粒粒果甜品 (Closed)

喺旺角食完飯, 指定動作一定係•甜品•, 就喺好景後面見到開左間好靚甜品鋪. 門口放左彩色傳單, 淨係見到拉唒花嘅smoothie已經吸引左我地. >魔法森林 (HKD55)等左一陣嘅牛油果🥑smoothie, “拉花”勁靚❤️, 杯身”貼”左幾片士多啤利🍓, 口感非常smooth, 底層驚喜啖啖健康chia seed, 甜味天然. >綠茶芭菲 (HKD42)經典嘅綠茶+紅豆組合, 當中雪糕球綠茶味勁香濃, 芭菲杯以濃香鮮奶布甸做base, 仲有cornflakes+粒粒紅豆+𡁻𡁻小丸子幾種口感, 整得好有心思.>芒果傾斜奶酪 (HKD38)個人認為係必食推介: 意式奶酪Panna Cotta整得超滑, 店家傾斜個杯黎雪凍, 俾空間放勁多muesli, cornflakes, 提子乾, 口感豐富, crunchy感杏仁片, 南瓜籽.... 粒粒芒果好鮮甜, 識食一定係on top加一球芒果雪糕吧! >抹茶白朱古力雪花冰❄️ (HKD42)夏日炎炎係時候食個雪花冰喇, 勁多紅豆+小丸子, 濃濃綠茶味cross白朱古力味, 幸福感滿滿><

晚飯後和朋友們去了旺角廣華街吃甜品，這間粒粒果甜品賣相超吸睛，而且價錢又合理，還好等了一會就有坐位了這裡的水果星球系列是必點的皇牌甜品，可以自選配芒汁/椰汁加涼粉/西米圓滾滾又晶瑩剔透的啫喱球裡面釀了不同的水果，有西瓜奇異果和芒果，可愛之餘還很好吃，清甜的味道柔柔地在舌上綻放這個甜點的水果配撘也很多元化，有蜜瓜西瓜和芒果，在全日都是三十度高温的炎日底下吃個冰涼多汁的西瓜真的一流～朋友點了芒果傾斜奶酪，雖然是簡單的Panna Cotta 但賣相也相當有新意，傾斜的奶酪布甸配合一層燕麥脆片和一層芒果粒，口感十足又有富層次感，不膩不重，很快就吃清光了另外同樣必點的就是這裡的思慕雪系列，每杯都有充滿心思的靚靚拉花！先來了杯粉紅季節，不止有色彩繽紛的拉花，杯的中間還有幾片士多啤梨作點綴，太夢幻了～ 新鮮現打的 Smootie 入口幼滑綿密，充滿果香魔法森林就是用牛油果打成的奶昔，香濃淡雅，牛油果獨有的微甜味道十分清新。兩杯的底下都有奇亞籽，有咬口之餘又健康。小食點了個牛奶小方，一客有十粒可以和朋友share來吃冰涼的小小方塊想不到也很滋味，牛奶味非常濃郁而且不會太甜，質感細緻幼滑很用心又充滿創意

其實呢間甜品店呢係好耐之前已經有留意到，因為佢係喺搵食飯團個節目上邊介紹過。咁我覺得d甜品係真係用心整出嚟係睇得出有誠意嘅，係個賣相相已經好睇得出。所以都一直好想試吓，今日有機會喇！非常之開心。咁就嗌咗一個非常之抵食嘅牛奶🥛小方啦，嘩，佢總共有十粒！雖然話係10小粒炸，但係佢其實都好有誠意。味道上邊係有一種淡而香嘅牛奶味係入邊，非常之易入口。同埋佢個質地我都幾鍾意，凍凍地咁。之後又叫咗一個水果星球杯芒果汁西米。呢個水果星球係必試嘅。不過我其實都估到佢會係咩口感嘅。其實就好似類似大菜糕咁樣不過佢整成一粒粒包住啲水果係入邊，咁係好新鮮嘅。佢芒果汁帶啲酸酸地我就幾鍾意啦，吾係得個死好甜嘅芒果味。我見佢呢排都出咗一個新嘅火龍果同埋提子嘅星球，大家都嚟一齊試吓。而個芒果窩夫就覺得啲芒果汁比較甜同埋個芒果雪糕就建議用新鮮芒果雪糕會好過呢一種，因為會變咗甜上加甜。份量就比較少但係我欣賞嘅係佢個擺盤同埋窩夫質地非常鬆軟入口。我係超鍾意食煙韌野所以一定要叫一個椰汁珍寶芋圓。呢到有兩隻個喎我覺得有多種選擇係幾好嘅。一種就係普通好有咬口煙韌嘅芋圓，另一款呢我就係知道係呢一種入邊包左餡料嘅芋圓啦。不過食咗一粒

之前黎廣華街呢邊食飯，見到呢間甜品店已經想食，可惜果陣太多人排隊，所以冇等到，今次又係附近買完野，過黎睇下多唔多人，可能因為5點左右的緣故，未見人龍，但店入面都有唔少人!我起初係因為見到呢間甜品店有我係日本見到影相打卡一流的飲品，但原來佢仲有款水果星球都好吸睛，所以就同友人每一款飲品和飲品。魔法森林($55)，呢杯魔法森林其實係用左牛油果同埋青瓜黎整的，飲落好清新的感覺!加上面頭有彩色拉花，真係好靚!香芒之戀($48)，我初初以為只係得芒果，但飲落發現原來仲有香蕉，而且香蕉味比較濃!兩杯飲品用黎影相打卡真係不錯!水果星球配椰汁涼粉($40)，呢款甜品非常吸睛，一黎到就見到5粒晶瑩剔透既水果波波，內裡有西瓜、奇異果和芒果。水果星球其實係用左大菜糕黎整，所以睇落咁光滑。這個甜品還有西瓜、芒果和哈蜜瓜做點綴。涼粉如果可以稍稍大一點會更好，整碗都唔會好甜。龍珠星球配芒果汁西米($44)，而呢款龍珠星球是新出的。近排火龍果真係好hit，所以相信呢款星球都會賣得唔錯!呢款個水果波波其實係紅火龍果同埋紅提子，紅火龍果果肉超甜，芒汁西米就唔會好甜!下次要同其他朋友再黎食呢個吸睛，影相打卡又靚既甜品!

今日同兩個閏蜜去旺角行街，食完晚飯當然順道要去滿足下第二個胃，走去食甜品啦！除左平時食開個d連鎖式既糖水店，我向來都鐘意小店，所以揀左呢間粒粒果甜品！粒粒果係西洋菜街都行小小，油麻地站過去都係6,7分鐘左右，都幾近！我地食甜點時間尚早，所以未係好多人！正，可以慢慢傾計！環境乾淨，坐得舒服！重點係d野食勁吸引價錢合理！就咁睇menu已經心心眼！糖水選擇都幾多，總有一款岩口味不過西式糖水比較多，長者就未必個個都喜歡了但係作為年輕人既我，就忍唔住即刻打卡魔法森林，其實係牛油果smoothie，健康得黎勁飽肚！而杯底仲有d蘭香子！貼住杯面既係真士多啤梨，好有創意！最最最欣賞當然係杯面既拉花啦！smoothie好滑，亦都有自然既牛油果味，推薦朋友就飲左士多啤梨smoothie! 粉紅季節😋同樣地，smoothie 好靚， 望落去已經覺得很驚喜師傅好有心機拉花，仲有幾片士多啤梨做裝飾味道帶少許酸，不會太甜，非常值得推介👍👍之後仲食左綠茶waffles！作為綠茶控既我，係必食吧同樣地，賣相好吸引！正所謂唔食得都要睇得，但呢到係又食得又睇得綠茶雪糕好有綠菜味，亦都好滑，而且仲有2球雪糕有一球係waff

路經廣華街, 見到呢間甜品舖, 乘機歇一歇, 涼涼冷氣。甜品款式唔少, 色彩繽紛, 甚為吸睛。可惜賣相好不等於味道好。魔法森林 $55 - 牛油果smoothie貪心惹來失望, 以為士多啤梨係圍住個杯放一圈, 點知淨係得3片, 仲要得約3mm厚…… Smoothie底有奇亞籽, 增加口感。味道方面有說不出的怪, 唔知點形容, 總之唔係我杯茶。從某個角度嚟講, 杯smoothie係靚嘅, 上面個pattern亦見心思。不過, $55淨係可以滿足呃like嘅話, 我會覺得貴。