福元湯圓

Open Now

Now Closed

平時小編介紹新式嘅甜品店就介紹得多，不過好似中式嘅糖水店都係第一次介紹。福元湯圓主要係賣舊式糖水為主，不過西米露同布甸都係有嘅，但一場黎到就梗係要試吓佢哋最出名嘅湯圓啦！🍴鴛鴦湯丸食湯圓嘅話小編通常都會叫最普通嘅鴛鴦湯丸，因為一來可以試晒唔同味道嘅湯圓，二來可以食到湯圓本身嘅原汁原味。呢度嘅湯圓就只有兩款口味，分別係芝麻湯圓同花生湯圓。一碗鴛鴦湯丸裏面就有三粒芝麻湯圓同兩粒花生湯圓。湯圓睇落超級大粒，而且亦都好飽滿，自然咬落去湯圓個內餡係會爆曬出嚟。黑芝麻湯圓咬開超級流心，個湯圓皮亦都比較薄。黑芝麻內餡嘅味道好香濃，可以食到有啲芝麻碎喺裏面，但味道亦都比較甜少少。而個花生湯圓方面，雖然爆餡同流心嘅程度就冇黑芝麻湯圓咁犀利，但味道上亦都唔會比黑芝麻湯圓差。花生湯圓入口有好濃郁嘅花生味，而且當中仲夾雜着左啲花生碎粒喺度，所以口感亦都係比較豐富。至於個味道方面亦都冇咁甜。配合埋個好重薑味嘅糖水真係超級夾。薑汁糖水入口偏辣，但一粒湯圓一啖糖水咁樣真係好正好滿足呀！

去到，原來4pm先營業，於是去左附近圖書館睇下書到4點就去食好出名嘅湯丸，好期待名人簽名，到此一遊嘅證明點左鴛鴦湯丸，咁就有得試兩隻味，芝麻同花生鴛鴦湯丸，薑湯底湯丸皮軟軟，少少煙un薑湯底，重薑味嘅熱水，覺得好似差d野咁芝麻湯丸，一咬已經流出黎，好有光澤，好香花生湯丸，冇芝麻咁流，因為食材關係，略嫌唔夠香，太粗粒

1月5日, 福元湯丸, 冒起已久嘅糖水舖~ 基本上就喺屋企附近成日經過, 但因為呀菲偏好食西式或新式甜品, 所以一直都無試過. 今晚難得喺北角食完煲仔飯, 想食個熱辣辣嘅中式糖水暖下身~ 終於有機會試下喇!::: 糖薑鴛鴦湯丸 ::: $16果然名不虛傳~ 粒粒湯丸都又圓又大粒~ 兩款湯丸分別係芝麻同花生! 輕輕一咬就糖丸餡料就澎湃流出~ 芝麻餡料又滑又香, 芝麻味超濃郁! 花生就更加正~ 質地沙沙的, 有超濃香甜花生醬味之外仲食到粒粒花生同芝麻碎~ 與軟綿煙韌嘅湯丸外皮帶來雙重口感~ 好好味! 不過就稍嫌個糖薑水好似淡咁dd, 如果再甜辣d就更好味!::: 臭草蓮子白合綠豆沙(熱) ::: $13好少見綠豆沙唔加海帶加蓮子白合, 不過加咗又令綠豆沙味覺豐富咗~ 綠豆沙煲到起晒沙, 蓮子白合到已經煲到粉淋, 食落味道唔會過甜, 亦滲出淡淡臭草香~ 不過我都係食唔關熱糖水, 下次都係叫番凍食應該更好.呢度舖頭細細, 但人流不絕. 一路食一路都keep住有人嚟等位或者買外賣~ 湯圓的確係十分出色! 鴛鴦雖然唔係咩特別野, 但花生芝麻餡料係食過咁多湯圓以嚟最好味嘅! 真係寫寫下都即刻想去食呀

於北角德成號買蛋卷, 買完再沿英皇道行落去炮台山, 一路行都驚行錯路,幸好最後都順利找到。相信如果不是經過雜誌的大肆報導, 人們未必特意找上門,去到已過了五點, 地方細小, 得幾張摺檯, 但坐落就愈來愈多人, 最後還坐滿。與一般糖水舖分別不大, 西米露、紅豆沙、綠豆沙、芝麻糊..............但當然要試下鎮店之寶湯丸啦! 鴛鴦湯丸 $14/5粒: 諗左好耐究竟要雙拼定黑芝麻好,最後都決定試齊兩種口味,細口咬下去已感覺芝麻餡何其豐富, 流的速度幾快, 但勝在唔會水汪汪, 芝麻味極香濃, 有沙沙的感覺, 不太甜, 看過介紹餡是用油炒出來, 所以會有些油味。花生餡相比下稍為失色, 但同樣好味同樣咁流,非隨便用花生醬, 而真係有花生粒, 只是較甜。薑湯夠薑味, 與糖的比例剛好, 忍不住要喝光。湯丸的皮夠薄夠軟滑, 不過可以再煙韌一點就好了, 稍為稔了一點。 糖不甩 $12/8粒: 花生糖用個袋仔裝住, 自己想落幾多都得,夠哂貼心? 小丸子軟糯得來又唔黏牙, 口感比湯丸好, 較為煙韌, 一粒接一粒令人停唔到口呢! 期間見到唔少人入來買生的湯丸, 大約是甘多元一盒。

一直都沒有留意天橋下的糖水小店，日前才來試試。又想試芝麻糊，又想試湯丸。叫了一碗芝麻糊＋綠豆沙，一碗鴛鴦湯丸。前者以芝麻糊為主，芝麻糊很香滑，加入綠豆沙效果不錯，味更清，也不過甜。鴛鴦湯丸有兩粒花生湯丸和三粒芝麻湯丸，個人較愛芝麻湯丸，滋味無窮，把花生湯丸比了下去。但鴛鴦湯丸除了五粒湯丸外，是黃薑水，本身不愛黃薑水的，是叫錯了這款。下次懂得叫了，像鄰座的客人，一坐下不用看餐牌，就高呼： “芝麻糊加湯丸，唔該。”推介這裏的芝麻湯丸，令不愛吃湯丸的我，不但已改觀，也可能一見鍾情了。