CHI Tachinomi (7號碼頭)

Open Now

Now Closed

喺中環天星碼頭下層嘅一角，居然有一間地道嘅日式串燒屋台！抗疫疲勞加冇得去旅行嘅我哋，絕對唔可以錯過呢個機會！7月嘅中環碼頭，有少少涼風，不過由於屋台係開放式，唔建議著長袖長褲嚟食。著件頹T同熟人嚟個輕鬆愉快聚會就合適不過。屋台當然唔少得飲嘢！三得利嘅Premium Malt 向來係我嘅至愛，當年喺日本搭新幹線飲過罐啤，念念不忘。呢度供應生啤，幼滑嘅口感同味道更上一層樓。烏龍茶亦夠凍。《日本雞肉丸子串》($28) 燒得外脆內軟，非常多汁，肉丸有咬口亦食得出雞肉嘅texture。雖然唔係炭爐燒，但也接近日本當地水準。右邊係《鹽燒牛舌》($38)，牛舌切得稍薄但以呢個價錢而言味道出眾。左邊係《牛肉土手燒》($38)，疑似柱侯炆牛腩嘅煮法，醬汁較甜，充滿牛肉香。用上牛腩同牛筋，文火細炆至入口即溶，啲牛汁亦非常美味。來一份《大阪牛肉飯》($90，大)，基本上係將牛肉土手燒放落圓潤飽滿嘅珍珠米上面，啲牛肉精華滲落啲飯度，食到唔停得口。《鰻魚飯》($55，細) 鰻魚一啲都唔腥，亦無同價位容易出現嘅魚骨。鰻魚燒得外脆內嫩之餘，蒲燒醬落得恰到好處，即使淨係嚟食呢個飯同牛肉飯都值得一來。

上次搭船發現原來中環碼頭呢度有好幾間特色小店，呢間立食居酒屋 @chitachinomi 就係其中一間我上次經過已經聞到好香好香，好想試嘅餐廳😍除咗企位之外呢度仲有少少嘅坐位，閒日12:30左右等咗10分鐘左右就有位坐啦～雖然係室外，但吹下海風，同朋友邊傾偈邊食真係會有一種令你覺得去咗日本嘅感覺，好chill✨.last time i took the ferry in central ⛴ passed by this standing izakaya @chitachinomi and it smelled really good from the outaide😋 so had to try it! overall, it was really really good 😊 their jap style rices were really good esp the eel rice 🍛 even though we sat outdoors, but with the sea breeze, it made everything really chill and comfy! de

中環碼頭搭天星小輪過尖沙咀，喺碼頭前面見到依間新開嘅日式居酒屋。Chi Tachinomi 重點食物有鰻魚飯、土手燒（牛根煮）、串燒同少量酒精飲品。Tachinomi日語：立ち飲み，顧名思義係一個提供立飲嘅居酒屋。不過立飲立食嘅文化，喺香港始終未係咁普及，所以Chi Tachinomi 都有提供座位俾一眾食客，等大家可以坐住咁飲飲食食，同朋友風花雪月。Chi Tachinomi 最人氣食品可以話係鰻魚飯同土手燒飯。店舖所用嘅係日本米，日本米飯最迷人的地方就是黏性重、味道甜。鰻魚用秘製鰻魚汁燒好，外面脆、裡面嫩滑軟熟，唔會比一啲過江龍鰻魚飯專門店差。唔食鰻魚嘅可以揀土手燒飯。筋連腩、腩又連返筋，非常之正，再加埋個牛肉汁撈飯，可謂一絕。Chi Tachinomi提供串燒都有唔少選擇，我就食咗美國牛肉粒串燒同埋新推出嘅明太子雞翼。串燒燒得好好，火喉控制有功，唔會燒到柴哂哂，牛肉粒同明太子雞翼入口juice嫩滑。值得一提嘅係Chi Tachinomi好細心，雖然佢哋提供嘅全部都係凍飲，但見到女性客人叫烏龍茶都會問下使唔使整熱杯茶。非常之貼心嘅服務態度。

今晚和朋友去完AIA友邦歐陸嘉年華開心完晚，正準備搭渡輪過尖咀之際，發現左碼頭上有此間立食居酒屋。店仔細細座位唔多，在場都有不少食客幫襯，見人地叫左碗鰻魚飯勁靚仔，一於停下腳步CHILL下食下。小店唔見有提供獨立餐牌但就抬頭一望可知，食物選擇唔算多，飯類兩款串燒五款，仲有其他小食和日本酒類茶類飲品。鰻魚飯 $55蒲燒鰻魚鋪得滿滿的，放左金黃蛋絲十分搶眼，細細碗都有四五塊鰻魚。鰻魚厚肉無骨幾好味，見佢都係即叫即燒。飯量唔多平時家中食開的一碗飯咁上下份量，用越光米口感柔軟飯較黏，鰻魚醬汁唔多，食起來有點唔夠喉，好難滿足醬怪的我。牛根煮飯 $55賣相同樣精緻，牛筋腩好有嚼口份量亦唔少，湯汁用日本麵豉調味混入牛肉淆左幾個鐘，所以牛味甚濃相當好味。日本雞肉串燒  $28 新鮮雞肉表層充滿醬油味，咬落多肉汁，大件厚肉都食到三口。日本雞肉丸串燒  $28 比雞肉串口感味道更豐富，非常美味。麥茶 $22朋友唔飲酒麥茶亦都係一種選擇 ，麥茶味甘鹹可解油膩，不含咖啡因夜晚飲下亦無妨。三德利黑啤 $48味道甘醇泡沫細緻有點麥芽香， 一路飲下CHILL下食下串燒確係唔錯。