喜運點心專門店 (Closed)

我超鍾意飲茶。飲慣晒屋企附近嘅茶樓，難得今日放假就上網睇下邊度有好食嘅點心，想去遠d嘅地方試下。住石門嘅朋友話佢附近有間點心專門店唔錯，就一於試下！原本驚唔識去，點知原來就喺石門站對面，超方便！食點心重有湯飲？呢度原來有湯飲架！好似飲緊呀媽煲嘅湯，好有家嘅感覺。真係估唔到有湯飲，好surprise！最鍾意佢呢度有湯飲。重點係呢度煲嘅湯全部都冇落味精！星期一至日日日都有兩款湯比你揀，唔使自己煲就有得飲。土茯苓赤小豆薏米燉響螺湯湯底嚐到海螺的鮮甜和藥材的香味。海螺鮮甜有咬口。配以瘦肉同薏米煲，好多湯渣，好足料呀！因為無落味精，飲完唔會覺得口乾，重覺得好舒服。鳳爪排骨飯飯夠乾身，排骨嚿嚿都整得夠熟，唔會紅。飯嘅份量都好多，淨係食個飯已經胞胞地。飯同鳳爪排骨嘅比例都配合得啱啱好，唔會飯多過餸。鮮蝦燒賣皇蝦夠新鮮，就算攤凍左先食都唔會覺得鯹。蠔汁蜜味叉燒包醬汁同包嘅比例調較得剛剛好，d蠔油唔會太多，令個包鹹，反而試到甜甜嘅叉燒。包夠鬆軟。細細個去茶樓都好鍾意食「鹹菜胡椒豬肚湯」。但依家好少茶樓有得食，估唔到呢度有！即刻豪不猶疑咁叫左！湯底滿是胡椒香和它散發出來的微辣，刺激味雷和食慾。飲到最尾會見

想食一盅兩件，除咗酒樓之外其實都仲有選擇嘅！石門呢間喜運點心專門店，喺正石門站出面，位置極方便，雖然鋪面細細地，未必有酒樓坐得咁舒服，不過食物質素都好唔錯。佢有點心、包類、腸粉類和飯麵等，全部明碼實價，唔係分大中小點，特別推介佢嘅孖寶優惠，可以揀蒸飯加點心或者腸粉加點心，分別都係$48或者$45 ，我覺得都幾抵。今日就試晒兩個蒸飯孖寶，有鳳爪排骨飯和北菇滑雞飯，點心都有八個選擇，我哋就揀咗鮮蝦燒賣皇同埋陳皮鮮竹牛肉球。蒸飯份量多，味道不錯，兩款都ok。燒賣都大粒，上面有蟹籽。牛肉球一碟三粒，陳皮味就唔係好覺，同酒樓嗰啲冇乜分別。另外我哋都仲叫多咗兩個點心，鮑螺片棉花雞（ $27 ）同埋一碗上湯鮮蝦水餃（ $42），一碗有五隻仲有菜，都好新鮮好味又大隻。棉花雞一向係我喜歡嘅點心，呢度都做得唔錯，啲棉花索晒啲汁好味，鮑螺片煙韌，雞又夠滑。由於唔洗加一，埋單價錢平過飲茶！

依家飲茶，我都少左去酒樓，因為近來發現好多茶居小店，做的點心比起好多大酒樓都好食，而且價錢平民化好多得來，都坐得幾舒服下。之前在石門經過幾次呢家點心店都想試下，今次一於找埋朋友，來食個早午餐先。早上1130都仲有呢d 餐，O岩曬我曬D起唔到物飲早茶既人~$50內就有兩款，都幾抵食呢我地就一於各叫一個，再另外點D款。喜運鮮蝦餃--好靚呢.......真係可以用精瑩通透形容，而且4隻都脹卜卜，非常吸晴。食入口夠熱，而且都好多蝦，又唔會太咸，好食!!!鮮蝦燒賣王---都係大大粒，做得好飽滿，味道都是正，豬肉的味道唔錯，同埋蒸的時間都控制得好。鳳爪排骨飯蔥花牛肉滑腸粉兩個主食都大份量，比想像中多，因為見價錢咁抵，以為會係迷你版，原來都唔係。腸粉好滑，同埋豉油好好味。七味虎皮青尖椒--$36  呢個係一大驚喜，好好好好食~!尖椒入面有彈牙爽口的蝦滑，加上微辣的尖椒，成個口感同味道都好有層次~!!埋單$150有找，真係平又抵過好多大酒樓，以後多一個可以食到正宗廣東點心的好地方了~!

石門真係好多好野食,今晚同老婆阿仔又黎到石門食晚飯,係石門站出口一望,就見到呢間點心店,咁岩見有四人位我地就衝入去座了.呢度d點心都幾抵食,所以忍唔住叫滿一枱點心, 質素又唔差喎, 食得好滿足.當中最值得一試係燉湯, 入口清潤, 飲完好舒服.蝦餃、燒賣、牛肉球、棉花雞都很不錯. 阿仔食左3粒燒賣.我食蒸飯. 呢度D蒸飯幾受歡迎, 味道不錯, 份量就剛剛好.唯一未夠好的是腸粉, 腸粉皮厚及鬆散.老婆叫左呢個, 佢覺得斑蘭味不明顯. 另外再叫桑寄生茶, 蛋沒有味道, 而且好奇怪, d茶入口冇野, 但就聞到好似漂白水的味, 這是正常嗎...

不一定上酒樓、不一定要去茶餐廳。在石門站出口發現一間起運點心專門店，裝修幾特色，所以同屋企人入去試吓。四個人叫了一盅排骨飯一中鹹魚肉餅飯很不錯，尤其是鹹魚肉餅飯，非常嘢味。另外一碟牛肚味道很好，就是細碟了少少，虎皮尖椒夠靚又好味，糯米雞夠大隻，味道不錯，略嫌糯米太綿，口感不夠，另外一盅燉湯火爐十足，標榜不含味精，非常好味，潮州粉果很少見一籠有四隻，幾抵食，最後叫了三個糖水，桑寄生蓮子蛋茶不過不失，兩碗薑茶湯圓夠熱及夠姜味，也ok. 喜歡吃點心的朋友，值得一試。