柞木炭家

Open Now

Now Closed

居然係旺角鬧市中享受戶外用餐，真係有驚喜，呢棟T.O.P. 印象中…好耐以前係貿易署，後來改為而家呢座新式商場，行下行下…行到5樓有個空中花園，望下有間韓國餐廳居然可以坐戶外，即管試下，食個午餐，見 open rice 訂座有折，即刻訂座…先講服務，職員真係好好，好有禮貌，又友善。一坐低就送上好香既玄米茶，然後就送上無限任食既泡菜，茄子，大豆芽。午餐選擇多，我兩個人選擇 set lunch, 特色飲品都 只係$10！埋單折後都只係$190，超抵食

28-9-2019夜晚出了旺角, 跟很久沒見面既朋友飯聚。TOP商場走日,韓風格, 但未試過呢度既食肆, 想不到這間位於5/F既韓燒店也不錯。6個人限時2小時, 店員告知如果不太繁忙可以繼續坐的。其實6個人叫菜也有學問, 有時怕叫得太多, 有時又怕唔夠食😭😭 經過一番"討論", 我地點左: 王道套餐 (包括牛, 豬, 海鮮, 雪濃湯), 再散叫一隻韓式炸雞, 牛肉紫菜包飯, 韓牛泡菜炒飯, 上牛肋肉(鹽燒), 再每人一杯梳打。套餐份量唔算多 (因為真係3-4人量😂), 但算高質; 韓牛泡菜炒飯必叫, 因為泡菜份量適中, 唔會太多而令炒飯太辣/太濕。反而對炸雞有點失望, 每件雞都太細件, 但脆漿就不合比例地多, 而且味道好淡, 要靠醬汁先有味, 唔太推介。總括來講, 環境同服務都算ok, 如果去開旺角想坐得舒服d, 都係唔錯既選擇👍

假日搵食困難，幸好這裏星期六、日及公眾假期，都有好質素韓式午餐，直到下晝4:30，食材新鮮美味，環境又靚，非常推薦👍🏻菜單上有好多不同款式的午餐，建議食韓式燒烤午餐，會包多幾款小菜。我選擇咗熟成韓式醬油三吃，加咗杯魔法梳打。會加幾個小菜俾你，又有韓牛飯，上菜非常快。這個小菜茄子是最好吃的，非常新鮮，調味料剛剛好😋不要錯過這裏的泡菜，爽脆新鮮多汁，麥茶也很解渴。韓牛飯的醬汁配合得非常好👍🏻有牛肉、豬肉、雞肉，好吃，調味剛剛好，份量也足夠😍燒豬肉片很好吃😍加$10有魔法梳打，顏色很好看，可是太甜了，個人覺得不加也可以。買單約$140 ，價錢偏貴，但是高質素的韓燒午餐😃

主力Sell用柞木炭火既一家韓燒餐廳，無乜油煙味，仲用1++韓牛，同埋超少見既牛眼上蓋肉，感謝餐廳邀請，可以率先試下佢黎緊情人節推出既套餐！環境位於上年先開幕既T.O.P.商場入面，旁邊就係露天廣場，幾有氣氛，內裡都好大，座位寬敞，用上柞木炭火配合網燒，全場真係冇乜油煙，唔洗擔心會污煙瘴氣同食到成身油煙味。餐牌主要以散叫為主，由於所提供既肉質都比較高質，價錢中位數水平，但選擇都不少，唔係只得牛肉提供，今次試食佢黎緊會岀既情人節套餐，$792/2人，其實相對抵食好多。會提供圍裙真材實料使用柞木炭免費前菜正宗韓國菜又點少得前菜？有數款前菜，無限refill，最正係有原棵泡菜，中意食幾多就剪幾多，仲要味道十分好，以甜味為主，帶少許微辣，食哂成盅！情人節套餐  $792 (供應日期：13-15/2)包括：桂花蕃茄蜜沙律、主廚嚴選八爪魚、傳統貝殼湯、仁川活鰻魚、原隻韓國魷魚、極上 1++韓牛三部位、情比金堅牛舌、柞木韓牛飯和韓式糖餡餅。桂花蕃茄蜜沙律沙律帶甜甜地既桂花蜜糖味，好開胃，作為前菜不錯。主廚嚴選八爪魚屬熱盤，就咁食唔需要燒，好煙韌彈牙又入味。傳統貝殼湯即蜆湯，亦有青口，以胡椒作主要調味

旺角T.O.P近年來開了好多餐廳，經過好幾次一直都冇試過，今次就趁住天氣再度轉涼食個韓燒。【Summary】環境好，適合聚會，食物質素高，尤其推介前菜同韓牛。兩個人食得好滿足，性價比頗高。<極上新年套餐> HKD892【前菜】主調都喺甜味帶辣，有芽菜、青瓜同茄子。大愛哩度嘅泡菜同茄子，味道甜甜地，唔會被辣味搶走曬，而芽菜就好香麻油味，但難得又唔會過油膩。【九節板】今晚第一個驚喜。之前未見過九節板，原來喺炸得酥脆的紫菜，盛載牛肉蟹柳等等各種配料。口感好豐富，咬落香脆可口。【魔法梳打&菠蘿梳打】打卡一流的魔法梳打，飲落酸酸甜甜，到最後我都飲唔出喺咩哈哈。至於菠蘿梳打，菠蘿糖漿味道頗濃，很開胃。【韓式糖餡餅」】一開始以為喺pizza，食落又有啲似年糕。上面滿滿一層厚芝士，非常有韓國特色了😂味道鹹甜得宜，煙煙韌韌好適合我。可惜芝士冇拉絲效果，以及如果可以加啲肉啊海鮮啊就更好了（我真喺當佢pizza咁來評價）【柞木炙燒韓牛海膽卷】今晚第二個驚喜