Video
Telephone
31884920
Awards and Titles
Michelin Street Food (2019-20)
Opening Hours
Today
08:00 - 21:00
Mon - Sat
08:00 - 21:00
Sun
09:30 - 21:00
Public Holiday
09:30 - 21:00
Above information is for reference only. Please check details with the restaurant.
見好多人推介呢間米之連，特登嚟一試。咸粢飯 $20餡有炸菜、油條、肉鬆。有得揀分三份定兩份，仲有d 加錢多肉鬆／油條／肉鬆。上枱熱辣辣，油條係脆嘅，肉鬆夠乾身，混合埋炸菜食，一流！冰凍豆漿 $10好飲，濃濃豆香味，又唔太甜。咸豆漿 $20一飲落去，驚艷，大量櫻花蝦，勁足料，超香。但食到尾有d鹹。脆香雞扒飯 $40雪菜係甜嘅，雞扒炸得都脆，但溝埋得一個字：鹹...總結價錢合理，部分食物係出色嘅。唯獨鹹野都幾重口味。
continue reading
我本身好鍾意食粢飯一直都想黎試今日就專登過黎試叫咗呢幾樣嘢1）咸豆漿比想像中有味，感覺似飲湯幾特別2） 凍豆漿幾濃但就甜咗少少3)粢飯真係好好味，飯又軟唔會太厚，油炸鬼又夠脆4）煎鑲豆腐呢個就比較普通5）肉鬆奶油脆脆呢個真心好味到癲，脆香口惹味6）酸辣湯餃子湯好飲，味道剛好，料又夠足，餃子又好食
continue reading
中午經常行過都見到好多人喺出邊，好似超多人排隊等位咁，但其實今日我哋五人去等位都只係需要5分鐘。翻枱率好高，同埋好多人其實係等外賣，建議大家要堅持，嘗試埋去攞咗張飛等位先比較建議叫佢哋嘅小食居多！！！麵同飯類並非佢哋主打。// 煎釀豆腐麵感覺呢個性價比係最高，本身餐牌嘅淨炸豆腐即喺呢個煎釀豆腐都要$20。同埋食呢個可以試到佢啲餐牌招牌豆制小食。煎釀豆腐好厚身，豆味重唯一係釀製肉真係比較少，完全就係相眼見嘅呢一片肉。坦白講個上海麵就一般般，麵底麻麻哋。不過呢個價錢性價比真係十分高！超抵食！// 肉鬆奶脆多 $24想特別推介呢個肉鬆奶脆多！ 雖然佢其實係將兩個炸饅頭切一半，然後搽啲牛油加一啲好脆嘅肉鬆，好似直接叫個炸饅頭抵啲，但係的確同自己叫一碟炸饅頭加佢啲肉鬆係兩回事。佢個奶脆多用嘅炸饅頭係比同樣單叫嘅炸饅頭的確係脆啲！應該係有另外搽咗牛油煎脆另外啲肉鬆都係脆嘅！十分做到脆多士嘅口感(以為十分一般，所以相都冇影。)個人都好推介炸饅頭的確好好味
continue reading
星期日朝早喺新蒲崗出沒，唔想食咁飽，就嚟豆漿大王食早午餐。（左）凍豆漿（$10）、熱薑汁豆漿（$16）凍豆漿沒有豆‘’益‘’味，唔會過甜。至於薑汁豆漿，薑味太重，豆漿味完全被覆蓋。都係推薦飲返豆漿好啲。粢飯（$20）個飯夠熱，油炸鬼keep到好脆，榨菜都好好味。相信粢飯係招牌之一，但如果大舊啲就好喇。（左）煎豆腐（$20）、酸辣湯（韭菜豬肉餃子）（$41）比起一間馳名食豆腐製品嘅餐廳嚟講，豆漿大王嘅煎豆腐普通咗啲，可能輸咗喺個醬汁方面，同舊魚肉。酸菜湯就好好味，湯底酸度胡椒味恰到好處，配料都好多，有豬皮、豬紅、芽菜、豆腐、木耳絲。但個韭菜豬肉餃就冇乜特別啦，如果再食會揀其他配搭。豆漿大王喺新蒲崗都頗為出名，大概假日11點入座，剛好有位，晏少少已經出現人龍，估計平日午餐時間應該好多人排隊等候。
continue reading
今次我哋係兩個人去食，理所當然就嗌咗兩杯凍豆漿啦，佢係真係好甜，然後有浸腐竹糖水嘅味道幾好飲嘅我個人覺得。然後我哋嗌咗個頹飯啦午餐肉雞蛋飯個午餐肉煮得勁香勁好食唔會話好腍 啲嚟講就偏硬，但係其實都幾好食嘅然之後我哋仲嗌咗個肉鬆酸菜粢飯 我自己個人就唔係咁鍾意酸菜嗰一層覺得就味道會有啲奇奇怪怪，下次應該會直接嗌肉鬆粢飯 肉鬆粢飯勁好食囉，特別係佢啲飯呢唔會係好濕嘅感覺啦，佢係會有少少硬身。最後埋單都係70幾蚊兩個人加埋
continue reading