CHI Tachinomi (7號碼頭)

Open Now

Now Closed

南丫島索罟灣沒有酒吧沒有食肆沒有夜店，無士多無便利店無超巿！唯有搭船出中環食宵夜飲啖酒，再搭回索罟灣民宿過夜吧！發現餐牌大量日本字眼錯誤、文法錯誤，最好找位專業翻譯代筆呢！四眼肥仔同四眼妹兩條友霸三張櫈用黎放背囊，我兩個坐一張櫈都唔自動自覺讓返出黎！我立食兼罰企飲啤酒，自私四眼妹阻住老闆做生意，自私到無得救！老闆及職員沒有主動勸籲該兩名男女，讓出座位給其他食客！因為老闆及職員不夠細心？還是因為係熟客所以縱容如此行為？燒日本雞皮⭐️咸到醃眼傷腎腳仔軟！油油腍腍不香脆不甘香。鹽燒牛舌⭐️落重本不計成本，狠狠地大大手鹽隊落去！咸到醃眼傷腎，燒到廿成熟乾鞋硬到似豬扒！鹽燒秋葵⭐️⭐️⭐️⭐️日本秋葵苗條爽甜無得頂，不是大而無當的神州品種，連我討厭秋葵的都要食返三四條呢。燒鰻魚⭐️⭐️多謝$88蚊份瘦猛猛即食貨式，薄衣衣不肥美不鬆軟不鮮味。

中環碼頭七號地下。望到海的日式車仔檔。有D日劇中OT後食宵夜feel 。 第一次黎，問老闆娘有咩好介紹，佢超自信話”咩都好” 咁我就叫咗好多樣。個人推薦牛肉飯，鳗魚飯，燒牛舌，雞皮，菠蘿，柚子酒。果然老闆娘自信係有道理

Chi Tachinomi 呢間居酒屋屋台係一間日本菜餐廳，主打串燒同居酒屋風格嘅菜式。1. 土手燒：呢款係佢哋嘅招牌菜，同飯係絕配！一食就停唔到口。以前食開不嬲有加葱，今次唔問都唔比葱，感覺有啲差，係漏左還是節省成本？I don’t know, feel bad in either way.2. 葡萄豬腩串：呢款串燒用上葡萄配搭豬腩，口感鮮嫩多汁，好特別。值得一試！3. 燒年糕：雖然係預製貨，但真係好好食！燒得恰到好處，外脆內軟，糯香非常。4. 牛舌串：牛舌好食，香口而且腍度啱啱好，可惜份量偏少。如果你係牛舌控，可能要多叫幾串啦。5. 鰻魚：味道唔錯，但應該只係燒過嘅預製貨。6. 燒飯團：燒飯團不過不失，燒得幾香口。不過，值得留意嘅係呢度嘅坐位偏窄偏細，雖然預左，但環境嘅不足並未有係價錢上彌補返，環境同食物質素同價錢唔成正比。人均食二三百蚊都唔夠飽。

啱啱去完山頂，搭小巴落中環食lunch飲左杯奈雪的茶，唔算太肚餓，見到呢度有得揀細碗飯，啱啱好喜歡使用了日本米的鰻魚飯，粒粒煙韌. 蒲燒鰻魚燒得剛好，鰻魚表面焦香，食落有少少彈牙氣氛都幾chill, 雖然夏天去，但有海風吹住都唔算太熱

我之前買過幾次一份燒飯團有兩個,而OpenRice上的相都係顯示兩個飯團標價$28所以今次我order兩份以為有4個點知返到去先發現到得返兩個打去鋪頭講返個情況對方仲話改咗好耐啦喎我話我之前買開係一份兩個而你地嘅相亦都係顯示兩個而文字上亦無講明$28係一個對方無認為今次事件無問題只係同我講會同公司反映返張相嘅問題成件事上面就算你話自己價錢改咗咁你係咪要update返啲資料？相又用舊嘅文字又無講明係一份得一個個被人誤導感覺真係好差原本係諗住有預算點知而家變咗失預算成件事上完全感覺唔到對方有歉意只感覺到自己被騙感覺比人呃咗唔會再幫襯！！！！

我點了鰻魚飯作午餐…長頭髮女店員由頭到尾黑面無禮，沒有回答我的order, 沒有說過多謝、就算我付款時也是非常黑面（或西面），零眼神接觸。,零言語回答。 她明明不是啞的… 食物質素不再重要，客人為何要貼錢被西面?

以前仲係得碼頭一間未開分店之前好好食，間唔中放工會過去食飯。開左呢間分店之後同同事食過一次lunch，當時感覺食物質素稍有退步但仍然可接受。今晚放工再過黎食飯完全係大失所望，七點幾黎到鋪頭一個staff都無（亦都無客），兜左一個圈有個waiter喺樓上行落黎再叫一個踎喺門口既叔叔入黎先有人招待我。叫左土手燒、兩串串燒同埋梅酒。杯梅酒甜到飲緊糖水咁，完全飲唔到梅味，飲完一啖已經想成杯掉左佢。串燒係放落微波爐解凍再燒兩燒就上檯，味道同碼頭嗰陣比差好遠。土手燒係唯一好少少既食物。都幾失望，埋單要兩百幾蚊食呢個質素我就無下次了

今個weekend 同老婆一早黎到中環有野做 做完之後去碼頭食個lunch 叫左幾樣野 望住個碼頭食 有風 幾涼爽主菜：牛肉飯 非常高質 日本米加上炆左好耐既牛肉 好入味 又夠淋 加上好多牛汁同埋蔥 好值得食主菜： 鰻魚飯燒得好脆好香 有蛋絲係個面到 又係配日本米 兩者我會選擇牛肉 個人喜好 小食：玉子燒好厚好彈牙 燒到有少少黑邊 唔錯小食： 鹽燒牛舌老婆鐘意食 彈牙飲品：麥茶 幾好飲 冇糖 配啤酒可能更好整體來說真係好唔錯 性價比高 2 個人食左200 左右 會再黎

平時去中環碼頭搭船去小島玩都是匆匆忙忙，原來位於7號碼頭有幾間小食店。今日坐船去長洲前，早半小時到碼頭揾間試下先！坐落於7號碼頭1樓的「Chi tachinomi」是一間鋪面小小的日式居酒屋。Tachinomi（立ち飲み) 日文中的 tachi (立ち) 意指站立，而 nomi (飲み) 意指飲料。Tachinomi 店內幾乎沒有椅子給客人坐，是站著喝酒的居酒屋，像這樣站著喝酒的店通常價格會稍微便宜一點，適合隨意晃進來喝個一杯就離開的人。「Chi tachinomi」日式居酒屋位置較細，設有少量吧枱及半露天座位，也有客人會坐在旁邊用膠箱搭起製成的檯和凳，感覺就好似到了日本地下街一樣。不過，這裡有個維港景色，望著海旁享受美食，感覺好chill。居酒屋主打串燒、丼飯、土手燒等，選擇頗多。【大阪牛肉飯（$55/細；$95/大）】面頭鋪滿牛肉塊，牛肉軟腍不過不夠juicy。飯裡當然有牛肉汁，這個是牛肉飯约的靈魂，拌飯一流。略嫌牛肉汁不夠多。【錦爽雞雞脾肉  $48/串】用日本愛知縣的走地雞「錦爽雞」，以美味清爽的雞肉命名。肉質柔軟而且沒有太多脂肪，不過雞味不太濃郁，而且小店沒有放任何調味，令這

試咗牛舌，雞肉，雞肉丸，牛肉粒同芝士年糕。調味剛剛好，帶出食物本身的香味，非常用心！雞腿肉好juicy 😍牛舌超級香！燒過的芝士年糕糯糯的，鹹鹹香香，一試上癮🤤樣樣都好高質。下次會返兜牛舌同芝士年糕😌

本身諗住入長洲周圍食 點知班船竟然滿咗 要等一個鐘😨 誤打誤撞試咗呢間喺碼頭嘅餐廳 點知超有驚喜😳因為係室外，所以有啲熱🔥如果有船喺附近停泊就更加熱🙈但近距離望住個海食都幾chill嘅😚 佢有好多唔同類型嘅串燒 價錢中上💰嗰日試咗一串丸同2串牛肉 味道都唔錯但就唔算好特別所以唔詳細講😂但呢個鰻魚飯係超級好味 😍睇圖都見到佢係好多鰻魚 鰻魚都算厚身👍燒得幾香，而且冇乜骨 再配埋日本米 真係好好味😋推介大家去試下

肚腩每次去離島玩經過呢間日式居酒屋都好想試~今日做完運動就決定食個下午茶😋係好有feel，師傅會同客人吹水，夜晚開到9點半，仲有唔同酒飲，師傅話做過咁多個客冇一個話難食🤣🤣鹽燒牛舌 $48比普通居酒屋大份😍而且肉汁爆出黎咁，新鮮燒出黎仲有煙🐮好味道飯團 $28呢個幾驚喜，因為師傅加左層秘製醬汁係面🍙所以燒完好香口，有小小似大排檔煲仔飯嘅飯焦，一咬落去好脆🤩加埋紫菜碎好好味😆玉子燒 $28一望個樣就知唔普通啦🍳入邊厚得黎又好軟，融融地，出邊個層有小小焦糖味，感覺有啲似壽司郎個卡特拉娜🧈錦爽雞雞脾肉 $48係去骨嘅雞脾肉串串🍢都係鹽燒，肉汁好多😋日式五花腩 $42最尾到隱藏menu 啦😍師傅話因爲呢個唔係成日有，所以唔放係menu，真係好好食🥺🥺佢唔似普通五花腩肥肉同瘦肉分得好開，佢係肉脂好均勻，所以食落口唔係好肥膩🥰好明顯食得出係日本豬，重肉香味但係完全唔腥😚極度推介🫶🏻白桃果汁 $26普通樽裝，入邊有碎果肉，還好🍑

相信好多人匆匆走過中環碼頭，搭船過海既時候都會見到呢間專食串燒以屋台設計既小店，每次都係滿座🈵今次終於見人少少即刻坐低試下🤗•🍙大阪牛肉飯牛肉燉煮至軟稔，味道好似炆牛腩，份量幾多，舖滿响粒粒分明既珍珠米上面，牛肉飯既精萃——牛肉汁唔會過咸，滲哂入個飯度係一流👍🏻🍙串燒因為唔算太肚餓，我地無點太多黎試，但勝在樣樣唔錯💫尤其是燒芝士年糕同豬腩葡萄卷😍芝士年糕燒到軟軟，入面會拉絲流心，好邪惡😝豬腩葡萄卷口感一流，豬腩燒得香脆，散發着油香，葡萄爽脆多汁，中和了腩肉既油膩，出色！叫埋杯啤酒，吹下海風🌊如果無咁熱既時候，同朋友坐响度吹下水食下野，實在係人生一大樂事👍🏻

🐮大阪牛肉飯 (大) $95另外有小碗既選擇，牛肉份量都幾多，厚切、珍珠米，有啲係牛筋腩位，食落好軟霖霖🤩，普通水準唔算係太大驚喜。睇埋openrice啲圖人地碗牛肉飯賣相靚好多，我果碗賣相就好茶記牛腩飯feel😮‍💨🔥🍙燒飯團 $38我又比佢張圖呃左😂 以為佢係有2舊飯團😮‍💨焦香既表面好惹味😋😋夾埋佢塊紫菜好正😋！🐮👅鹽燒牛舌 $48肉汁豐盛！！😋燒得岩岩好😋😋🐥雞髀肉$48大大舊啖啖肉既代表😋調味唔錯😋🍡芝士年糕$32軟綿綿既口感～～🥰🥃梅酒 係粉紅色！！😍甘令得唔得架😆甜度岩岩好，唔會好甜又唔會好酸！

幾乎每天都經過今就坐下來嘗嘗吧坐下後其他客人陸續進入但怎麼都是外國人哈哈 只是這種環境給在下的感覺比較舒適就是身在香港 犯賤地某程度上不喜歡香港的一切吧店員熱情招待基本上是走鬼鬼路線比起香港人的拘束禮節就是更喜歡啊而且能跟隔壁座的一同聊起天來感覺更舒適就先隨便點些食物吧秋葵 $28 有點焦焦乾乾的 吃地來更香豬腩葡萄卷 $42會爆汁的葡萄 微酸帶甜額外開胃錦爽雞雞脾肉 $48彈牙肉厚 肉質嫩滑香菇 $28綿花糖 $18小小的粘 微微的甜 原來燒過的綿綿很好吃土手燒 $38就是牛筋煮啊 小小的一碗 味道十足日本雞皮 $38香脆又夠多汁雞肉丸 $28沒有月見一樣可以很出色玉子燒 $28芝士年糕 $32熱熱軟軟 又出味 燒得很均勻牛肉粒 $38帶點肥肉卻不會膩 反而讓肉質更滑溜鹽燒牛舌 $48厚彈牛舌心 熟度剛好 不會韌是日「Good」清酒 （東洋美人）$38紫蘇梅酒 $60啫喱柚子酒 $42燒酎 $60 （お湯割り）想說 食物真的很不錯小小的店 藏著一個小小的西廚出品反而比起一些大店來得好更為出色又或許是在下也太久沒有出去亂吃所以現在吃什麼都覺得是人間美食嗎？也來一點飲料同時有點懷念清酒的