喫茶ちょうぼ

Open Now

Now Closed

之前大埔超級城有間餐廳經常都好多人排隊，每次行過想想試但係又唔想排，於是一直都未試。直至有一日夜晚，路過見到唔需要排隊就入去試下。 裝修風格係日式西餐廳，用餐區域燈光微黃偏暗。門口位置有一個類似選物店嘅角落，主要都係賣杯杯碟碟。 今次order左一個鰻魚蛋包飯同青森蘋果梳打，仲有個薯仔沙律做前菜。 薯仔沙律 青森蘋果梳打味道幾balance，唔會死甜 鰻魚蛋包飯上枱嗰陣係一個橢圓形奄列咁樣，要用刀喺中間劏開嗰隻，唔知係咪侍應太忙，一上枱就幫我劏開同埋淋汁，欣賞唔到佢本來嘅形態。

每次經過大埔超級城這家日式洋食屋，都會被門前的櫻花樹吸引，這次決定等女朋友下班一起過來試試看。餐廳用木系的復古裝潢，感覺回到昭和時代的日本，門前吉野櫻真的很適合打卡之外，門前還擺放了一些精緻華麗的杯子、盤子、精品可以購買。這裡用餐沒辦法預約，所以一定要排隊，我們晚上七點半到，等了大概5分鐘左右就有位子了。餐廳繁忙時間人可能會比較多，可能還需要拼桌用餐。✨拌菜拌菜是一個馬鈴薯沙拉，加了一些蟹籽和蛋黃在上面作點綴。✨鰻魚蛋包飯用刀將蛋包慢慢切開蛋漿會不斷流出，這個畫面非常治癒，蛋真的非常嫩滑，鰻魚沒有腥味配珍珠米本來就很搭，加上醬汁和嫩滑的蛋真的是無敵組合。✨南蠻塔塔醬日式炸豬扒選用日本北海道四元豚來製作，炸豬排炸成金黃色，大大塊厚切炸至酥脆鬆化，外層淋上香濃的南蠻塔塔醬汁，很邪惡，底層鋪滿椰菜絲和飯，吃起來不會覺得膩。✨南蠻炸雞炸雞雞肉嫩滑，炸雞表面上已經有甜甜的醬汁，另外再配像蛋黃醬的南蠻醬汁和椰菜絲，吃起來更健康和減少油膩感。✨極日式布甸船布甸蛋味香濃，口感軟滑；Lotus 配焦糖芝士脆餅，底面中間鋪滿焦糖脆脆，中間是一道厚厚的酸奶油，吃起來不會很甜，更有草莓、葡萄、藍莓等水果，吃完

呢到既裝修真係超級靚😍門口有D書架有棵假樹 睇落去真係完全唔似係香港咁 真係勁似番左去舊時好fancy既鋪頭咁樣 可以係到扮下睇書影番幾張靚相😝♡蟹肉忌廉可樂餅🦀 $62講到日式野食一定要試蟹肉忌廉可樂餅 以前係北海道食過好creamy好好食 估唔到係香港都可以食到同日本咁似既味道 首先佢外皮炸到好鬆脆 一拮開入面勁creamy 一脆一軟夾埋既口感好好 蟹肉味夠濃♡鰻魚蛋包飯 $115店員都好細心 拎到上黎個陣會先比客人影相打卡 之後就會幫客人切開再淋上鰻魚汁 切開先到入面既蛋呈半熟狀態非常嫩滑♡味噌海鮮燉飯 $128海鮮燉飯入面有虎蝦、青口、 魷魚圈 呢個燉飯既濕度好飽滿 每一粒飯都有汁醬包裹住 當中洋蔥粒更加另到個飯有更多一層口感♡日式布甸🍮 $38原來黎既時候賣相已經非常之靚😍加上淋左焦糖汁係面 配上勁滑既布甸真係一絕♡巨峰提子梳打🍇 $42佢個糖漿同個梳打係拎上黎既時候係分左層 影相好靚好有層次感 到飲個陣時先攪均佢 梳打甜甜酸酸咁 飲落有d清新既感覺♡熱抹茶牛乳 $42抹茶味道好濃而且好smooth 暖暖地最岩冬天飲⛄️

大年初三赤口去林村許願樹，搭73X喺大埔超級城落車搵食再轉63R。喺車度bookmark咗喫茶ちょうぼ，巴士🚌太和路落行入大埔超級城B區，差唔多行到C區見到十幾人排隊，幾個喺喫茶ちょうぼ門口，之後斷龍去咗靠窗邊繼續排，排咗十幾人，我叫老婆同囡排住先，我再去C區Coco Espresso睇下環境，點知都係咁多人，我返去喫茶ちょうぼ，見到老婆同囡已排門口隊仲差幾個，就一心一意等呢間，咁啱門口有大餐牌睇定先，入去坐低即叫，驚入林村夜。等多10分鐘終於有位，前後夾埋等咗20分鐘，門口有小賣部有精品賣入到去被安排坐4人枱，好過2人枱加張櫈，小朋友BB櫈可放靠牆位唔怕一挨後跌親。睇完餐牌，可加$28要任何野飲+前菜，同埋加$32叫任何甜品。最後老婆叫鰻魚蛋包飯，再加$28加凍焙茶鮮奶+前菜，再加$32要Lotus焦糖芝士脆餅。我就咖喱牛肋肉蛋包飯，加$28要熱抺茶鮮奶咖啡，再加$32甜品，可惜戚風蛋糕🍰同水果三文治賣哂，唯有㨂㨂咗日式布甸，係最平嗰個甜品🍮。1. 咖喱牛肋肉蛋包飯，蛋包飯真心滑，牛肋肉炆得冧，肥膏多，啱我。咖喱🍛少少🤏辣。蛋包飯內係炒飯，個人鐘意食白飯。仲有沙律🥗菜，不過落咗胡麻汁

大埔超級城食呢間洋食屋，裝修好復古典雅，職員都着得好整齊，有置身於日本火車餐廳嘅感覺～ 適逢聖誕，門口擺放聖誕樹做裝飾，好有聖誕氣氛之餘又冇違和感～🥚鰻魚蛋包飯 $115😍切開蛋包流出香濃香滑嘅蛋漿，好滑好creamy，採用日本蛋，所以蛋香味濃郁～ 淋上香甜鰻魚汁好誘人～ 鰻魚切開咗好方便食用，肉質細嫩～🍛味噌海鮮燉飯 $128海鮮配料豐富，包括🦐虎蝦，🦑魷魚圈，青口，魷魚圈爽口彈牙，青口肥美飽滿，虎蝦加咗牛油香草焗到好香，肉質鮮美 ～ 味噌醬汁包住每一粒飯，燉飯軟硬適中，味道濃郁得來又唔會太鹹～🍆櫻花蝦燒茄子 $69份量好多，將燒香茄子切件，茄子外皮燒到好香裏面好淋，加上櫻花蝦同木魚絲，配上日式醬汁，好似章魚小丸子咁好有日式風味～🍮日式布甸 $38賣相好吸引，布丁好滑好creamy，口感Q彈，焦糖焦香味濃郁又唔會太甜～🍇巨峰提子梳打 $42巨峰提子酸酸甜甜，開胃清新，消暑一流～🍵抹茶牛乳 $42奶泡上面有呢間舖頭嘅招牌圖案，抹茶香味濃郁，有回甘冇苦澀味，奶香味濃郁，口感順滑～

話咁快又就到聖誕🎄，今日就預早同朋友去食大餐😆～第二次嚟，今次呢棵樹換上聖誕裝飾，見到咁靚嘅裝飾就好開心😍～鰻魚蛋包飯🍳（$115）鰻魚完全冇魚骨🦴，仲要一啲都唔腥～蛋包飯🍳塊蛋好嫰滑，同醬汁一齊食一流👍🏻味噌海鮮燉飯🍚（$126）燉飯嘅海鮮都幾足料，有一隻彈牙嘅大蝦、兩大隻青口、三個墨魚圈，飯嘅賣相雖然一般，但估唔到好食到停唔到口🤤炸北海道大蝦配四元豚豬扒🍤🐖（$188）炸豬扒香脆得嚟唔會硬👍🏻，炸蝦就比較一般～呢碟炸物仲有大量椰菜絲🥬，同炸物一齊食可以解膩～白桃梳打🍑（$45）唔會太甜，白桃味夠清新🍑榛子鮮奶咖啡（$42）每啖都有榛子味，好飲😋綠茶戚風蛋糕🍰（$49）綠茶味夠濃，蛋糕空氣感十足，綠茶cream甜度岩岩好～🍵🍰

之前每次經過都眼見大排長龍，所以一路都未去試。今次lunch time，約咗同事一齊去食，由於知道會好多人排隊，所以我同另一個同事提早去排隊，結果排咗大約半個鐘多少少就到我哋啦🤭鰻魚蛋包飯👍🏻上菜需時，大家需要耐心等待。但好味嘅食物是值得等待的😛食物好精緻之餘味道都唔錯，鰻魚汁配上珍珠米飯簡直係一流嘅配搭😋另外，飲品亦非常精緻，好濃郁，但忘記拍照🙈環境亦非常舒適，日式古典裝潢，仲充滿住神秘感，特別適合打卡喔溫馨提示，如果是繁忙時間，記得預留時間排隊。

之前成日經過見到排晒隊 今日見唔使等位我就入咗去試喇😬其實都唔抱好大期望嘅 純粹覺得個環境幾好 裝修到好和風洋食屋咁樣 靜靜哋同三、兩個朋友嚟傾偈食飯都唔坐嘅 佢有好多卡位 坐得都舒服👍 店員服務態度都ok 至於嘢食方便呢 就一般喇 我見好多人都食蛋包飯 所以我哋今日都點蛋包飯* 壽喜燒牛肉蛋包飯 $85 + $28 配咖啡/ 茶及是日涼拌菜* 鰻魚蛋包飯 $115* 南蠻炸雞 $88食物賣相唔錯 適合打卡🫶🏻首先講嗰兩個蛋包飯先，啲飯真係有啲太濕太腍 口感上嚟講不太好 個蛋呢就都滑身嘅 但我就覺得個蛋冇咩蛋香味喇🫣 個醬汁就唔係好啱我口味喇 而佢側邊啲沙律菜有落芝麻醬 食食吓啲醬會痴埋一齊 感覺不太好 幾舊鰻魚都有啲硬 而跟餐加嗰個是日涼拌菜 (薯仔蘋果沙律) 反而最好食😂 嘢飲咗極上玄米茶 見到係茶包就笑咗一笑😂 南蠻炸雞 正常發揮 都炸得幾香口嘅👍最後總結就係 性價比一般 我嚟一次都應該夠了🙏

喺大埔超級城新開左一間昭和風嘅Cafe，以前去日本都一定會去呢啲古舊日洋cafe朝聖，啲員工仲係着晒白恤衫黑色馬甲好型呀😍💕新開已經網上好多人講即刻趕去打卡先😍環境：8/10門口已經有一個打卡位📸，室內以日系裝修為主，再配上深啡色家具vintage混合日洋風🎏日西合壁食物：8/101️⃣鰻魚蛋包飯 $115淋上面唔係傳統既鰻魚汁，而係用一個甜既汁為主，令到蛋包飯唔會有一種好膩既感覺，反而變得開胃🤩，鰻魚較黏身整體都唔錯🥰2️⃣明太子香腸意粉 $82意粉推介⭐️明太子加奶油嘅意粉，不會出錯的配搭😍意粉煮得剛剛好有咬口，每條意粉都好掛汁👍🏻3️⃣蟹肉忌廉可樂餅 $62表面炸到金黃而唔油，內裏仲係流心，外跪內軟，加埋自家製既蕃茄醬🍅，正！4️⃣ 草莓法式多士 $68食野點可以唔叫甜品，一黎到就見到勁多草莓醬🥰，加埋藍莓🫐做陪襯，麵包雖然焗左但唔會好乾同硬身，索哂啲醬勁爽，啖啖醬！加埋焗過既個種香味，encore 啦😤5️⃣ 草莓沙冰、波子氣水沙冰 $48打卡必備！相機飲先！重點推介草莓沙冰🍓，感覺似奶昔但飲落去冰涼清新，而波子氣水沙冰就係童年回憶，而且用密瓜味，好有夏日氣息🌻💰性價比：8.5/10 $200/人，