自然屋日本料理

Open Now

Now Closed

難得閒日有假放，做返次跟得夫人送先生返公司🥰好羨慕佢喺炮台山返工，附近就已經有好多好嘢食，處理完私人雜務之後，到我享受下一個人嘅午餐。喺附近行咗陣，俾呢間日式餐廳嘅門面吸引到，好似去咗日本街頭咁，店內裝修亦好有日本居酒屋嘅感覺，更估唔到咁靚嘅餐廳，價錢居然相當實惠。午餐有唔少選擇，無論定食、烏冬、丼飯定壽司，都一應俱全，而且價錢相宜，絕對唔會令人肉赤👍🏻附帶烏冬同小鉢，小鉢係漬海帶，味道酸酸甜甜，好開胃👍🏻魚生飯材料豐富，有三文魚、帶子、蝦、蟹柳、八爪魚、飛魚子同吞拿魚蓉，材料新鮮上乘，清甜肥美😋附帶嘅烏冬亦唔細，絕對唔會餓親。返工忙咗成朝，只能夠利用午餐嘅時間忙裏偷閑，如果能夠享用到咁豐富嘅午餐，必定覺得元氣滿滿♥️

今日同朋友慶祝生日LUNCH原先想去個間今日休息，所以嚮北角揀咗呢間位於城市花園既日本餐廳〈自然屋日本料理〉，我第一次黎覺得地方都幾寬闊，LUNCH時間都唔多人，無BOOK位都唔使等就有位。LUNCH SET都幾多選擇，有烏冬，壽司，刺身，和風，燒魚咖喱等⋯⋯多款定食，而且價錢由最平的麵類（$60) 至貴的刺身壽司（$650)都有得選擇。我同朋友都揀咗同款魚生飯，魚生飯跟一小碗烏冬同小鉢，魚生飯裡有蝦，三文魚，蟹肉，帶子，吞拿魚碎，蟹子同八爪魚，整體算OK但八爪魚片咬落凍冰冰仲有少少雪，扣分。但以價錢來算，尚可接受。