Video
Read full review
2023-10-13
95 views
好耐好耐好耐冇寫過食評🤣實在太忙今日又Resume返我嘅尋找紅蝦意粉之旅。今日嚟Alux, 其實已經係第二次，想試真啲食物味道先再寫食評。唔講咁多，即刻睇吓我今次食咗啲咩，以下係兩人份：麵包🥖都係Standard嘢，唔算特別出色。麵包都有烘熱先上枱。唯一要讚嘅係個牛油非常特別，係帶有甜味嘅牛油，有陣陣香味，不過要問佢攞先至會有。前菜：炸魷魚圈呢個魷魚圈真係比到驚喜我，上菜嘅時候剛剛炸起，炸粉唔會太厚，而且夠晒酥脆。魷魚圈好爽口，調味適中，帶有啲鹹蛋黃同香草味，非常惹味。呢個真係要趁熱食，西餐嚟講炸嘢，做得好出色。前菜：雞胸沙律沙律係其中一個唔使加錢嘅前菜，雞胸份量啱啱好，沙律有生菜、青紅黃椒、青瓜。食落去口感少少凍凍地，非常refreshing。呢個沙律我係第二次食。so far啲雞胸都唔會鞋。以唔使額外加錢嘅質素嚟講都算幾抵食。主菜：紅蝦意粉分別喺唔同日子試咗呢間餐廳嘅紅蝦意粉，出奇地第二次食比第一次食好味好多🤣問過先知，原來廚師會轉，炒法可能都唔同。第一次食略嫌蝦味唔夠，意粉偏乾。第二次食換咗唔同廚師整，多咗好多汁，蝦味濃郁😍好食好多。睇圖你就明😂上面係第一次食，下面係第二次食。淨
今日又Resume返我嘅尋找紅蝦意粉之旅。
今日嚟Alux, 其實已經係第二次，想試真啲食物味道先再寫食評。唔講咁多，即刻睇吓我今次食咗啲咩，以下係兩人份：
麵包🥖
都係Standard嘢，唔算特別出色。麵包都有烘熱先上枱。唯一要讚嘅係個牛油非常特別，係帶有甜味嘅牛油，有陣陣香味，不過要問佢攞先至會有。
麵包
4 views
0 likes
0 comments
前菜：炸魷魚圈
呢個魷魚圈真係比到驚喜我，上菜嘅時候剛剛炸起，炸粉唔會太厚，而且夠晒酥脆。魷魚圈好爽口，調味適中，帶有啲鹹蛋黃同香草味，非常惹味。呢個真係要趁熱食，西餐嚟講炸嘢，做得好出色。
炸魷魚
9 views
0 likes
0 comments
前菜：雞胸沙律
沙律係其中一個唔使加錢嘅前菜，雞胸份量啱啱好，沙律有生菜、青紅黃椒、青瓜。食落去口感少少凍凍地，非常refreshing。呢個沙律我係第二次食。so far啲雞胸都唔會鞋。以唔使額外加錢嘅質素嚟講都算幾抵食。
雞胸沙津
6 views
0 likes
0 comments
主菜：紅蝦意粉
分別喺唔同日子試咗呢間餐廳嘅紅蝦意粉，出奇地第二次食比第一次食好味好多🤣問過先知，原來廚師會轉，炒法可能都唔同。第一次食略嫌蝦味唔夠，意粉偏乾。第二次食換咗唔同廚師整，多咗好多汁，蝦味濃郁😍好食好多。
睇圖你就明😂上面係第一次食，下面係第二次食。淨係睇個汁嘅分別已經好明顯有差別😅
不過兩次嘅共通點都係，麵質食得出係自家手工麵，爽口彈牙，但份量非常少，大概兩啖左右😂蝦都只係得一隻。所以唔好諗住靠呢個主菜可以食飽😂
主菜：酥皮鱈魚
呢個主菜有幾個朋友食過都話非常好食。傳說中餐廳曾經係餐牌上取消呢度菜，結果俾食客要求佢哋重新上架。所以今次老虎蟹我都要試一次好唔好食。不過現實就係好多時有啲嘢被吹捧得太犀利，搞到我期望值好高，然後我就有啲失望😅
酥皮基本上都係正常好香軟，鱈魚我就覺得未夠肥美。下面配嘅湯汁有啲似南瓜湯底，加咗啲雜菜。其實成個配搭都算唔錯，不過就冇想像中咁好食，但係試一次半次係可以的。
Once again，今日有可能係第二個廚師整，同上一次食個感覺又好唔同。大家可以自己睇圖領悟一下，淨係睇過汁嘅差別，已經睇得出係有分別🤣
甜品：tiramisu
甜品係比較驚喜的。上次嚟食餐廳咁啱嗰日冇呢款甜品，今次覺得點都要試。tiramisu食得出係自家製嘅。比較特色嘅地方就係Tiramisu下面竟然係有栗子碎，呢個真係第一次見，獨一無二。而且唔會太甜，咖啡味唔會太濃，份量剛剛好。所以整體嚟講真係一個彩蛋。
Tiramisu
174 views
0 likes
0 comments
總括而言，Alux都算係一間好餐廳，其他朋友嚟食過都係有讚冇彈。不過比較意外嘅係佢嘅食物質素唔係幾穩定，真係好睇你嗰日撞正邊個廚師😅而且份量都係偏少，所以性價比嚟講，唔算特別高。
值得讚揚嘅係，有個高高瘦瘦嘅經理哥哥特別好人😂非常體貼，對熟客好識做，夠晒人情味，呢個真係抵讚，絕對係加分位。
(Price: Weekday lunch 2 pax. After discount ~HKD 1400)
大家嚟試食記住用OpenRice book位~有八折
係八折啊come on🤣
Post
