景逸軒 (Closed)

今天齊人全家做節，所以想book間大房和一大張枱可坐17人，酒樓想搵張大枱真的不是易事，而這間＂景逸軒＂地段方便，裝修也算光猛寬闊，張枱真的夠大不用坐摺凳，所以決定選這間，可惜味道真的一般般😒餐具不乾淨，換了好幾次😟乳豬四式併盤乳豬皮夠脆，叉燒也夠入味和腍特式金網香芒筒賣相可以，金網不夠酥化鮮果拔絲黑豚肉真的有拔絲感覺，豚肉也夠爽口彈牙金盞陽光十二蔬十二蔬裡面有些材料不太新鮮，味道有點怪紅燒竹笙海皇燴燕窩吃不到有燕窩，只是普通的打芡湯而已蠔皇翡翠鮑螺片鮑片夠腍夠濕潤太極鴛鴦雞豉油雞也不太新鮮，另一隻白切雞都是一點味也沒有的香椿菜牛油果炒飯炒飯夠乾身不太油，有少許松子很香口原籠馬孻糕馬孻糕不太甜，夠鬆軟紅豆沙紅色豆沙杰撻撻一點也不好吃，吃一口就吃不下去了

擺酒搵地方選擇多, 但要搵到啱既又點會咁易呢~收窄範圍到幾間, 景逸軒是其中一個選擇。位置近尖東, 但交通方便, 近地鐡站, 行去火車站都只係十分鐘左右, 九龍, 新界, 港島都十分方便。就和長老們來這裡試試菜吧~LIFT係正門口位, 一出LIFT就見到整個餐廳全貌。餐廳樓底高, 光線充足, 落地大玻璃望出尖沙咀夜景, 環境分無得頂。晚飯時間尚早, 點菜後很快就到~炭燒牛肋骨酒樓很少見的牛肋骨, 份量極大。肉質粉嫩, 牛味經過炭燒十分香濃。配上芥末, 青瓜,  濃中帶點清甜。鮮果拔絲黑豚肉開眼醒胃的頭盤！鮮果包圍著煎炸過的黑豚肉，主角格外醒目。黑豚肉入口鬆化，包在外圍的糖醋醬酸酸甜甜的，配上咸咸的黑豚肉，醒胃之選～黑蒜螺頭燉雞十分香甜的燉湯。烏黑的湯裡頭有雞爪，螺頭。黑蒜味黑蒜味濃，螺頭香甜，有少少似中藥味，未婚妻不太好～波士頓龍蝦伊底十分滋味的龍蝦伊面。龍蝦多肉清甜, 芝士粉量十分多, 每一啖伊面都沾上芝士濃汁。沙巴龍躉沙巴龍躉是由龍躉及老虎斑配種而成。就是這樣, 吸收了龍躉和老虎斑的優點, 龍躉的濃濃魚味, 以及老虎斑的香嫩肉質。餐廳蒸的時間還算可以, 因為骨頭位置還有少許血水。但

繼續四出為婚禮張羅，擺酒地點收縮到2、3間之選~全部都交通方便，而且裝修禮面~景逸軒係其中之一的選擇~得知尖東分店新開張，非常雀躍~~即刻訂位，俾四大長老試下菜~ 點菜後，再望真四周環境~一大排落地大玻璃，望出尖東鬧市~樓底夠高，配合超大電視~ 第一感覺不錯~~ 當場7點入坐，客人唔算多~所以起菜速度都幾快~~好快就成台擺滿送~~ 鮮果拔絲黑豚肉作為第一碟菜式，十分稱職~酸酸甜甜的拔絲~ 配上炸過的黑豚肉~ 抵讚之處，炸漿夠薄 ~黑豚肉亦唔會過份油膩~ 雀巢海中寶賣相精美，而且海鮮種類眾多~有魚塊、尤魚、帶子、海蝦~小妹只試左海蝦~ 海蝦鮮味彈口，絕對唔係雪藏貨色~ 配上甜甜的合桃~多重口感！ 芝士龍蝦伊麵點一隻龍蝦 HKD 198，送上伊麵底~價錢還算實惠~ 上台份量足料，芝士香味四溢~~龍蝦更加啖啖肉~ 夠彈牙~~伊麵份量亦多，食極都重有~~ 6人合力才能勉強清碟~~ 另一重量級主菜： 炭燒牛肋骨足足3大條炭燒牛肋骨~牛肋骨配上黃芥末醬~入口油脂感剛好，濃濃牛味~~ 這味係fusion 菜，長輩們唔太識欣賞 XD就由我 & 男友2人包

景逸軒在尖沙咀開了新分店，座落天文台道八號一幢全新商廈內。店內格調和其他分店差不多，以銀白色作主調，地方光猛乾淨。無獨有偶，頭盤三小碟之其中兩款皆與昨晚飯餐一樣。昨日的滷水豬仔腳肉少骨多，感覺不太好，今日的豬仔腳則正常多了，滷水汁味道也不俗。另一相類似的菜式招牌海苔九肚魚，炸得金黃香脆，雖然魚肉不及昨晚的肥嫩，但已算是一道好吃的炸品。最後一款小吃秘製欖角一口骨，欖角帶有獨特香氣，口味帶甜，一口骨鬆軟可口。湯羹瑤柱花膠四寶羹，質感明顯過於厚身，四寶絲絲可見但同時予人雜亂無章的感覺。瑤柱花膠本應是兩款主要餸料，但在四寶穿插中味道實難發揮。琥珀雀巢海中寶是兒時喜愛的菜式，海鮮配料有斑片、帶子、海蝦及花枝片，選材富一定水準，尤其是斑片，味道令人滿意。至於雀巢本身，酥脆感比預期稍遜一籌，幸而琥珀甜脆吸引，補足雀巢所失的分數。鮮果拔絲黑豚肉是甜酸口味的美饌，醬汁稠度被刻意調高以突出拔絲的視覺效果。黑豚肉肉質鬆軟，肉香亦佳，是一道醒胃推介。菜蔬濃湯桃膠浸菜芯，賣相特別，菜芯甜嫩度普通，特別之處是湯中的桃膠，口感微爽帶黏，是富食療功效的補品。相對濃湯桃膠浸菜芯，蝦米醬乾煸四季豆當然是更濃味香口的菜品。

小弟是煙民一名，屬社會小眾。政府推行食肆全面禁煙已有一段時間，猶幸在下煙癮不大，惜施對小弟影响頗微，只是如果飯局有酒，必須抽身室外呼吸一至兩回。沒辦法！一喝酒，小弟便煙癮難耐！在下有些煙癮甚大的朋友，現在寧選在路邊大排檔用膳而不選酒樓，原因只有一個，便是吸煙不便！在酒樓用膳，吸煙要走到樓下户外範圍，吸煙時間連腳程動輒超過十分鐘，以一頓兩小時的晚飯計，假設他們抽三根煙，便逾半小時即四份一用膳時間不在𥱊間，如此晚膳，真的相當冇癮！今晚四人飯局，約了在天文台道8号的景逸軒晚膳， 在友人未到前發現了它 - 户外吸煙露臺 不要少看它，一頓飯可以替煙癮大的朋友省卻每根五分鐘的步行時間，酒樓有户外露臺的其實不多，去過的就只有厚福街的厚福漁港有這設施！酒樓開張不到一個月，單看室內裝潢便知道它是一家主打婚宴的酒樓，大家如希望晚膳於此，請先訂座，不要臨時Walk In ，以免撞着包場宴會，白行一趟。問了經理一下，包場宴會的話，這裏可以延開30𥱊，即可接待總數300多人。友人到齊，開始點菜。點了蟹子桂花炒海膽、金湯大蝦球配墨魚麵、鮮果拔絲黑豚肉、三響炮組合 : 老火靚湯、蟲草花野菌蒸比目魚及脆皮一品燒雞、琥

今晚跟爸媽睇完裝修材料後, 辛苦一天決定慰勞下他們在尖沙咀這間新開不久的酒樓試中菜, 想不到的意外驚喜, 見到兩寶滿足的表情, 下次要再encore.可能是新開, 餐廳閒日不多人, 但service 反而更貼心 , 所有menu 同裝潢都很新先來老火靚湯餐廳選擇了在客人面前翻熱這煲足料的湯, 只是$138…..竟然湯渣多到可以放滿一隻碟。有很多雞腳, 豬肉, 淮山等食材, 一煲可以分到8 碗左右, 而且很甜脆皮素鵝 我個人很喜歡這個素鵝, 甘筍, 木耳, 蘿蔔等切成絲, 包在炸得很脆的素鵝中, 很香口而不油鮮果拔絲黑豚肉  個人覺得這道菜真的很出色。黑豚肉沒有包著很多炸粉, 而且食材很高質素, 半肥瘦的黑豚肉咬下去有很多汁的感覺, 而且咕嚕肉的煮法很考功夫, 糖絲黏在黑豚肉之間, 當我們夾起時, 一絲絲的拔絲拉成一個很有趣的畫面。而廚師對伴菜都一絲不茍, 把桃跟切片了的士多啤梨砌成一個很美的菜色, 中西合壁。黑蒜雙蔥海參豚肉 這味菜色見證了心機煮，海參被煮得很淋入晒味，有點起膠的感覺，而大廚把大蔥跟香蔥一齊爆香豚肉，而且加了很健康的黑蒜，令整道菜色更香濃，好想叫多碗飯。濃湯桃膠浸菜芯 

舊同學相约我到尖沙咀區景逸軒,食晚飯聚舊.餐廳店有傳統的中式裝潢,水晶吊燈具奢華氣質派,光猛舒服.* *【瑤柱花膠四寶羹】 瑤柱花膠四寶羹非常美味,勁足料,有花膠、瑤柱、冬菇、竹筍等,帶有濃郁的香氣,味道鮮美,營養豐富.* *【鮮果拔絲黑豚肉】黑豚肉掛滿甜甜微酸的醬,肥嫩美味,脆口不黏,又帶拔絲的甜脆感,急不住食多幾口.* *【羊肚菌百合鮮淮山】 非常健康好味道菜式, 有荷蘭豆、百合鮮、淮山 有爽清脆口感,配上羊肚菌的醇厚,簡直是絕配.* *【蒜蓉開邊海蝦】送來時蒜香撲鼻,海蝦想不到有羔,並非常彈牙,新鮮到震,鮮香無比.* *【濃湯桃膠浸菜芯】這菜芯嫩口,竹笙吸滿濃湯精華,而桃膠似軟稔啫喱口感,配是清甜的菜式,所以絕對是注重健康飲食必然之選.* *【芝士焗波士頓龍蝦伊麵】 大隻龍蝦啖啖肉,鮮味肉質爽甜可口兼彈牙,肥美肉厚,配上濃郁的芝士,與龍蝦很絕配,尤其伊麵裡掛滿芝士,非常芝味.當然少不了甜品* *【原個椰皇燉鮮奶】一口吃,口感可惜有點鞋不太嫰滑,應是蒸得過濃,有鮮奶香濃及椰皇清甜.

之前每一次去「景逸軒」都係去紅磡海逸酒店既分店。如果唔係朋友提起，真係完全唔知道原來佢喺天文台道呢棟新既商廈開左新分店，以後終於唔駛山長水遠由尖沙咀行天橋過去喇！台南七味豆腐 ($52)：細細粒既豆腐炸到剛剛好，外脆內軟之餘「一口牛」既size令佢可以一啖就食晒落肚，更難得既係佢唔算太熱氣添！脆皮燙手乳豬（半隻）($338)：乳豬既皮出奇地脆，肉質肥瘦適中，唔似平時擺酒肥到漏油既質素，雖然做唔到「燙手」，但微熱既感覺入口時都值得一讚既！脆皮素鵝 ($48)：入口時鬆脆既感覺令我覺得佢係即叫即炸，素鵝裹面既材料都算豐富，鍾意食香口野既朋友記住唔好錯過呀！瑤柱花膠四寶羹 ($198)：五個人食剛剛分到五大碗，不過如果D花膠同瑤柱可以大粒D就更加好喇！琥珀雀巢海中寶 ($128)：材料非常十足，除左常見既帶子同埋鮮魷之外，重有石班、帶子、合桃、紅椒同埋蜜豆等等調起D味，正！八寶時蔬併盤 ($88)：對於鍾意食清淡食物既朋友真係不可不點，但老實講作為「食肉獸」既我只係一般！濃湯桃膠浸菜芯 ($88)：浸菜芯落左女士們最鍾意、功效近似燕窩既美顏食材桃膠。桃膠又稱桃脂，乃桃樹既天然分泌物，會在樹上

久不久既家庭聚會，通常都會食中餐，今次揀左開張左無耐既「景逸軒」，呢到地點都算幾就腳，由美麗華商場行過去都唔洗5分鐘，環境都幾好唔太嘈，亦都有種高級華麗既感覺，幾適合一家人食飯傾計。餐牌設計精美，選擇都好多，最後揀左唔同既菜，肉，炒飯同湯。台南七味豆腐:七味豆腐色澤金黃，係豆腐粒上沾上麵粉後炸成，炸起後表層酥脆，但係咬落仍能夠食到豆腐既香滑，上檯時仲係熱辣辣，都要慢慢食。脆皮燙手乳豬 (半隻):乳豬既口感同味道都唔錯，乳豬既皮脆卜卜，肉質都幾香，肥膏都唔算多。脆皮素鵝:素鵝係用腐皮整既，D皮炸得好脆好甘香，餡料好豐富，有紅蘿蔔同埋各種菇，食落都幾開胃。瑤柱花膠四寶羹:海皇羹加左少少花膠同菇後整成，花膠煮得剛剛好，茨水調得幾好，唔會有飲漿糊既感覺。琥珀雀巢海中寶:呢味餸用既兜係用食物整食既「雀巢」，實質用咩黎整就真係食唔出，「雀巢」裡面盛載著魚，四季豆，雜菜同埋合桃，賣相幾靚，味道都唔錯。八寶時蔬拼盤:時蔬拼盤比較普通，都係有菜，黃椒，草菇，蕃茄同埋金菇，蕃茄切到花型，睇得出廚師好有心機去預備，係花既中間再加左D金菇，睇落好吸引。濃湯桃膠浸菜心: 呢味餸有D似雜菜煲，菜心同竹笙等等既菜吸

今日係特別既一日，係為某熱愛中菜既朋友celebrate. 為左方便大家，book 左尖沙咀呢間中菜，網上無咩評語，但見海逸都有分店，應該唔差，反正其他都食到好悶，試下新嘢，eating spirit - try every new things!去到一個客都無....閒日真係閒日，可以無人，包場呀 朋友們都呆左，有幾可坐到窗口位，裝修得咁靚段估都唔會唔好食啦，我諗係新開睇餐牌又好多嘢揀，仲幾有特色wo淨係睇呢兩個餐牌都食指大動，同平時食開果d唔同，好多都想試，仲要好肚餓 (做左好多個鐘啦)第一道菜: 老火靚湯真係拎個煲出黎，好有試意，點睇都係因為聽到有川貝，潤肺，做到氣咳，真係要補補，好濃既湯，堅足料，仲俾埋d 渣我睇，真係有豬尾，仲好冧，好好味  有成6大碗，138蚊又真係好抵飲，好過健x工房。第二道菜: 燒腩仔OL扮唔食肥，叫個細既唔叫例牌....得9 件，好想食多件都唔好意思....真係面脆，肉滑，唔係D大豬扮細豬既肉，脂肪同肉比例剛剛好 第三道菜: 金湯大蝦球(墨魚麵)我好鍾意呢道菜，有D西式，但又用中式方法整，上面果兩條麵係炸過，好得意，個汁有芝士又有南瓜味，好特別