泰發泰國餐廳

Open Now

Now Closed

九龍城出名食泰國菜, 相信應該好多人都知, 朋友話今晚想食泰國菜, 便黎到這間泰發泰國餐廳試下!*泰國金柚海鮮沙律有蝦同墨魚, 加埋柚子, 微辣酸汁, 好開胃的前菜*檸檬燒牛肉見到餐牌標示左No.1食品, 當然要試下,  一出黎既賣相已經相當吸引, 啲牛肉好似成座山咁高, 勁, 這個半生熟牛肉, 有牛味之餘, 還很有嚼勁, 微辣, 好味, 仲有芥蘭做菜底, 底下有酸酸地醬汁, 加埋生蒜頭片, 很好食, 有驚喜! 係其他泰國餐廳未有食過, 推介!*鹽燒盲鰽我對於泰國燒魚, 都好喜歡, 今次試下呢種魚, 幾特別, 魚身入面都係放左香茅香葉, 上面放了鹽原隻 燒, 打開魚皮，熱燙燙的白煙輕飄，魚肉嫩滑, 點埋自家店的秘製泰式酸辣醬汁, 真係好食, 仲有陣陣的香茅香葉南薑香料味道, 味道好有層次, 正!*椰青清甜可口, 食埋椰肉, 好開心呢間泰國餐廳價錢大眾化, 食物美味, 下次再黎試下其他菜餚~

服務一般，唔係個個侍應都識落單，所以落單要嗌好耐。平日都超級旺場，所以上菜上野飲都要啲時間。坐都好迫，八個人坐六人枱，中間加隔板。*泰式芒果沙冰 $28大杯又解辣，芒果香濃，沙冰細滑，冇啲奇怪大塊冰粒。*木瓜沙律 $55大份，青木瓜爽脆，加埋脆花生同番茄仔，又辣又fresh。生菜唔係好新鮮，包住木瓜絲食，另有一番風味。泰式炒金邊粉 $58金邊粉唔會好油，乾身但好張口，而且偏甜，甜得嚟又有啲死甜嘅感覺。配料有炒蛋雞肉豆乾，同埋花生碎，可惜冇生芽菜同白砂糖，好似就唔多正宗喇。馬拉盞炒通菜 $59少少辣，但好油，惹味，但都唔夠馬拉盞蝦醬味，勝在大份抵食。馬拉盞炒椰菜苗 $68同樣惹味但偏油，椰菜苗比通菜更好食，可能因為多咗個有咬口嘅菜梗。串燒 (雞) (豬) $15燒得好靚，雞同豬都入味，肉質唔會腍晒，有少少韌，唔洗點沙嗲醬都已經好好食。檸檬燒牛肉 $123燒牛肉原本係好生，落單嘅時候叫佢燒熟啲，而家熟度啱啱好五成熟，唔會太韌，牛肉味差啲，不過好香蒜頭味，檸檬味反而弱啲，少少酸味開胃，又會令人一啖接一啖咁食。鹽燒盲鰽 $119盲鰽外皮脆但全部都係粗鹽，一定唔會食塊魚皮，魚肉嫩滑，肉多骨少，啖

同事無啦啦話搵日放工食泰國o野，我就帶o左佢o地去呢間我食o左兩次o既餐店，我到今次第三次先記得佢個名，「泰發泰國餐廳」！首先一讚老闆娘，一視同仁，我o地未入去等位前，我係門口攞完位之後行開o左去接我o的 friend，點知返到去又有人等，佢見老闆娘招呼我先，就同老闆娘講佢o地o黎先，又話自己係熟客，我都未開口，老闆娘就話係我攞位先，咁我o地就咁入o左去坐啦！未入去前，老闆娘叫我o地點菜先，怕我地等得耐，咁我o地就一輪嘴咁叫o左 ---鹽燒盲鰽 --- 見餐牌有燒魚，唔知咩魚好，問老闆娘，佢話「鹽燒盲鰽」係招牌菜，咁即管試o下，好鮮味，又唔會o鞋口，魚肉仲好滑，我個女同事仲一路食一路話好食串燒 --- 老闆娘介紹o既「燒雞腎」，我o地再加豬牛雞各一，嘩！「燒雞腎」果然一絕！超好食！又唔「un」，其他o的串燒最衰攤凍o左......泰式炒通菜 --- 菜夠爽口，唔諗又夠味！魷魚肉碎沙律 --- 我個同事話好辣，可能我食開辣，又唔覺得好辣，不過味道真係唔錯，加上佢有粉絲係底，索晒o的汁，好味好味！椰青咖哩海鮮配蒜蓉飽 --- 哼！呢個簡直令我一試難忘，我再返轉頭都係因為佢！先講個咖喱，