陳漢記 (Closed)

天氣涼涼地，最啱食D熱辣辣嘅野，唔想去九龍或港島咁遠食煲仔飯，近近地係大埔都有個選擇。今次呢間老字號餐廳，我聽就聽得多，食就真係第一次。星期五晚上7點前黎到，門口已經有條隊，好彩最終只係等20分鐘就入得☺️。網上唔少人都推介鱔嘅煲仔飯，但我覺得食材要油少少先好食，所以我揀左北菇滑雞飯😋。屋企人另外揀左窩蛋牛肉飯、鳯爪排骨飯、牛筋撈麵、炸墨魚丸、蝦腸。本身想點埋爽滑魚皮，可惜已經售罄😯。首先送上鮮蝦腸粉 $25一客有三條，鮮蝦共5粒，蝦肉彈牙、有蝦味；不過腸粉就好爛、無彈性。炸墨魚丸啱啱炸出黎，非常辣口，味道正正常常，同平時街市買果D墨丸無太大分別。妙製牛筋撈麵 $50牛筋炆到軟得黎又帶點爽，個人覺得口感唔錯，不過味道就麻麻；至於撈麵個汁其實係蠔油，加上個麵仍然好重鹹水味，所以一定一定要加個辣油先好味。窩蛋牛肉煲仔飯 $53三款煲仔飯中，一致認為最麻麻，一黎無油香，所以底果D飯依然係豉油撈飯，味道單一。北菇滑雞煲仔飯 $53呢個比較好，白飯吸左雞油同菇香，所以即使無豉油嘅位置，都有淡淡雞香。鳯爪排骨煲仔飯 $53呢個最好，底嘅飯好有豉汁香，排骨又有肉。食煲仔飯，最重要緊係食飯焦啦!! 其實

因為去開大埔, 所以先同男友尼試下好似幾出名嘅陳漢記事前問過住大埔嘅friend佢讚不絕口之餘仲主動教我地點去一落車已見一條短短嘅人龍心唸: 唔係嘛~已經揀平日夜晚, 仲要唔係冬天食煲仔飯旺季, 都仲要排?!好彩人龍去得快, 等左少於五分鐘已經入得!尼到梗係要試煲仔飯啦見到有我地鍾情嘅炸兩亦都忍唔住叫左碟仲要左碟腐乳通菜碟菜好快上到d腐乳太多勁咸下次都係要芥蘭算 接落尼碟炸兩因為d油炸鬼完全唔脆亦都唔好食好失望咁唯有等我地嘅主菜 可能因為邊食邊等嘅關係 20-25分鐘好易過 我地叫左咸蛋肉餅同鳳爪排骨 (好大食^^"眼寬肚窄就真=_=) 咸蛋肉餅煲仔飯我地都覺得好好食 鳳爪我就唔多岩喇 不過試過d排骨覺得有d辣, 味道普通啦 食到勁飽都係$110其實都幾抵 雖然唔係全部都咁好食, 但相信下次會再尼試下個蟹粥