百樂小館 (Closed)

「把酒當歌人生幾何？」人大了能夠與友相聚確實難得，近年我都比較偏好中菜而已。全因中菜多一份細腻，亦多一份家的感覺。潮菜之夜定必選擇「百樂小館」，全因環境舒適而且食物有保證，最重要的是價格也是合理之作。難怪在平日的晚上時分，也能夠座無虛席可見勝價比高。餐廳利用鳥籠的設計下，頓時覺得有一種鳥籠中自成一角似的。餐牌上滷水的食品必有之物，更有很多點心、小炒、粉麵飯類等；特別是中式甜品更加是我的最愛之物：潮式反沙芋、芋荔、水晶包、杏仁茶等。滷水鵝肉拼盤 $148首先到來定必是潮式鵝肉拼盤，鵝肉的肉質腍軟而且相當入味。滷水汁不會太油膩，混合了豆腐後更加惹味無比，如果添多一碗飯便最好不過。潮式蘿蔔灌漿 $48我的最愛之物「潮式蘿蔔灌漿」，炸至香脆的表層漲卜卜，輕輕咬開置中的部分充斥著蘿蔔絲的香味。蘿蔔絲晴瑩通透熱騰騰並多汁，再添上少許醬汁更加錦上添花。鮑汁扣鳳爪 $78平常只會在早茶的鳳爪，估不到晩市也有售。鳳爪的份量相當多，鮑汁相當濃郁內含花生更加添上口感。鳳爪炆得相當入味，令人愈食愈想食。紅燒皇子乳鴿伴凱撒沙律 $56/隻中西合璧之菜式，紅燒乳鴿炸至香脆油份亦不高，每一口都有嫩肉相當美味。旁邊

病癒後要出山啦~相約朋友飯聚, 之前看過有人介紹呢度本人覺得裝潢甚特別, 近門口的幾張大檯, 改用若隱若現的設計來代替密室式房間中菜館配上時尚感裝潢, 一d都唔老土好彩今晚人數剛好,可以預留一檯, yeah~單看餐館名字, 以為只是提供中菜而已一坐低, 侍應便送上功夫茶及前菜, oh原來是吃潮州菜呢前菜 - 咸酸菜, 果仁仲有我最鐘意嘅潮洲辣椒油, 勁香有辣味, 但又不麻潮州菜又點少得來個滷水鵝肉拼盤唔知點解一向鐘意食配菜(墊底的豆腐片及花生)多過主角(鵝片)當然有好多人都相反, 今次我全部都有食過豆腐片好滑, 花生夠淋, 鵝片入味肉質嫩重點菜式果然做得其實我唔係潮州人, 唔理係唔係潮州菜, 好吃就會放落肚鮑汁扣鳳爪喂, 又係我鐘意既配角炆花生出現啦, 超正而鳳爪都炆到好淋, 連伯伯婆婆都容易食到夠淋夠入味, 好似一"lun" 骨肉便分離 雜菌炒牛仔粒有鮮花同紅蘿蔔做伴碟主菜牛仔粒加入色彩鮮艷的甜椒, 又有乾蒜片, 賣相好靚, 真的做到色香味俱全!唔係潮州人既我, 當然對潮州菜見識少 檸檬燉鴨湯, 在坐幾位朋友都未試過侍應幫我地分好, 還即場介紹, 湯料則另上 第一次飲潮式湯, 真有點

今日同男朋友先去試菜，準備母親節嘅時候有一餐可以令奶奶開心的晚餐。當然要事先試一次先得啦。先前行街經過百樂小館，裝修不錯，地點方便環境整理，應該都幾奶奶歡心嘅。【滷水鵝肉拼盤】$148 食潮州野當然要食滷水拼盤。鵝片好入味😘又厚身。游水墨魚都幾好咬口，而且唔會好咸。做頭盤係一流👍【蜜汁燒雞翼】$58 一共有5隻大大隻。成隻雞翼都有蜜汁包住，聞落陣陣甜味。而且外皮有點點脆同小小粘口。【鮑汁扣鳳爪】$78 對於鳳爪真係又愛又恨。正正就係喜歡滑滑的皮和烹調到汁去到皮下，一次過品嚐多重濃味感【杏汁白肺湯】$68 毎位 $168 4位用 講真！係屋企洗豬肺真係好煩。材料真的準備得十分好，內臓的味道無咩，返而杏仁味好香。【老香櫞炆一字骨】$118 特別推薦👍真正師父出品。肉感軟得來有少少咬口，加上醬汁令到豬肉味道得以提升【黃豆醬炒鯧魚片】$188 好罕有的魚片，一般係街市都找不到。食落好似深海龍躉，不過無咁實身。【黃金炸雙棗】$120 睇個名以為係齋。而現實係海鮮，一個係蝦一個係蟹。炸物幾香口。【金瓜九肚魚烙】$98 待記強烈建議，新派薄派，外表似足蠔餅，但沒有好多油

上次晚上來到百樂小館，一試潮州佳餚，這次中午再訪百樂小館，卻是為著「飲啖茶，食個包」而來。功夫茶。酸子薑皮蛋 ($48)酸香子薑配上皮蛋向來是開胃美味的小食。鮑汁扣鳳爪 ($78)平時飲茶必點的鮑汁鳳爪大多煮得過份軟爛，骨肉離散，這裡的鮑汁扣鳳爪卻是煮得入味之餘保留肉質。上海生煎包 ($38)以平底鍋呈上的上海生煎包底部微微帶脆，肉餡肉汁不多但足夠濕潤，而包身則偏厚卻軟熟。晶瑩水晶包 ($38)水晶包分為豆沙及奶黃兩款口味，外皮晶瑩剔透煙煙韌韌，餡料軟滑亦不算太甜。香煎韮菜墨魚餅 ($68)煎得香脆的墨魚餅質感爽彈，香口得使人難以抗拒一口接一口，美中不足的是實在過份油膩。XO醬炒腸粉 ($58)平時飲茶最喜歡香辣惹味的XO醬炒蘿蔔糕，此XO醬炒腸粉其實如出一轍，外脆內軟，腸粉爽滑亦不糊口。香酥魷魚鬚 ($68)炸皮薄脆而且調味相當惹味，魷魚亦不會韌如橡筋。玉米流沙包 ($38)加入粟米粒的流沙包實在是坊間罕見，不過與其說是流沙包，倒不如說是奶黃包，沒有鹹蛋黃的金沙濃香亦沒有澎湃洶湧的流心效果，內餡為混有香甜粟米粒的吉士，配搭比想像中和諧合襯。皮蛋肉碎粥 ($58)皮蛋肉碎粥實為最平凡不

大部分女仔放假都會選擇去 "High Tea" 影吓靚相，今次我同朋友決定星期六搞搞新意，同樣係High Tea，不過係「高級飲茶」。上到美麗華四樓嘅另一邊，就見到百樂小館用雀籠設計嘅座位，兩個女仔即刻吱吱喳喳衝入去做「籠中鳥」。坐低無耐待應即刻送上「功夫茶」，一杯小小潮式功夫茶，細細淡飲已經覺得非常甘香。另外更有潮式小食，特別鍾意個酸菜，非常開胃！晶瑩水晶包每客六件，分別有豆沙同蓮蓉兩款味道，甜度適中，賣相亦非常唔錯。雖然對我嚟講鳳爪賣相唔吸引，但呢個鮑汁扣鳳爪非常特別，鮑汁香濃，鳳爪香糯入味，每隻都好有咬口，唔似一般茶樓煮得太爛，非常好食。玉米流沙包 - 非常特別嘅點心，對於奶黃包愛好者嘅我呢樣絕對係新嘗試。佢嘅味道無奶黃流沙包咁濃，有一粒粒粟米做餡，感覺特別。建議大家唔好影相太耐，絕對要襯熱食。蟲草花上湯牛肉球- 第一次食用上湯浸住嘅牛肉球，唔單止賣相比平時嘅靚，食落亦彈牙同唔似平時嘅咁重味，非常新鮮。極推介點心，無諗過腸粉都可以咁好味。雖然賣相都係一般，但原來XO醬炒腸粉係可以咁入味，加上腸粉勁滑，令我忍唔住不停再食。整體環境非常舒服，兩個人慢慢飲下食下咁就過咗三個鐘。其實有時

百樂小館是百樂潮州的分支，走年輕路線，份量及價錢都相當親民。對比打冷潮州菜，百樂小館固然是走截然不同的風格，高雅精緻得多。潮州人在餐前餐後都會喝一杯功夫茶，茶味濃郁香醇。滷水骨香鵝肉片 ($148)之前在外面吃過的滷水鵝片大多相當肥膩，滿口鵝皮脂肪，但這裡的鵝片脂肪比例適中，十分入味，而底下的滷水豆腐更是錦上添花。鮑汁扣鳳爪 ($78)鮑汁扣鳳爪不會像一般酒樓出品一樣煮得軟爛，毫無口感，反而入味之餘肉質爽彈。梅子肉碎粒豆腐湯 ($88/4人份) ($68/2人份)清澈見底的豆腐湯相當足料，滿滿盡是豆腐及肉碎。湯底清甜不油膩。潮式北蔥羊腩煲 ($288)寒冬臘月當然少不了暖洋洋的羊腩煲，除了羊腩之外更有冬菇、馬蹄、腐竹及竹筍等材料。無骨羊腩肥而不膩，肉質不韌。另外有一碗羊腩湯補上，更可以將生菜浸入湯中盡吸羊腩煲精華。金華炆大芥菜 ($98)鹹香的金華火腿與炆得軟腍的清淡大芥菜同吃味道能夠此消彼長。蘿蔔絲砂煲煨飯 ($168)當砂煲煨飯上菜的時候隨即飄香萬里，香氣撲鼻，恰似濃郁版的瑤柱蛋白炒飯。煨飯固然不如炒飯般乾身、粒粒分明，但是卻更加惹味，當中啖啖清甜蘿蔔絲，令人回味無窮。花生糖糠湯丸

唉 屋企人無啦啦又開個難題俾我 要食潮洲嘢 但又坐得舒服😕 明明潮洲嘢食嘅就喺風味嘢😒好啦 難得一家人出街食 飲得舒服啲都啱嘅😌-滷水鵝肉片呢個滷水鵝片切得夠薄 食落又夠入味👅而且又有我最鍾意嘅豆腐 滷得夠香又夠滑💓-鮑汁扣鳳爪 嘩～ 首先我想講 叫得呢個餸 叫埋白飯嚟撈汁食 這是常識吧🙈鳳爪炆得軟糯 食落超多膠質 啱哂叫俾媽媽食 補充骨膠原👅而且連個汁都充滿膠質 真喺無得輸 女人恩物嚟😍-煙薰鴨胸皮脆肉嫩 絕對喺佢代名詞～鴨胸食落有陣煙薰過嘅獨有味道 咸香味十足👅重點其實喺底下嘅菠蘿 食落都有煙薰味 而且仲好清甜💓-雜菌牛仔粒估唔到咁有鑊氣 牛仔粒熟度啱啱好食落仲好juicy 而且仲有好多我最愛嘅菇😍-椒鹽鴛鴦魷魚炸到外皮好酥脆 但魷魚食落唔韌～點解叫鴛鴦魷魚 咪就喺因為一個喺炸土魷 一個喺炸鮮魷 幾有創意👍🏼-蘿蔔煨飯呢個喺心機之作嚟 食得出喺先將飯炒過再放入煲 有飯焦又有呢個蘿蔔香 正啊👅-花生糖糠湯丸說穿了 其實喺糖不甩夠甜又夠煙韌 而且入面喺芝麻餡👅

行完街走左去百樂食飯，呀爸呀媽都好中意一黎就有功夫茶飲，抖順條氣先!呢個雞腳又幾林，仲有好多花生呀!我真係好中意食雞翼，如果多D蜜糖就正啦!潮洲野點會唔食滷水，個滷水鵝好好食，好入味又好林蝦球麻麻，好大雞黃味，可能我唔太好鹹菜豬肚湯勁濃呀，會越飲越辣，成大盆一家人都陪飲，正!哇，勁香口，超中意呢味，有少少想飲返杯添沙茶河有回辣感覺，內有花生碎，蛋有炒過，菜就林左D，都幾有特色食完飯未夠喉，叫多個糖水食，番薯糖水就一段啦，冇特別甜，個湯就薑汁味幾重媽媽中意呢D中式甜點，我一開始都唔太想食，點知一食就...勁好食呀!!!好香棗味，仲有一層層感覺，不過都幾甜下，食一舊夠啦!!

放假其中一個節目可以話是飲茶, 較早前便與友人去了位於尖沙咀的百樂小館飲茶. 店內的怖置好別緻. 坐下後, 侍應先奉上茶, 醬油和花生. 由於這是一間潮州菜的食店, 必有功夫茶飲. 我地點了鮑汁扣鳳爪, 玉米流沙包, 鮮蝦芋絲春卷, 咸菜福果豬肚和汕頭炒糕粿. 鮑汁扣鳳爪. 我自己好鍾意食鳳爪. 鳳爪好腍身, 帶有一點點黏口, 完全吸收晒鮑汁, 味道調教剛剛好. 玉米流沙包. 平日飲茶食奶黃流沙包就食得多, 玉米就是第一次食. 我自己覺得味道無奶黃流沙包咁濃, 餡料幾幼滑. 鮮蝦芋絲春卷. 春卷外層夠脆身和鬆化, 不會太厚身. 內裡帶爽爽地的芋絲和蝦肉好夾, 雙重口感. 這裡食潮州嘢, 所以一定點一些富有潮州特色的菜式. 咸菜福果豬肚. 咸菜軟硬適中, 估不到當中有腐竹, 完全吸收了湯的精華. 而豬肚不會太硬身. 汕頭炒糕粿. 這是首次食糕粿, 上枱時以為是蘿白糕. 口感與蘿白糕有點不同, 無咁散開, 味道不錯.

星期六日難得放假，當然想訓晏少少。可惜人總係犯賤，今日即使放假都神咁早約埋朋友一齊行山，不過行下山吸收下仙氣都好既，起碼人都建康d。行完先12點，一班朋友就提議去尖沙咀飲茶。去左美麗華一間自己有去食過晚飯既餐廳，但飲茶就真係第一次，晚飯比我既感覺唔錯，相信飲茶應該可以一試。餐牌除左大路既點心，又見到潮式食物，都好多種類。蕃茄上湯牛肉球 $38同平時食開既山竹牛肉係兩個樣，被蕃茄包圍既牛肉好有新鮮感，神奇既地方係佢可以保留到牛肉既味道再加上清清既蕃茄味，而口感亦因爲加左馬蹄而變得豐富。潮式煎韮菜粿 $38韮菜粿雖然唔係厚身，但店員幫忙剪開之後，見到裡面有大量韮菜，入口滿口韮菜香。古法酸甜粿肉 $78上枱時既賣相的確似足咕嚕肉，味道當然一樣甜甜酸酸。同咕嚕肉既最大分別係食起嚟無左咕嚕肉實在既口感，取而代之係鬆軟既肉質，外脆肉軟既口感。香煎韮菜墨魚餅 $68墨魚餅煎至金黃色，咬落墨魚肉彈牙，同時又食到菲菜。鮑汁扣鳳爪 $78鳳爪浸係鮑汁之中，入口充滿濃郁鮑汁味。軟淋淋既鳳爪，以慢慢細味(啜)去品嚐係指定動作。蜜汁煎單骨雞中翼 $58雞翼大隻啖啖肉，蜜汁均勻佈滿整隻雞翼，十分香甜。雞翼入口嫩滑

中菜是非常考廚師的功夫，基本功有沒有打好一試便知，呃唔到人。這次去的百樂小館，吃的是新式潮州菜，嚐得出來的功架，相當滿意。首先環境相當開揚，裝潢新穎有心思。彷如雀籠的設計，eye catching之餘私隱度相當高。前菜和功夫菜。餐牌圖文並茂，菜式相當多而吸引。好像很好吃的樣子。滷水豬大腸($68)吃潮州菜必先吃冷盤。滷水豬大腸滷得入味。紋理清晰，中間乾淨沒有騷味。有咬口，彈性十足。肉質嫩滑不乾。麻醬手撕雞（＄180）小妹覺得中菜不能沒有雞，所以一定要叫雞來吃。繼滬式醉雞之後，麻醬亦是我比較鍾愛的一個選擇。拆骨的雞絲，啖啖肉的感覺，咬得特別輕鬆放心。我個人不太喜歡一般店家直接用日式麻醬，這家的麻醬相當濃厚，並非一般超市現成貨色，很好！鮑汁扣鳳爪（＄78）不得不說，百樂小館的鮑汁是令人驚艷的！吃得出來的香料、雞等精華匯聚其中，芡感不會過重，令人忍不住垂涎，這就是功架了吧！鳳爪膠質豐盈，配上這鮑汁實在非常滋味！糖醋伊麵（＄98）這個菜式我以前沒有吃過。因為我不太喜歡伊麵。不過同枱之友極力推介，不妨一試。猶如pizza的模樣，點上白糖和鎮江醋，酸酸甜甜的味道很特別，加上炸脆了的伊麵質感一流。背

百樂小館是其中一間筆者會重複造訪的餐廳，取其環境舒適，菜餚可口，定價合理。是晚與友人聚餐，也選擇以百樂小館為落腳點。 滷水鵝肉拼盤是在潮州餐館不能錯過的菜式，鵝片味濃肉嫩，墨魚片柔軟富彈性。鮑汁扣鳳爪是筆者甚喜歡的小吃，鳳爪炆煮等腍身入味，掛上鮑汁更為可口。不過，吃此道菜記緊要趁熱吃，否則帶黏性的醬汁最終會糊在一起。蜜汁燒雞翼蜜味甚濃，雞翼飽滿好吃。鹹菜豬肚湯實屬驅寒佳品，胡椒味道相當重，喝畢體感溫熱。潮式金衣焗蝦球即是我們常吃的黃金蝦，製作香而不膩，蝦肉結實，值得推介！ 金瓜九肚魚烙外層經煎香後微微帶脆，以金瓜九肚魚作餡餅食感甜嫩。魚烙面上灑上花生粒亦碰巧是筆者喜愛的安排。黃豆醬炒鯧魚片用上厚身的鯧魚肉，因醬汁重味偏鹹，較適合伴上白飯品嚐。沙茶牛肉炒河是十分富風味的主食，亮點沙茶醬香中帶辣甚搶口，鬆軟的牛肉片的與綠爽的芥蘭為伴是一個理想安排。薑汁番薯糖水與鹹菜豬肚湯一樣溫感剛烈，薑汁功效顯注，辛辣甜味相碰有不錯的效果。蓮子棗皇糕做法滋補傳統，棗皇足味甚甜，食感微微煙韌。在百樂小館可吃到較年輕的潮州菜，與好友大夥兒聚餐的話不妨試試！