打邊爐海鮮火鍋燒烤店 (Closed)

呢幾日忽然轉涼，即時call朋友去打邊邊! 呢間起名真夠直接，就叫"打邊爐海鮮火煱"鮮活烤魚…平時都係食桂花，淡水魚，第一次食呢個竟然係沙巴龍躉。堅係新鮮嘅海魚，雖然係養魚，但個魚缸好乾淨，肉質結實，又唔好太老，兩斤幾嘅size 最好，夠嫩夠實肉，而且燒完之後再煮，啲味入晒又鮮，而且配菜都好入味，有大量我最愛嘅莞茜，自家制泡椒，大量菇同大豆芽，配菜都要清晒佢!! $400唔使食到咁大嘅海魚，真係自己整都無咁平呢!花甲蟹鍋 (肉蟹)上枱已經"嘩嘩"聲，成個煲有勁多蟹，同配菜，點人口裡面仲有好多好多花甲! 未滾前食左啲花甲先，好鮮甜juicy， 食下又有，食下又有，好似食唔完咁?! 我地已經好努力食，因為驚啲花甲太熟，會靭，我食下一碟，又一碟，前前後後食左有30隻! 問下老闆，佢話裡面有兩斤幾花甲，超誇張! 即係有百幾二百隻係入面!唔怪得個煲咁重啦! 而啲蟹都有斤幾，完整嘅有兩隻中蟹，仲搭左幾隻大蟹鉗! 啖啖肉! 仲有配菜，好多菇菜!不得不講係個湯底，食晒啲海鮮飲啖湯，啖啖清甜，而且仲有好重胡椒味，係呢個轉涼嘅天氣，一飲落去，個身即時暖晒! 好正，又唔太辣!本地手切新鮮牛頸脊食完海鮮，用埋

明明開始暖返，又突然轉冷，係時候打邊爐食雞煲辣野暖暖身，去到打邊爐海鮮火鍋燒烤店。看到店內的照片，最吸睛的是鮮活烤沙巴龍躉與花甲蟹煲。先吃個泡椒雞腳，輕微麻辣味好入味，相比白雲鳳爪，我更喜歡這個!鮮活烤沙巴龍躉，魚本身已七成熟，滾起了就可以食用，執底配菜有腐竹、菇、芽菜、芹菜吸滿泡椒辣汁，魚面珠如花甲般大小，實肉又有鮮味，汁料越煮越辣，非常惹味。花甲蟹煲，用了1.5肉蟹及 2斤花甲，可想而知湯底的濃郁鮮甜味，當中加入了胡椒粉，辟腥同時又暖胃。記得要先吃花甲，才吃到爆水鮮甜味啊！蟹殼有預先敲碎， 容易食用，蟹肉煲至最後依然鮮甜無比!配碟嫩綠皇帝菜，吸湯最好不過!再來寒冬必食臘味飯，大大煲，分到五大碗，臘腸，潤腸，臘鴨，臘肉，遠遠都聞到其咸香味，飯粒分明，有點在像吃生炒糯米飯的口感，一點也不油膩。