Video
Read full review
2024-09-24
544 views
📌 燒烤堂 - 尖沙咀諾士佛臺1號1樓🗓(19/9) 星期四 ⏰ 晚上6點左右 💈特式：見呢間串燒店係好多不同平台都有人介紹過，一直都想去試下，餐廳總共有6間分店咁多，我今日就揀左去位於尖沙咀出名酒吧街嘅諾士佛台店。🥩🍔🌭🌮🥗🥯🥘🍲🍝🍣🥟🍤🍱食物：餐廳串燒選擇非常多，而且有大量飲品選擇，絕對係想飲酒吹水嘅好去處，最正係佢地Sapporo生啤係買一送一，等我同大家講下🍢味道先。🐥鹽燒阿波尾七里香 $2️⃣2️⃣ - 阿波尾即係雞屎忽，唔多串燒店有，餐廳亦處理得好乾淨同冇異味。🐔❤️麻辣燒赤雞心 $2️⃣2️⃣ - 雞心都好出色，麻辣惹味，咬落爽口。🐔汁燒新鮮雞肝 $2️⃣8️⃣ - 雞肝火候控制得好，食落完全唔粉唔乾。🐔🍄汁燒免治雞肉軟骨釀冬菇 $2️⃣8️⃣ - 免治雞肉撈咗少少軟骨，再配埋鮮味嘅冬菇，一流。🐥鹽燒原塊雞皮 $2️⃣2️⃣ - 燒雞皮size好大塊，燒得脆口，食落有少少似潮式炸魚皮口感。🌶🐥麻辣雞軟骨 $1️⃣6️⃣ - 雞軟骨可以配鹽燒或者麻辣，但雞軟骨始終難入味，所以建議配麻辣會吸引d。🍯🐥蜜糖燒雞中翼 $1️⃣8️⃣ - 雞中翼燒得香口，入面juicy。🐔惹味爽口雞腎 $2️⃣0️⃣ - 雞腎爽口彈牙，又無雪味，醬汁配合得
🗓(19/9) 星期四 ⏰ 晚上6點左右
💈特式：見呢間串燒店係好多不同平台都有人介紹過，一直都想去試下，餐廳總共有6間分店咁多，我今日就揀左去位於尖沙咀出名酒吧街嘅諾士佛台店。
🥩🍔🌭🌮🥗🥯🥘🍲🍝🍣🥟🍤🍱
食物：餐廳串燒選擇非常多，而且有大量飲品選擇，絕對係想飲酒吹水嘅好去處，最正係佢地Sapporo生啤係買一送一，等我同大家講下🍢味道先。
🐥鹽燒阿波尾七里香 $2️⃣2️⃣ - 阿波尾即係雞屎忽，唔多串燒店有，餐廳亦處理得好乾淨同冇異味。
🐔❤️麻辣燒赤雞心 $2️⃣2️⃣ - 雞心都好出色，麻辣惹味，咬落爽口。
🐔汁燒新鮮雞肝 $2️⃣8️⃣ - 雞肝火候控制得好，食落完全唔粉唔乾。
🐔🍄汁燒免治雞肉軟骨釀冬菇 $2️⃣8️⃣ - 免治雞肉撈咗少少軟骨，再配埋鮮味嘅冬菇，一流。
🐥鹽燒原塊雞皮 $2️⃣2️⃣ - 燒雞皮size好大塊，燒得脆口，食落有少少似潮式炸魚皮口感。
鹽燒原塊雞皮
$22
8 views
0 likes
0 comments
🌶🐥麻辣雞軟骨 $1️⃣6️⃣ - 雞軟骨可以配鹽燒或者麻辣，但雞軟骨始終難入味，所以建議配麻辣會吸引d。
🍯🐥蜜糖燒雞中翼 $1️⃣8️⃣ - 雞中翼燒得香口，入面juicy。
🐔惹味爽口雞腎 $2️⃣0️⃣ - 雞腎爽口彈牙，又無雪味，醬汁配合得宜。
🐮韓式燒惹味牛肋肉 $2️⃣8️⃣ - 牛肋肉牛味濃郁，入口唔韌又無筋。
🐮👅厚切鹽燒牛舌拖羅 $4️⃣8️⃣ - 牛舌係必點之一，質地厚身，爽口又有牛脂香。
🦆👅椒鹽燒鴨舌 $2️⃣8️⃣ - 椒鹽味香，而且夠入味，亦食唔到任何雪藏味。
🐷福岡味噌松板豬 $2️⃣8️⃣ - 肉質有點似豬頸肉，但比較juicy，同埋味噌味幾突出。
🐷鹽燒豚肉荔枝卷 $2️⃣2️⃣ - 呢個好推介，外層豚肉燒到脆口，入面配埋鮮甜荔枝肉，鹹甜中和，味道一流。
🐷鹽燒豚肉豆苗卷 $2️⃣8️⃣ - 同荔枝卷有d唔同，配豆苗口感會比較清新。
🐥🦑雞皮墨魚滑 $3️⃣8️⃣ - 雞皮又薄又脆，墨魚滑口感彈牙，仲食到粒粒墨魚肉。
🦀🦑蟹味噌燒墨魚鬚 $2️⃣8️⃣ - 墨魚鬚比較硬身有咬口，蟹膏份量多，鮮味十足。
蟹味噌燒墨魚鬚
$28
5 views
0 likes
0 comments
🧄🦪蒜蓉燒廣島蠔 $4️⃣4️⃣ - 廣島蠔size都適中，而且夠新鮮，簡簡單單配蒜蓉辣椒燒已經好好食。
🐟涼拌藤魚皮 $3️⃣8️⃣ - 佢哋嘅藤椒魚皮比一般雞煲/烤魚店更出色。
👍蒜蓉菜脯燒豆皮 $1️⃣6️⃣ - 燒豆皮入邊包左少少蒜蓉同大量菜脯，味道香辣適中。
🐷🍭豚肉節瓜波板糖 $3️⃣8️⃣ - 呢個係餐廳推介招牌菜，配埋一隻月見日本蛋，蔬菜同豚肉比例均勻，認真出色。
豚肉節瓜波板糖
$38
21 views
0 likes
0 comments
🧈🍯🌽牛油蜜糖粟米$2️⃣0️⃣ - 佢地個牛油蜜糖粟米比香港所有快餐店做得更好，牛油味香，配以少少蜜糖甜味，簡簡單單已經好好味。
牛油蜜糖粟米
$20
18 views
0 likes
0 comments
🍆川燒蒜蓉茄子 $3️⃣6️⃣ - 茄子除咗蒜蓉同蔥，仲加咗炸蒜同菜脯，味道比一般唔同。
川燒蒜蓉茄子
$36
2 views
0 likes
0 comments
🌶孜然燒蒜芯 $ 1️⃣2️⃣ - 咁簡單嘅蒜芯，佢地都做得好好食，可能因為食材新鮮，蒜芯表面有孜然惹味，但咬落鮮甜。
🍍黑糖燒菠蘿 $2️⃣0️⃣ - 燒菠蘿係我去親串燒店必叫，呢間係有做凍熱兩款，我就揀左凍食，食完所有串燒用嚟做結尾，一絕。
黑糖燒菠蘿
$20
14 views
0 likes
0 comments
☕️🍵🥤🧋🍺🍷🥃🍹🧉🍾🍶🥛
飲品 : 除左Sapporo生啤買一送一外，餐廳仲供應其他果酒同不少無酒精飲品，我就梗係叫最抵嘅買一送一生啤啦，朋友唔飲酒就叫左杯青檸菠蘿梳打，配襯串燒都唔錯。
🍽環境：以串燒店嚟講，餐廳佔地都算大，環境闊落，坐位舒適，唔會有迫夾感覺，餐廳亦無油煙感覺，地方企理乾淨。
🤵🏻🤵🏻♀️🤵🏻♂️服務：店員服務非常好，會向客人介紹餐廳推介/熱賣串燒款式，亦會詢問客人口味而作出不同推介等等，上菜時亦會細心介紹食材同講解食法。
💰💸價錢：總數叫左24款串燒/食品，再飲埋日本生啤，埋單連加一都唔洗$8️⃣0️⃣0️⃣，係尖沙咀呢區，而且仲要係食串燒，都叫做相當抵食，如果鐘意飲啤酒嘅朋友就梗加抵上加抵。
🐲💬總結：諾士佛台有唔少酒吧，我自己都會不時去下，但酒吧d食物質素就普遍麻麻，所以呢間燒烤堂就啱晒d鐘意一邊飲酒一邊食串燒嘅朋友仔了。
推薦指數：❤️❤️❤️❤️❤️
Post
