弁慶 御好燒 鐵板燒

Open Now

Now Closed

📍中環 𝙲𝚎𝚗𝚝𝚛𝚊𝚕❝正宗大阪燒🔥日本人主理 性價比高 又有驚喜!🇯🇵🫶🏻❞呢間日本過江龍大阪燒店高質wor🥳有驚喜呢～😳🔥味道同氛圍都令我諗起之前係日本既席前大板燒小店!🇯🇵呢度仲要由日本人廚師主理 坐喺鐵板前望住3位靚仔廚師整🤪好有風味!🙆🏻‍♀️當晚dinner係滿晒座😱都有人walkin但就要等好耐位 建議先訂位呀!🫶🏻✨🔥大阪御好燒 $104 (4.5/5)可以自選3款配料 揀左蝦, 豚肉, 魷魚🐷🦐🦑有大量椰菜 厚身 外層微脆 配上大阪燒醬汁同海苔粉 惹味又滿足!🥰🐔免治雞肉燒 $88 (4/5)軟腍雞肉餅混入雞軟骨碎 配上蛋黃同大量香蔥 類似平時常見既雞軟骨串點蛋黃 但呢個用鐵板上更加熱辣辣!😋🍳鰻魚玉子卷 $92 (4/5)香甜玉子包入肥美鰻魚粒 份量都幾多 好食!🤤🐮牛舌 $98 (4/5)厚切牛舌爽口 燒得外脆內鮮嫩😛🍢關東煮 $19 each (3.5/5)<蘿蔔 /蛋 /蒟蒻 / 炸豆腐 / 獅子狗>揀左以上5款 每款都好大舊! 煮得好入味 我推介蘿蔔, 蒟蒻,豆腐同蛋 而獅子狗過腍🫣overall湯底對我而言有點偏鹹呢~ 🐮牛筋煮 $58 (4

位於中環嘅弁慶，餐廳裝修簡約，設有鐵板吧枱位置，由日籍師傅親自主理。而餐廳都好多日本食客，好多日文縱橫交錯😂感覺好似置身日本餐廳主打大阪御好燒，所以我同朋友都叫番個御好燒🫶大阪御好燒 (揀3款料) $104御好燒可以自選配料，我同朋友揀左蝦、魷魚同芝士☺️製作方法係將材料同高麗菜加入日式高湯製成的麵糊，用鐵板烤成御好燒後，加入餐廳秘製醬汁、蛋黃醬。御好燒煎得鬆軟，再撒上青海苔後，再趁熱用鐵鏟送入口中，非常惹味！帶子 (2隻) $98帶子大大粒又厚身，帶子煎至表面微焦，口感外脆內軟，濃濃的牛油仲滲透到帶子入面，底部仲放左金菇，一次過將整粒帶子連金菇放入口中，滿足感滿瀉。明太子清湯煮蜆 $108用透明膠袋裝住湯蜆黎煮，蜆肉清甜無沙，脹卜卜，而清湯加入明太子，熱湯會將鮮橙色的明太子搖身一變成淺橙色的彈牙魚籽，同時釋放鮮甜的明太子甘香，令清澈嘅湯頭清中帶鹹鮮，啖啖魚籽，清清地但鮮味突出，充滿層次感。鹿兒島薩摩炸魚餅 $52魚餅主要材料為魚漿，煎得外表香酥，裏面爽口彈牙，充滿魚香，配料仲有一啲蔥粒、木魚絲、薑蓉末等，夾埋一齊食口感更富層次。鰻魚玉子卷 $92一層層包裹鹹甜肥美嘅鰻魚，蛋香與鰻魚香氣

都話最近好想去日本嘛～去日本食野當然唔少得食大阪燒同鐵板燒😋 今次就去左一間差唔多全間店都係日本人嘅日本餐廳食大阪燒😆 睇黎，又係唔洗嘥錢去日本系列了～🌟🧡蠔大阪燒 $148想講呢個大阪燒係成間店CP值最高嘅野食！🥰超級好食，個大阪燒質地夠結實～唔會一夾就散～而且係即叫即整（喺我面前整比我地食😆），夠哂熱辣辣😋啲醬料又啱啱好唔會過多或者過份重味～ 最重要嘅係！佢有成4-5隻大大粒好肥美嘅蠔喺個大阪燒上面😍而啲蠔嘅味道都係好鮮甜～口感嫩滑，燒得唔會過份熟同埋冇我最驚嘅腥臭味～ 而我見就咁燒兩隻蠔都已經要$98了～所以呢個dish絕對係抵食又好食之選！🐔芝士免治雞肉燒 $98成個大阪燒都由免治雞肉組成～所以食成舊大阪燒就好似食緊一舊嘅大size平時喺居酒屋度食嘅免治雞肉串咁～肉質好結實同埋有粒粒雞軟骨～非常有咬口！而且唔會好乾，本身都仲keep到肉汁～同燒汁、蛋汁、芝士、蔥花同沙律醬真係好match~賣相真係好靚好吸引又好食😋💛鰻魚玉子卷 $88第一次食咁嘅配搭😳！平時都係就咁食玉子卷/芝士玉子卷～冇諗過鰻魚加玉子卷都match🤤 我以為佢個鰻魚係就咁真係齋加上去～ 不過佢都燒過啲鰻魚，所

五一長假期後返工, 同事分享旅行相片, 講起日本美食之一大阪燒, 令人口水流。記起之前食過中環有間樓上舖, 主打大阪燒, 由日本人主理, 今晚約埋丫妹即興食個dinner。餐廳面積不大, 一打開lift門, 左邊為鐵板吧檯, 另一邊為普通座位。被安排坐吧檯位置, 可以近距離欣賞鐵板燒過程。店員互相間講流利日本, 感覺有如置身當地一樣。餐廳主要提供數款大阪燒、鐵板燒物, 同埋各款小食。【蠔大阪燒】HK$148 （+$15 蝦）五隻肥美脹卜卜廣島蠔, 鐵板煎至四成熟, 蠔味很重, 而且冇腥味; 大阪燒充滿大量爽脆椰菜, 夾集了追加嘅爽彈蝦粒, 層次豐富; 配上濃郁燒汁, 鹹香惹味。【鰻魚玉子卷】HK$88將蛋汁倒上鐵板上, 再加入鰻魚粒後, 慢慢卷起, 面層加咗鰻魚汁調味。卷住入面有好多蛋汁, 嫩滑又有淡淡蛋香; 鰻魚汁帶出鰻魚鮮味, 配滑蛋食, 好match。【芝士免治雞肉燒】HK$98將平時食免治雞肉棒壓成漢堡扒嘅size, 混入咗軟骨碎, 然後係鐵板上煎, 加上芝士碎熱溶後, 灑上大量香蔥、雞蛋汁、燒汁、沙律醬, 整個賣相豐富又吸引。鹹甜燒汁帶出肉香, keep到肉汁, 細味食到爽脆

弁慶 御好燒 鐵板燒 (中環)📍中環士丹利街11號Stanley 11 6樓-🎌日式鐵板燒有表演睇，每次都會抱住開心滿足嘅心情離開，呢間都唔例外！遲下會帶埋屋企人嚟食多次！💓-💰呢間御好燒專門店位於中環，但出奇地價錢一啲都唔「中環」，由日本人主理，裝修靚，吧枱位多，又有景，但每件大阪燒/御好燒都只係一百頭！👍🏻🎏當日仲有成堆日本人喺度開party，日本人都幫襯，未食都感受到質素嘅保證！-😇有幸坐位對正師傅！師傅係面前不停煎煎炒炒，最鐘意睇師傅表演嘅我十分滿足！✨✨-💖重點一提大部份菜式都會用鐵板上菜，而鐵板亦都會燒到熱一熱令食物保溫！所以上枱後都依然會聽到治治咋咋嘅聲音，但要小心燙傷！-🥢🦐豪華大阪御好燒 $138豪華版有兩隻大蝦，帶子同魷魚！海鮮配料都幾新鮮！御好燒嘅底部有長長嘅豬腩肉片，燒得非常之香脆，御好燒內裡濕潤程度適中，亦都充滿着好多蔬菜！佢哋嘅特製燒汁冇坊間嘅咁咸，而且可以自己加鰹魚粉同埋海苔粉調味！味道好豐富！-🥢🧀熱熔芝士大阪燒 $108大阪燒面頭蓋滿大量芝士！由於鐵板溫度非常之高，所以芝士亦都保持流質狀態，雖然芝士份量多，但味道偏淡口，所以整體感覺並唔油膩！-🐟鹿兒島

御好燒係日本一種非常地道嘅鐵板燒小吃，去日本關西必定會食。而香港都有得食，之前去「道頓堀御好燒專門店」，食材準備好晒由你自己燒，但整得好唔好食真係因人而異😆今晚就來到中環樓上店「弁慶」，係一家大阪燒專門店，今次唔洗自己燒，由廚師席前即場烹調，唔洗去日本都可以體驗日本地道嘅大阪燒！餐廳裝潢非常不錯好有日式風格，設有吧檯可以近距離欣嘗廚師為你烹調。最重要一點係價錢非常大眾化！ 豪華大阪御好燒 $138豪華比一般大阪燒係表面多咗海鮮，包括蝦、魷魚、帶子。味道唔會太濃郁或太咸，好好食！ 熱熔芝士大阪燒 $108將大量煮溶咗嘅芝士鋪滿表面，芝士控絕對係必點之選。芝士味道比較淡口，唔會喧賓奪主，大阪燒依然保持本來嘅味道，出色。免治雞肉燒 $85免治雞肉加入了雞軟骨，煎到咁上下表面加上大量葱花，再加上一隻蛋黃，夠晒賣相之餘味道都非常正！鰻魚玉子卷 $88日藉廚師即場表演用鐵板煮玉子卷，表面微微煎香，而內裡還保持鮮嫩，再加上鰻魚，味道和口感都係非常出色！必叫之口鹿兒島薩摩炸魚餅 $52炸魚餅有2大塊，仲有兩粒類似魚蛋，口感味道都唔錯。總結：餐廳裝潢okay，席前鐵板料理，由日藉廚師主理，食物質素和味道