稚

Open Now

Now Closed

之前已經食過稚幾次，特別中意食定食，有好多小盤，未食已經滿足左對眼先👀半條鰻魚飯$76+定食$30女仔食份量實夠飽關東煮入面有羅白、獅子狗、魚腐？！、年糕，再有湯有茶，味道正常⭕️😉鰻魚煮到剛剛好，易夾入口有小嫩感，好送飯整體不錯。💯厚燒玉子 $30厚切大大件，燒燶邊上枱都聞到香味如果上面可以再加多小小醬更好😂都好味😋西京魚$86+定食$30西京魚失色左小小，肉質滑但魚無乜味靠沙律醬吊味多d

🍽 餐廳：稚（元朗）😋味道：5/5💰CP值：5/5🕴🏻服務：4.5/5🪴餐廳環境：5/5👀回頭率：5/5📍 地址：元朗俊賢坊18號權益大樓3號舖（近芒果專門店隔離幾間鋪）同朋友都係住元朗附近，我地相約去呢間日本野食午餐，貪佢價錢夠貼地，而且餐廳裝修好有日本動漫風格。豚肉生薑燒定食$60豚肉份量好多，我地兩個女仔交換食，都食剩左少少，豚肉爽口，有啲似豬頸肉既感覺，珍珠米上面加入少許飯素更加美味。就連旁邊既配菜鹽漬蘿蔔同菜都好好味👍🏼定食仲有一碗味噌湯同中華沙律，都一樣好味😋蒲燒鰻魚定食$72鰻魚好大塊，我地share食都覺得仲有好多肉👍🏼d汁好夠，滿意滿意😋😋烤雞泡魚（唔記得價錢）筆者一向都好鐘意食烤雞泡魚🐡，餐廳烤得又咸香又甜，唔係每間日式餐廳都會有烤雞泡魚～～🐈🍚貓飯（紫菜、木魚花、日本醬油、牛油）🌟睇返其他人食評，原來貓飯係呢間餐飯其中一個賣點，今次冇試到，下次回頭可以試下。

😋味道：4/5📸打卡：4/5🗣服務：4/5🏡環境：4.5/5💵人均：$70-150💰性價比：4/5👍🏻推薦度：4/5🏃🏻‍♀️回頭率：30%.🏡門口唔係咁起眼 係一間小店🙈但裝修同擺設都好日式 有好幾幅動漫嘅砌圖同圖畫🥳再播埋動漫嘅主題曲 好有日本小店嘅感覺！.🐟鰻魚定食 $72 (8/10)饅魚好好食🤩啲肉好軟熟 一夾就開 而且冇乜骨 食得好暢快😙貓飯係撈埋紫菜木魚同牛油一齊食嘅飯 冇想像中咁出色 可能因為撈埋木魚一齊食 飯比較乾身😣但係都幾特別 味道係唔錯😋仲有牛油鹹鹹地幾滋味！但記住撈勻咗先食🙈.🧀炸芝士年糕 $24 (8.5/10)原來得兩件😢有少少貴🤏但食落都覺得值得嘅 咬落去外脆內軟 口感幾煙韌中間流心芝士餡都幾多🤩咬到中間會爆餡流芝士出黎🤤.🐼另外仲有叫蜜糖雞扒定食 不過我冇試味 但睇落雞肉都幾嫩滑 炸得幾靚😙 原本係因為呢度嘅貓飯出名而嚟🥴雖然冇想像中咁好食（太乾了！）但整體味道都唔錯 鰻魚更係高水準😻好有日本風味嘅一間小店 都可以一試🥳（不過小遠lol）

最近很多餐廳都推出外賣自取，之前食過呢間鰻魚飯令人回味，今日想再幫襯，見到外面冇人，但原來入面已經full晒無位，原來有得外賣自取，咁就外賣自取返屋企食啦😍叫咗個鰻魚定食，鰻魚都係一如以往的又滑又軟稔稔，配上照燒汁，濃濃的醬汁使鰻魚充滿風味。這個定食還有點椰菜絲，挺有咬口，夾一小塊鰻魚加椰菜絲，再配一口珍珠飯，很有日本感覺🥰 又令人想旅行了~ 吃到最後一口飯也有照燒鰻魚汁呢😋 再喝完味噌湯，大滿足🥰

那天到訪住在朗屏的朋友家後，她帶我到經常光顧的日式料理餐廳吃個便飯餐廳外之木櫈、木架黑板餐牌、透視廚房玻璃窗及門廉等簡單配搭流露出一股日式風情餐廳鋪面細小，大約可容納12-14人，主要以深木及白色為主。細小的鋪位難以實行1.5米枱距，選擇以白板把枱與枱相隔。廚房採用開放式設計，可以看到廚房企理潔淨，及安心的食物製作過程，但油煙相對較大，坐附近不時嗅到淡然油炸味道午市定食一共有9款飯供選擇，已函蓋豬、牛、雞及魚，定食附有味噌湯、茶與珍珠米，加錢可轉為貓飯，飲其他飲品及追加溏心蛋木托盤盛載著擺放整齊的食物，加上木筷子與木匙羹，滿載著日系文青風，是視覺上的治癒主角半條鰻魚雖然魚骨甚少且幼細，不防外進食，但肉質軟腍，略嫌欠缺燒烤脆之口感，味道帶有淡淡鰻魚味，主要源於日式燒汁，酸甜燒汁頗濃味，為鰻魚增添不少惹味感，但有愈吃愈鹹的趨勢，每口鰻魚配上米飯便剛好得到中和詢問後所為之貓飯，就是珍珠米中加入牛油、紫菜、目魚及日本醬油，珍珠米中果真滲透出淡淡牛油香，白米飯帶有鹹香之餘還令口感更順滑，對牛油珍珠米留下一個甚佳的印象！而灑在飯面的紫菜絲及目魚片則豐富不少層次感味道如一般日本餐廳品嚐到麵豉湯，但額

之前嚟過呢間稚食晚餐，今日再嚟元朗諗起呢間隱世日式餐廳一於趁住lunch time再過嚟一試店舖門面依舊，原來唔經唔覺呢間野都開咗有3年？仲記得當初就係幾個90後年輕人希望保持住童心做好食物，誕生咗稚店內主要木系裝演，仲有d動漫墻，連bgm都係jpop, anime等有open kitchen睇到廚師們用心製造食物，打造一個溫馨和風小店～今日主要就食佢嘅午市定食，叫咗最愛嘅鰻魚慰勞下自己～★★★★★鰻魚定食 $72配送味噌湯、茶、珍珠米另加$10要咗隻自家製溏心蛋鰻魚好大條，夠厚身尾尾仲燒到微微焦香，食落冇乜骨，冇腥，抵讚同時食得出表面嘅香脆同內裡魚肉嘅嫩滑再加上燒汁落得非常多，口感夠晒濃厚，鰻魚底仲有好多椰菜，撈埋條魚同菜落飯度食，一流個溏心蛋輕輕夾開，蛋漿流晒出嚟，非常吸引口感帶微咸香，蛋黃漿撈落飯度更加惹味麵豉湯，濃淡適中，飲落都好舒服整體色香味俱全午市嚟講份量仲好足夠tim希望繼續keep住到水準呀😋稚 Childhood lzakaya整體評分★★★★★地理環境★★★★較近朗屏或水邊圍小店格局，建議2~4個朋友去或撐枱腳就最好服務★★★★★有禮貌，態度良好，主動介紹食物★★★

星期六晚又喺元朗搵嘢食， 7點9去到餐廳，啱啱好滿座，要等位，好彩早dd到，後期有唔少人黎 鋪面唔大，坐到10幾人到，所以如果同朋友要慢慢傾，就未必適合啦。大約等左10分鐘就入得，見到menu有唔少野都好吸引，但無奈只有兩個人，叫唔到太多款式。最後叫咗大阪燒（俾佢吸引而黎一試），鰻魚定食，同小丸子。首先上嘅係鰻魚定食，睇落去都好好食咁。呢度係半條，都夠食嘅，鰻魚真係幾好味，值得一試。個人唔係幾好麵豉湯，俾咗男友飲，佢話中規中矩冇咩特別。跟住上既係小丸子，紫菜同木魚都好多，完全蓋過小丸子。小丸子唔算好大粒，但味道OK ,都幾多沙律醬。最後上嘅係大阪燒，同樣都係有勁多紫菜同木魚，燒汁同埋沙律醬都好多。唔知係咪因為食咗小丸子，開始覺得太多汁啦，有點膩，食咗一兩舊就唔想再食，如果有多兩個人share可能好啲，但男友覺得OK ,就俾佢清晒啦。

鰻魚定食 ($82)鰻魚燒得皮夠脆同香 入面就保持到嫩滑 燒汁亦都非常多又入味 不過鰻魚本身唔係好夠肥美 所以食起黎唔夠juicy小編亦加左$10將白飯轉左做貓飯~ 即係加左紫菜 木魚絲 同埋牛油既飯~ 將所有材料攪拌埋一齊超好味 真係會掛住食飯唔記得食餸咖哩吉列豬扒定食 ($58)鰻魚定食係正 但係唔係成日都咁富貴可以食咁貴😂所以都試下個經濟d既吉列豬扒 結果都係一樣好味!吉列豬扒炸得夠香脆 亦都保持到肉汁 不過就略嫌唔夠鬆~ 而個咖喱汁感覺係自家製 比起平時既日式甜咖喱辣d香d 入面有新鮮薯仔同紅蘿蔔粒 中意佢咖喱汁另上 唔洗驚d豬扒會好快冧唒! 最後值得一提係個麵豉湯 係有好多菇同豆腐 大滿足呀

一個文青的早上，帶著偽文青眼鏡到下午的居酒屋嘆一個鰻魚定食，故事就是這樣開始⋯好啦我唔扮晒野喇，呢間居酒屋很有地道香港日本野的感覺，個定食不過不失，鰻魚燒得算稔身，啲邊都脆既，配埋鰻魚汁，無驚喜不過作為lunch係滿足既。雞扒定食配貓飯，貓飯就是白飯上加鰹魚乾片、蛋黃醬同紫菜(應該係)，撈埋一齊食好有去日本無錢食好野返酒店撈飯食既感覺，不知道是否名物？也就時不過不失囉。至於啲雞扒就真係⋯硬咗啲⋯味道OK既只係咬到好攰⋯⋯

之前聽朋友介紹話這間小店的鰻魚好好食，心郁郁，第2日即刻走咗去試。好彩一入去就有位，但落單慢咗，等得耐咗少少。但食物質素同價錢都好驚喜，食到好滿足，下次要再嚟食埋其他小食。