餐廳位於太和站附近 步行5分鐘就到啦🙈 非常方便☺️ 附近仲有好多餐廳 有排食啦☺️ 餐廳主打馬來西亞&新加坡菜式✨餐單款式選擇多元化🍜🍛🍚🥗🫕有海南雞飯、喇沙湯麵、咖喱火山包、肉骨茶等 份份都好足料👍🏻🤩-🦀 軟殼蟹火山包$168 ✨推介✨👉🏻 用上 新加坡特製辣椒醬所製嘅醬汁 好惹味😋😋 又唔會太辣 份量好多 點唔晒 可以撈飯都好正😆😆🤩 農夫包烘到好鬆脆香口 但唔會好硬 索埋醬汁一齊食 超好味😋 配料好豐富 除了軟殼蟹 仲有3隻大蝦、青口、N隻蜆 🤩🤩 軟殼蟹好鮮味 能保持少少脆身 青口尚算肥美大隻😋😋👍🏻 -🍵 肉骨茶煲（1-2人份量）配白飯 $82初初以為係就咁一大碗肉骨茶 點知係連埋個煲keep住有🔥 保溫 好暖胃☺️😌煲內好足料：排骨、金針菇、豆卜、蛋等 排骨肥瘦適中 啖啖肉😛😛肉骨茶味道帶有陣陣的藥材味 愈飲愈濃😚 好滋補😌😌 -🍍原隻菠蘿海鮮炒飯 $89份量十足🤩 飯粒軟硬適中 粒粒分明 好乾爽😋 菠蘿肉好甜☺️☺️ 調味岩岩好👍🏻配碟仲有啲腰果 餸飯一流👍🏻 如果再脆啲更好🙈-🍤馬鈴薯炸蝦卷（2件）$22用薯仔刨絲包住蝦球去

行經大埔 見到呢間馬來西亞風嘅星馬餐廳 環境好似好舒服 門口仲有唔少街坊等位 所以我都加入其中 同店員講幾多位 拎張卡仔等位🥰無骨走地海南雞飯(油飯)見到餐牌上面 有幾款食物都有顧客推介嘅手指公👍🏻 就叫咗其中兩款試吓 海南雞有分兩款 一款係黃油雞 一款係走地雞 店員都有詳細同我哋介紹 如果想油香重啲就食黃油雞 如果想瘦啲就食走地雞 最後就揀咗食走地海南雞 因為唔係間間舖頭都有走地雞食🤣 海南雞飯包括有一碗湯同埋海南雞飯必備嘅三款醬汁 走地海南雞 肉質其實都好嫩滑 再配埋油飯 其實雞味好香香煎豬頸肉喇沙摻摻喇沙摻摻真係每次食星馬菜必食嘅😗 入面有油麵同埋米粉 顧客亦都可以揀淨係要油麵或者要米粉😺 喇沙超級香 雖然椰汁味唔係超級重嗰種 但係我都非常滿意 仲有豆卜魚蛋 同埋豬頸肉係上面 豬頸肉係煎到好香脆☺️沙嗲雞肉串燒加$20就有兩串沙嗲串燒 雞肉好嫩滑 而且仲有雞皮㗎 上面嘅沙嗲醬就花生味好重馬鈴薯炸蝦卷呢碟都幾特別 係馬鈴薯絲包住隻蝦 再拎去炸嘅小食 覺得外層嘅炸薯仔好特別🙊凍美祿恐龍係凍美祿做底 再係面頭加美祿粉😍 本身凍美祿已經好香濃 再配埋美祿粉就更加特別啦薄荷青檸梳打味道好Fr

第五波前都有同大埔老友踩吓單車，之後，就當然要暫緩吓啦，直到最近，疫情落咗好多，單車就仲未踩住，不過，就行轉短山。既然就大埔老友，就行番嗰邊，並專登晏少少起步，行完食午餐都可以避咗個高峰時段。老友帶路，推介呢一家主打星馬菜小店「果子」，見人話風評不俗。門面唔算好大，但原來踏入鋪中，就會見到個鋪位好深、好長，環境整體都闊落，一室木系裝修，設計比較簡約。絕大部份都喺4人座，加上依家仲喺2人限聚，又過咗放午飯嘅高峰時段，啲客又識各自走位，所以，倍感寬敞，坐得舒服。雖然，餐廳主力喺賣星馬菜，不過，午市各類套餐亦增加咗多元化，定價亦親民。午餐基本上附送飲品，不過，既可以加配小飲，轉其他嘢飲，又有優惠，變得更具彈性。 飲品方面，除提供意式咖啡之外，最驚喜有唔少台式飲品，補番個價亦唔貴，所以，我哋都轉飲特飲。其實，佢哋加咗咁多台式飲品，就喺見佢哋拓展埋飲品外賣嘅生意。用餐期間，都見唔少年輕人嚟買凍飲。惹味沙嗲牛肉串燒 $22星馬菜嘅小食，第一時間就想起沙嗲，老友同我都鍾意食，所以，試上一客沙嗲牛肉串。牛肉面面淋咗好多沙嗲醬，香濃惹味，帶有花生微粒，貨真價實，而牛肉燒得有點焦香，又唔乾，記緊要趁熱食。

今次黎到太和食過午餐先~佢呢間既lunch set 幾多選擇, 而且幾抵食! 就吸引左我入去~我哋兩個人點左2個 lunch set +小食+飲品香茅豬扒喇沙摻摻 $56一黎到賣相顏色相當靚，即刻流晒口水!首先飲左啖湯睇下咩料先，湯底椰香味重，加埋濃郁喇沙微辣嘅香料。嘩!不得了!麵條內有油麵及米粉，配料方面有香茅豬扒、魚片、豆卜同蛋!份量好多，d 配料同油麵同米粉入晒味!招牌無骨海南雞飯 $56 <必食>當然一定要試下佢個招牌無骨海南雞飯啦!係無骨架!!!岩晒我呢d懶人。果然係佢個招牌菜! 佢個雞好鮮嫩~又勁滑!配埋佢d醬料同埋油飯一齊食~又香又好食!白雲酸辣鳳爪 +$15 鳳爪有6舊~酸辣岩岩好，唔會太辣! 又勁爽口，重點都係無骨!大大啖咬，食完勁開胃。必叫馬鈴薯炸蝦卷2件 +$20 呢個唔係到到都有架!緊係要試埋佢啦!馬鈴薯絲捲住隻蝦落去炸佢，諗起都覺得要好多功夫。外皮炸到金黃色好香脆，隻蝦好大隻，好新鮮，爽口彈牙黑糖珍珠鮮奶 +$16 濃旭既鮮奶+黑糖~又香滑又夠味。 珍珠”依依unun”~好有咬口! 幸福既感覺又黎~凍仙草奶茶 +10茶味濃旭~又無苦澀味，配埋

去到大埔太和，估唔到有間咁重人氣嘅餐廳。晚上8點到要排20分鐘先有得入。。。本menu 好厚，我只係影左我有叫果d.黑糖珍珠奶茶唔太甜，重黑糖味，夠大杯。跟餐加$4老闆推介凍檸檬意米水佢地自家煲嘅，唔太甜，好夠料。下火，啱哂熱氣嘅我。馬鈴薯炸蝦跟餐嘅小食，新鮮炸，openrice 好多人推介。大家冇介紹錯，真係好食。第二份小食係沙嗲牛肉串燒唔算太特別，都係大家食開果d.個汁唔太辣，牛肉正正常常加$18 有個細肉骨茶出奇地高質。下次會直接叫一大碗好重藥材味，舊肉唔老。健康小小+$18 食個菜。正常海皇海鮮喇沙摻摻喇沙，一定係飲個湯先。湯夠濃，有兩種麵，夠正宗好足料。好飽咖喱牛腩炸雞椰漿飯。正宗嘅馬來西亞食法，成大碟成塊葉咁上。上面又有其他嘅料。唔辣。個藍蝶椰漿飯好香。夠哂飽。軟殼蟹火山包成晚嘅戲肉，幾飽都要試。個汁唔太辣，入面有其他海鮮。個包好熱，點個汁食好開胃。個蟹都幾大隻。不過兩個人真係食唔哂，一大班人黎食先好叫

之前係Openrice做功課，已經見到好多人都話呢間新加坡小店抵食又好味，而家仲有軟殼蟹火山包，見到好多食客都讚不絕口，加上自己係麵包愛好者，所以餐廳已經係我腦海留下深深既烙印😆。不過，當日同友人商討後，最終點左好抵食既二人餐，內有兩款小食、一個沙律、兩個主食、兩杯特飲，咁多野都唔過$200，如果唔試佢，真係同自己銀包過唔去😅。特飲先打響頭陣，凍紅豆薏米水、凍美祿恐龍(+$2)前者唔係好甜，飲落好有豆香；後者太甜。小食揀左馬鈴薯炸蝦卷、沙嗲牛肉串前者唔係新鮮炸，蝦亦比較細，一般；後者燒得比較乾身，沙嗲醬幾鹹，都係一般。蕃茄酸辣鳳爪沙律呢個沙律比想像中多，沙律菜新鮮，撈埋個酸甜汁好好味，鳳爪就麻麻地，唔係好入味。海鮮喇沙摻摻呢個摻摻材料好豐富，蝦、魚片、蜆、豆卜、芽菜，麵底都唔少。湯底偏椰味，細味品嘗會食得出海鮮味，個人覺得喇沙唔夠香，同埋可以鹹番少少。咖哩牛腩拼炸雞椰漿飯本身睇餐牌圖片係白色既飯，點知上枱果陣係藍色飯，友人即刻比佢嚇親😂，因為佢只中意食白飯...好彩呢個藍飯食落同普通飯無乜分別，無乜椰漿味。咖哩牛腩分量唔少，而且件件都係肉多過肥膏，咖哩香濃惹味，唔錯。炸雞類似唐揚炸雞，

餐單見到火山包既相好吸引，有咖哩牛腩、大蝦同軟殼蟹，我地揀左軟殼蟹火山包。個醬原來唔係咖哩醬，係新加坡胡椒辣蟹既果種醬，味道不錯，入面除左有軟殼蟹，亦有其他不同的海鮮。另一個主食要左個三餸藍蝶花椰漿飯，藍色飯好吸睛，亦夠椰漿味。三餸要左鯖魚、牛串同炸雞，三樣既味道都唔錯，尤其係牛串好嫩！另外加左碗細既肉骨茶湯，舊豬骨煲到好冧好易咬，好味！最後當然唔少得食喇沙啦！我地叫左個一人套餐，小食要馬鈴薯炸蝦卷，幾脆，蝦都爽口。海鮮喇沙摻摻都幾足料，湯底可以再濃味d。飲品要左杯熱檸檬薏米水，真係用薏米煲的！👍🏻

今天來到太和站附近吃午飯，去了「果子」-星馬菜餐廳。之前有同事話食過都好ok, 所以我哋今日來吃吃。店內環境舒適，有靚靚嘅聖誕節佈置，餐牌上嘅午餐都好抵食。我哋點左兩份set lunch, 連飲品及小食。最快上枱嘅係海鮮喇唦掺掺，「掺掺」這個名字很有趣，原來是雜錦的意思。我哋呢碗掺掺係米粉同油面集合一齊，有唔同口感。海鮮方面有兩隻大蝦同埋有好幾粒蜆肉，都幾足料。另外仲有吸曬湯底嘅豆卜、魚片、蛋等等。湯底也合我哋口味，因為我哋怕辣，而佢只係少少辣，而喇唦嘅味道好濃郁而溫柔，我地差一些把所有湯底飲清。香茅豬扒飯都好好味，豬扒非常之林及入味，香茅味濃郁。太陽蛋亦都煎得好靚，送飯一流。小食方面我哋叫咗馬鈴薯炸蝦卷。薯絲捲着一隻蝦，炸得乾身。外邊薯絲非常脆口，入邊嘅蝦都好爽口。沙嗲雞肉串燒也好好味，雞肉幼滑，沙嗲醬汁香濃。飲品我哋點左一杯美綠恐龍，美綠粉脆卜卜好得意另外一個飲品係黑糖珍珠鮮奶。黑糖味道香甜，珍珠彈牙。滿足的午餐😊

同friend去左太和食晚餐，黎左呢間餐廳食東南亞菜。我地叫左兩個晚餐set，叫左一個海鮮喇沙摻摻，同埋一個南乳雞翼撈麵。晚餐set係配野飲嘅，我地就叫左兩杯熱柚子茶。海鮮喇沙摻摻味道不過不失，勝在海鮮嘅數量好多，有好多隻蝦同蜆。而南乳雞翼撈麵就比較好食，撈麵好香。雞翼亦都好惹味，南乳味十足。另外仲有雞湯一碗。另外，我地都跟餐加$18叫左兩個小食，有白雲酸辣鳳爪同埋馬鈴薯炸蝦卷。酸辣鳳爪嘅味道酸酸甜甜，再有啲辣味，十分開胃，仲可以中和一下其他食物較濃嘅味道，配搭主食唔錯。而馬鈴薯炸蝦卷就不過不失，都幾香口，點辣醬食較好食。另外，我地仲叫左個小食，白汁煮藍青口，呢個係我地叫嘅野食入面最好食，青口好新鮮，配上白汁嘅味道好夾。佢上菜嘅碟墊都好靚。最後，我地叫左個紫薯牛乳慕絲，跟餐價係$22。呢個蛋糕都上得好靚。蛋糕有香濃嘅牛奶味同埋淡淡嘅紫薯味。

大埔區內食肆林立，不過就好少見有新加坡🇸🇬馬來西亞🇲🇾菜，同友人路經見到，就嚟試試啦！店舖雖然新開無耐，但七點幾已經坐滿，而且好多都係獨行俠🚶🏻‍♂️，所以身邊幾枱客都換得好快，只有我哋坐咗成個幾鐘😝講返食物先，香茅豬🐷扒雞湯麵個湯比較清淡，豬扒好薄身，咬落都好鬆軟，豆卜可能因為個湯所以都冇咩味，只可以畀合格。反而香茅豬扒椰🥥漿飯比較出色，豬扒好鬆軟，配飯加埋🍳、魚仔乾，好適合配飯🍚食，檸檬🍋薏米水好多薏米，不過得一塊檸檬🍋所以酸味唔太夠。