豐鮪

Open Now

Now Closed

有人問過我，如果呢個世界得返一種食材，你成世人就係食呢樣野，你會揀咩？我毫不猶豫，絕無一絲空間既念頭，我直接答佢吞拿魚，呢個係我大腦好忠實咁話我知，我今生今世得返吞拿魚，我都無問題！👇🏻📌新 鮮 日 本 藍 鰭 吞 拿 - ▪️ 夢 之 丼 SET - $168 ▫️ 黎得呢到第一個必嗌「夢之丼SET」，裡面包括1切大拖羅、3切中拖羅、3切赤身，set仲包左味噌湯、和風沙律、蟹膏茶碗蒸。先講吞拿魚，絕對係超級新鮮，赤身比出面食落完全無筋，極有咬口，中拖羅夠爽滑、油份適中；而大拖羅油脂好似雪花咁靚，入口即化啦，而飯有兩樣可以揀，一個係壽司醋飯，一個係溝左蘿蔔、芝麻、薑既豐漬飯，呢個幾醒胃。整體我覺得可以係呢個地區食到呢個價錢，仲要藍鰭級數吞拿盛，我真係只能夠公道講句，係物超所值。📌鮮 做 手 切 吞 拿 魚 蓉 -▪️ 鹹 蛋 肉 餅 飯 - $128▫️ 另一招牌「吞拿魚蓉飯盛」亦有驚喜，事關睇D名以為係食港式盅頭飯，其實肉餅係吞拿魚蓉，再配搭一樣配菜咁解。我就嗌左個「鹹蛋肉餅飯」，鹹蛋係用日本蛋再配搭豉油漬，食落鹹香十足，撈埋魚蓉一齊食，相當惹味，呢個Set一樣會有齊味噌湯、和風沙律、蟹膏茶

餐廳位於銅鑼灣渣甸坊，係一間藍鰭吞拿魚嘅專門店，吞拿魚由日本直送，性價比超高，吞拿魚控天堂。◇ 夢之丼將新鮮運到嘅原條日本藍鰭吞拿魚分成三份：大拖羅、中拖羅同赤身，一碗有齊大拖羅一切、中拖羅3切同赤身3切，最肥美嘅大拖羅，魚香味同油脂相對平衡嘅中拖羅，肉質偏結實嘅赤身，3款一齊入口而散發出來那種口感非常難忘，係奇妙嘅體驗。用日本特級米飯底，可以選擇普通壽司醋飯，但小編強力建議揀豐漬香飯，即係加入切碎黃蘿蔔、壽司薑同芝麻，尤其壽司薑味道好出，做法其他地方少見，有心有創意，讚。套餐所以有跟沙律、蟹肉茶碗蒸同味噌湯，其中蟹肉茶碗蒸蟹味好濃郁，好吸引。◇ 冬菇肉餅飯每日新鮮製造嘅吞拿魚蓉，配上冬菇漬，特別嘅醃漬有令吞拿魚蓉提鮮效果，佐以京蔥碎，除咗賣相好睇之外，亦多份香氣，飯唔係普通嘅米而係珍珠米，軟軟綿綿嘅質感好有口感，套餐的話會跟沙律、蟹肉茶碗蒸同味噌湯，好豐富好滿足◇ 魚蓉燒賣中式燒賣嘅造型，但餡料換咗為吞拿魚蓉，麵粉皮改為薄薄有機大豆做嘅皮，啖啖鮮味