粒粒果甜品 (Closed)

路經廣華街, 見到呢間甜品舖, 乘機歇一歇, 涼涼冷氣。甜品款式唔少, 色彩繽紛, 甚為吸睛。可惜賣相好不等於味道好。魔法森林 $55 - 牛油果smoothie貪心惹來失望, 以為士多啤梨係圍住個杯放一圈, 點知淨係得3片, 仲要得約3mm厚…… Smoothie底有奇亞籽, 增加口感。味道方面有說不出的怪, 唔知點形容, 總之唔係我杯茶。從某個角度嚟講, 杯smoothie係靚嘅, 上面個pattern亦見心思。不過, $55淨係可以滿足呃like嘅話, 我會覺得貴。