Akoya

Open Now

Now Closed

🎏熊妹好耐都無返過日本啦，熊妹好鍾意日本居酒屋，除咗可以食到日本美食，仲有日本風情的格調，居酒屋的氣氛係絕對可以令繁忙的都巿人喺平日營營役役的生活中輕鬆一下。📌居酒屋，原本在日本是讓男性上班族下班後過來飲下酒放鬆一下的地方。後期引入了各款豐富飯菜的料理，價錢親民，變成現代好受大眾歡迎，成為大夥兒朋友們過來把酒談歡，品嚐美食，暢快交談，輕鬆玩樂的聚集地。而熊妹就是鍾情居酒屋的日式裝潢，能夠一邊淺嚐日式小吃料理，一邊跟朋友們談笑風生聊個天，「一啖串燒一啖酒」，正正就是熊妹喜愛居酒屋的感覺🏮。📌咁鍾意居酒屋，就揀間正宗的居酒屋同忌廉妹聊個痛快。香港的居酒屋多不勝數，要揀一間正宗又啱晒熊妹感覺真係唔容易。《酒場》位於尖沙咀寶勒巷，係得尖沙咀地段站腳，一定唔會差，而且聽好多朋友都有推介過，熊妹真係要來攞返啲日本感覺喇🇯🇵。📌餐廳裝潢就是和風嘅感覺，枱與枱之間有木板屏風隔住，自成一角之餘，又會隱隱約約望到隔籬枱的人及餐廳其他環境，牆身就掛咗啲藝術的字畫🖼，真係好日本風情。📌居酒屋料理主要有炸物小食、串燒、沙律、刺身、烏冬同飯，全部都係送酒菜式。鮮蝦牛油果沙律， $78餐前食個沙律小食🥗，開下胃先。

又到Monday，係出街食飯的好藉口，都係嗰句：要將每個Blue Monday 變成Happy Monday，咁先有動力過一星期，哈！今晚就約了好友去居酒屋鬆一鬆。一出𨋢門就見「酒場」兩個字，雖然我地唔飲酒，但也可食好嘢。內裏裝潢簡約，沒有掛上太多擺設，感覺比一般的居酒屋舒適得多，加上播着輕快的日本歌，音量適中，令我在疲乏的一天輕鬆過來。店子地方不算大，一邊是一行吧枱，另一邊則有幾張四至六人枱，每枱均有一道高身的日式屏板隔着，又可防疫，又有私隱度，很好的設計。一打開menu，嘩！每頁都有我最喜歡的食物繪圖，一直都好想學。菜式分面，有二人前晚餐、小食、刺身、串燒、沙律、飯烏冬和甜品，還有多款日本酒。二人前晚餐實在太豐富，今晚我倆還是較合適單點。***************************先上一道鮮蝦牛油果沙律 Shrimps with Avocado Salad （$78）以半個牛油果殼盛載，墊了一大塊清爽翠綠的沙律菜，再淋上千島醬，賣相挺有心思。先嚐原隻拆殼的鮮蝦，色澤橙紅，肉質相當爽彈，優質！而牛油果則又香又滑，拌入千島醬，酸咪咪好醒胃，配搭美味，很討我歡喜。*******