豆漿大王

Open Now

Now Closed

呢間米芝連推介嘅小店 真係想試好耐🥹佢地主打上海菜 最出名一定係招牌正宗粢飯😍兩個人飽到上心口 埋單一百蚊唔洗 真係照抵‼️.📌咸粢飯 $16味道當然要試吓粢飯😎香軟嘅糯米 包住爽脆炸菜 香甜肉鬆 同脆卜卜油炸鬼 口感味道層次非常豐富🤩.📌甜粢飯 $16相比起鹹味個人更加鍾意甜味🫶🏻簡簡單單砂糖加鹹香油炸鬼 配埋糯米飯 出奇地超好食🥳白砂糖 沙沙地脆脆地 配埋鬆脆嘅油炸鬼 好正😋.📌肉鬆奶脆多 $18個人最鍾意呢款小食❤️香甜嘅炸饅頭 外脆內鬆軟🍞面頭沾滿煉奶醬同肉鬆 鹹鹹甜甜 呢個配搭一流🙌🏻.📌上海排骨 $23係朋友話呢度必食🐷即叫即炸 外賣食都仲係熱嘅🥡外皮勁酥脆 唔會太厚皮 豬扒好厚切 咬落肉質好嫩滑 仲有肉汁🥹調味啱啱好 廿蚊有咁大塊 性價比好高💯.📌咸豆漿 $17第一次飲咸豆漿 豆漿再加蝦米, 油炸鬼, 炸菜同蔥花 勁足料 每一啖都有🤤飲落完全冇豆漿嘅甜味~真係得鹹味 幾香口😗蝦米同炸菜脆脆地🦐油炸鬼索晒啲豆漿 好軟淋 口感都幾豐富😝但個人麻麻地🙈.📌熱豆漿 $8正常味冇加糖 可以自己調較甜味 幾健康🥛

☆豆漿大王👑𝘚𝘰𝘺𝘢𝘣𝘦𝘢𝘯𝘴 𝘒𝘪𝘯𝘨以平民價錢食到米芝蓮美食！今次推介嘅係cp值極高嘅地道餐廳 喺2019年獲選米芝蓮星級小食店😍-上海雲吞麵（$37）雲吞麵夠曬足料🍜有大量雪菜同金馬火腿 麵質煙韌有嚼口 餃子亦係每日新鮮包製🥟而最令人眼前一亮嘅係鮮甜濃郁嘅湯底 比普通上海麵香濃有層次 熬製得非常出彩👍🏻(˶‾᷄ ⁻̫ ‾᷅˵)推薦指數:8/10.粢飯（$16）嚟呢間小食店*必點*嘅一定係粢飯 揉捏粢飯嘅力度啱啱好完全冇鬆散 油炸鬼炸得非常鬆脆亦唔會過份油膩🥖加埋帶有甜味嘅肉鬆同炸菜 果然食得出鎮店之寶嘅味道😋不過建議趁熱食 如果攤涼左米飯就會變硬影響口感(˶‾᷄ ⁻̫ ‾᷅˵)推薦指數:8.5/10.熱鹹豆漿（$8）叫得豆漿大王當然以豆漿聞名🥛一開頭都擔心鹹豆漿會唔會味道有啲奇怪 點知竟然有驚喜😳豆漿內有油炸鬼、蝦米、炸菜、蔥花 🦐豆味頗濃 即使浸過帶有鹹香嘅豆漿油炸鬼依然焦脆 味道的確幾特別令人回味 值得嗌嚟試下🤤(˶‾᷄ ⁻̫ ‾᷅˵)推薦指數:8.5/10.整體來講雖然環境比較逼夾 但食物味道真係一流 絕對值得來訪～.

今日星期日想食一個傳統中式早餐，但又唔想食茶餐廳，所以專程去新蒲崗食豆漿粢飯。豆漿大王在新蒲崗大有街工業區，左右隔離嘅食肆門口都係一樣，門口沒有大招牌，要行近見到門口Menu先至知道係豆漿大王。我哋叫咗幾款店主推介嘅食物鹹豆漿，好少飲鹹豆漿，第一啖食落去覺得怪怪地，但跟住習慣咗，覺得幾好飲，裡面有蝦米乾、油條塊、炸菜及蔥花。普通豆漿，不鹹不甜，枱上有糖，想甜要自己加糖，但沒有黃豆味。鹹粢飯，裡面有榨菜、肉鬆同油條。如果想加料可以加錢，我就全加料比多$7。個粢飯味道淡，全靠啲餡料，油條好脆，肉鬆軟綿綿，榨菜鹹鹹地幾好食。酸辣淨雲吞，酸辣湯好足料，有木耳、豆腐、蛋花、豬皮等，酸辣度適中。雲吞皮薄餡靚。肉鬆奶脆多，多士非常鬆脆，上面放滿非常鬆化嘅豬肉鬆，都幾特別，未食過可以試吓，但又唔係非食不可。雞翼炸得幾香口，炸粉唔厚，外皮有少少甜甜地，但整體覺得偏淡，如果可以加重少少調味料就會更加好食。總結：雖然係星期日早上，位置又喺工廠區，交通唔係好方便，但估唔到有好多人嚟食，門口都泊咗啲車專程嚟買外賣。放假得閒可以嚟試吓，價錢相宜，好過日日食茶餐廳。

之前跳舞間唔中都會黎豆漿大王食晚飯，佢地嘅豆漿、粢飯係招牌菜，今次食一定要食翻個粢飯，仲要叫左多肉鬆，叫左個上海小籠包，但因為係好新鮮，要即刻蒸嘅，所以要等15分鐘左右，（太肚餓所以食左一個先記得影相，其實有四件的）之後我地叫左個酸辣麵，有少少辣，唔知點解有好大陣泰式辣醬味，不過都好味嘅，之後仲叫左個酥炸雞翼，一碟有四隻，炸粉較薄，但略為鹹左啲，不過我地飽到都食唔晒，最後壓軸介紹嘅係鹹豆漿，好好飲架，仲好飲過普通豆漿，佢入面加左蔥花、蝦米同埋好多塊油炸鬼，超好飲，不過我地最後都有再叫多個凍豆漿，食得太多鹹野，要解下渴。雖然食物整體都好好味，但餐廳環境就略為污糟，座位都比較逼夾，如果介意就真係要考慮一下外賣，因為依個係late lunch，所以係下午茶餐時段，非常抵食，埋單先至係$117，整體而言十分推介。

今日慕名而來食粢飯！粢飯係即叫即包嘅，所以要等一下。另外叫咗一碗滷肉碎拌麵，跟餐送豆漿，我加錢改做鹹豆漿。另外追加一個豆腐布丁。以上食物既味道都唔錯！食到咁上下，個粢飯就送到！果然好好味！入面既油炸鬼同肉鬆都好脆，糯米飯又夠薄身，好好味！最後仲叫多咗一個粢飯帶走添！😋

最近屯馬線開通，網上見到不少食評介紹新蒲崗的美食好去處，這間豆漿大王便是其中之一。它賣的粢飯、豆漿拿下米芝蓮推介，像是很有名氣似的，我也有很多年沒有吃過粢飯了。星期日下午一時去到，餐廳門外有不少顧客在等待外賣，裏面有很多食客，桌子都拼在一起，所以環境比較侷促，衛生也有待改善。我們點了很多食物，因為都是第一次來這裏，堂食嘗過覺得什麼小食是好味道的，才外賣給家人吃。我高度推介鹹粢飯、煎餃子、椰汁豆腐花和肉鬆奶脆多。鹹粢飯$16- 給我驚喜的是油條十分香脆！加上肉鬆和菜脯，鹹香味十足，配上軟糯的米飯，很配合！煎餃子$21- 意想不到韭菜餃子的餡料內保存了很多肉汁，餃子皮煎得香脆，吃完還有韭菜香味的餘韻留在口腔內。椰汁豆腐花$13- 吃完鹹香的粢飯，吃碗甜甜的椰汁豆腐花便是最好不過，能夠取得平衡。椰汁很香，豆腐花做得很滑，充滿豆香味。肉鬆奶脆多$18- 炸饅頭很香脆，加上煉奶和份量一點也不吝嗇的肉鬆，非常可口開胃！必食推介！鹹豆漿$17- 豆味頗濃郁，可惜餡料不是很多。蠔油西生菜$16- 蠔油偏鹹，西生菜正常水準。

會嚟呢間豆漿大王食，係因為以前讀書嘅時候喺中大大埔附近有一間同名嘅，又係叫豆漿大王。 不過嗰間豆漿大王已經結業，所以就嚟新蒲崗試下呢間新嘅係點。我覺得唔係好差嘅，始終入過米芝蓮。不過我覺得有少少吹大咗。特別係嗰個粢飯，絕對唔係難食，都幾好味，但係講到係天上嘅食物就真係有啲誇張。 因為我以前喺台灣嗰啲早餐店食粢飯，我覺得同佢嗰啲係冇分別。鹹豆漿嚟講就真係好特別，因為從來未見過，未食過。我自己就唔係特別覺得好食，因為唔係好食得慣。不過大家可以去試下嘅，幾特別。最好食係嗰個肉鬆多士，不過因為午市太忙，所以淨係晚市先至可以叫到。 佢其實係一片炸饅頭，上面加煉奶，然後再擺極多肉鬆喺上面。 呢個配搭真係意想不到，好有創意，同埋真心極度好食。其他菜色都係普普通通。

今早在新蒲崗工廈區換人民幣，順路去今年米豬蓮的新貴「豆漿大王」食名物粢飯，爽！有時覺得米芝蓮在街頭美食推介這方面的反應不夠快，其實這間連招牌也掛得不太明顯的工廈區店子，早在米芝蓮發現前已在此區以粢飯出位，只是它頗為低調，故區外人未必會知道。早餐時段來到叫了一個醬爆肉碎夾饅頭，配搭鹹豆漿，另外再叫了一個必吃的粢飯。醬爆肉碎夾饅頭個名好威猛，但其實只是饅頭夾些炸菜肉碎罷了。饅頭總算軟硬適中，肉碎則稍嫌過碎，吃起來滿足感唔多夠，愛重口味的人也會覺得整體調味比較清淡。鹹豆漿同樣鹹度不足，但正好適合我最近減甜減鹹的飲食方針。然而，豆漿內的料比較少，只有點葱、油條及蝦米。不過，畢竟現時有鹹豆漿供應的店子不多，物以罕為貴，所以我每次來仍會叫此物，覺得以它配搭鹹粢飯最佳。此店的粢飯分鹹甜兩種，而我卻只鍾愛前者。鹹粢飯可謂精彩極了。手握的飯團軟硬適中，但飯粒外表粒粒分明卻又不會甩掉出來，可見握功所在。粢飯內的油條勁脆，與肉鬆及炸菜組合的比例剛好，一大啖咬的話正好吃掉所有配料。這種功夫看似平平無奇，但坊間店子卻少有這水準。由於粢飯即叫即製，繁忙時段來的話會等好久，而店員的態度也有人說不夠禮貌。不過我每次來