秘 (享成街)

Open Now

Now Closed

星期五大概6:30開始排隊，排咗一個鐘有得食。餐廳內氣氛唔錯，坐位不多，燈光偏暗。不過由於係主打食吉列牛，小小嘅空間充斥住油煙味，不過可以接受。冷氣都開得幾大。叫咗一個鰻魚飯，冇加定食，$78，唔使加一。等咗15分鐘送到。用木碟裝住，同埋用木匙羹，兩樣嘢都已經用到梅梅哋，觀感普通。賣相唔錯，飯粒煙靭。鰻魚唔算好肥，都算厚實，調味唔錯，夠味偏甜，汁都足夠。但因為冇其他配菜，所以食到一半會覺得好膩。最重要嘅係，食到近尾嘅部份好多骨。係細骨，好吉，唔係入口即溶嘅骨，每啖都有好多，好影響口感同食慾。總括嚟講，下次唔會再食。

朋友話有間食鰻魚飯好多人排隊，好多人話好正，所以我地都排左有45分鐘，好彩早小小排，越夜越多人！都期待係咪真係咁好食我同朋友一人叫左一個餐加一個小食，小食係店員介紹，佢話好多人叫鰻魚飯：D飯唔好食，鰻魚好腥，個湯好似水，蛋唔夠流心吉列炸牛飯：牛好油，好肥，有D咬唔爛，唔係真咁正吉列炸蝦球：最差係依個，只係用蝦滑炸左佢，D粉勁厚，D蝦滑勁小賣相係幾吸引，但味道又唔係真係咁好，但價錢唔算貴，但如果要排成粒鐘，我就覺得唔值囉！而且店舖裡面勁大油煙味，食完成個身嗅曬😅

日式燒肉就食過好多次，最近香港就流行日式嘅石板燒肉。原理就同「鐡板牛扒」無分別嘅，不過就將「鐡板」換成「石板」。首先，「石板」嘅溫度無「鐵板」變化得咁快。如果下面無一直用火燒住，離火後，板上面嘅肉都可以保持到温度耐D。而如果用火一直燒住都好，「石板」變温無咁快，又有遠紅外線，可以令肉嘅加熱比較均衡，對於唔鐘意食太生牛肉嘅人，「石板」可能係一個選擇。不過鐘意牛扒表層焦香一點嘅朋友可能會鐘意炭火/煎嘅處理方法多D。(利申：唔係專家，只係用僅有嘅少少知識分析，有錯請指正🙏🏻)今次試嘅係秘chefs嘅日式石板燒肉。門面裝潢十分高級，但估唔到價錢相當親民！我叫左安格斯牛肉，加埋套餐(飯及溏心蛋)都係大約百四。牛肉好有牛味，安格斯總有保證，醬汁亦十分好。主打嘅燒肉出色都算意料中事，但驚喜係飯並唔一般！加左紫菜同芝麻等(好似叫飯之素？)，無餸都食得曬碗飯！一開始仲以為係日式便當比較細嘅飯量，點知係茶餐廳飯量。完全遺反商品說明條例！搞到我食曬，睇怕嚟緊又要做運動減返...肥太㨂左鰻魚飯，鰻魚入口即溶，鰻魚汁亦好濃厚，相當有水準！只係大約八十，十分抵食！仲叫左關東煮風味野菜鍋share，亦係水準之作。十

今日放假專登去食呢間自己燒既餐廳係荃灣廣場附近亨成街，好多車房個到去到都有4張抬在等位，不過等左15分鐘到已經入得，到我地既時候店員就先在門口同我地落單，之後安排入座所以上菜都好快老婆就食有黑松露隻牛，加左38元有櫻花湯同紫菜飯，我就想食鰻魚飯，但係點左呢2個之後又想食多個燒牛，甘又單點多一份和牛點知來到係每份餐都有跟白飯😂⋯⋯結果2個人食3個餐，好在味道不錯，又肚餓，所以食得曬鰻魚飯條縵魚都几長下，有成20cm甘上下，即燒既，好味，可以一試黑松露個碟牛份量都幾多，一個正常女仔係食吾曬成個餐的，但食落係好食，有特色，少少黑松露味，唔會搶左牛既味道，一定要試另外一碟和牛對比之下就差少少，比較薄身啲燒幾十秒就食得，不用太熟埋單只收現金，2個人食左$372

早前我去過旺角一間舖頭食吉列牛，覺得好好玩，今日行開荃灣，睇ig見到呢間吉列牛又係平民價，又想再玩下，於是黎試下食。由於冇訂枱，佢開6點，我6點15分黎到佢已經full左，要拎飛等位，本身想唔食，因為啲人岩岩先坐底，我驚等好耐，但我行左10分鐘過黎，佢附近又冇咩其他野想食，唯有等。不過佢上菜又係快，我只係等左半個鐘就有位了。有效率叫左個芝心雞肉丸，有臭臭芝士味，而且夠熱，味道ok。雞亦都係，夠熱夠脆，ok仲叫左鰻魚飯，呢個就麻麻地，啲飯太硬，而且鰻魚有骨，始終都係日本啲鰻魚飯好食主角吉列牛，加左38蚊轉做定食，再加20蚊轉左個湯做金魚湯。金魚湯實在太得意了雖然只係一隻普通蝦餃，但佢造型特出好有心思不過我覺得呢間吉列牛都係一般，佢一上菜，個爐上面就會有舊牛肥膏，俾你搽係爐面，煎牛扒嘅做法，雖然啲牛肉佢就話煎一煎個面就食得，但佢啲牛肉太韌了，只煎香表面根本咬唔開，唯有煎到全熟先食到，而且相比起之前食過果間吉列牛，呢個炸粉略嫌太硬。題外話，加左枝櫻花汽水22蚊，好奇櫻花到底咩味，原來係波子汽水味。不過店舖雖小，但效率快，上菜速度好好，侍應服務都好好，主動幫你加水，又會間你洗唔洗其他野等位又唔