L'Envol

Open Now

Now Closed

環境好靚，服務都好好😆 餐牌只有一個，但係佢主菜都可以俾你揀，價錢最平都2600 🥲每碟菜都有專人簡介～ 佢就送咗頭盤，第一個係龍蝦同埋龍蝦凍，味道有少少腥，不過都係好惹味，最後一個人覺得最好食！之後就每人送咗一份麵包，第一個真心推薦 好香好林！魚子醬配帶子，佢係帶子刺身，食得出個料都好靚嘅，不過我自己就一般，個人唔係太鍾意食帶子刺身之後呢個今日最推薦！！雖然睇落去最普通，但係個湯真係好好飲！😝 龍蝦都好食～ 雖然直接跳走主菜，不過呢個芝士撻唔錯，芝士味都好香，只不過食到嗰陣時已經好飽，佢寫住二人分享，本身以為好大，好彩佢細如果唔係根本食唔落🤣🤣呢兩個和牛雖然細細粒，但係油花好重，食完已經飽咗🤣🤣 不過好食！連嘅薯仔都清晒，隔離嘅心形薯片之類嘅物體，創意十足好多都冇影到相🥲 杯嘢飲幾好飲，不過太甜😂😂甜品揀咗疏乎厘，即使食到咁飽依然食咗一大半，榛子味好香，最後仲有甜品車推俾你揀！總括：食材新鮮嘢食都好食，不過價錢真係貴，有啲位都算係少少美中不足，但係環境服務態度一百分！

第二日係瑞吉酒店既staycation本身我係chope book左L'Envol十二點九尋日check in果時問過最遲可以一點半入座所以改左一點半先食呢個lunchL'Envol請左olivier elzer主理呢位法國大廚係香港都算幾有名同之前食過tosca既主廚angelo agliano一樣係出自robuchon而且先後係多間星級餐廳打理幾乎每一年都會有星星斬獲之前亦有曾經有過自己既餐廳seasons by olivier elzer而呢間L'Envol同潤一樣係開業唔夠一年已經成為左一星餐廳係一年後更成為全港唯二升格成為兩星既餐廳而呢位olivier elzer花邊新聞仲勁除左食過孫佳君仲係梁芷珊既前男友而家仲有合作開緊一間叫o'chef lab既網店幫過瓏門冰室改過餐單就真係唔知算唔算得上黃啦仲見佢有個中文名叫做岳力華係秘密網見到有職員話呢位大廚身價仲高過酒店總經理咁當然係比起去潤有更高既期待啦畢竟上一次係caprice既體驗係咁完美我估呢間L'Envol都唔會差得去邊掛尋日係潤只係食左千二蚊咁既然仲有幾舊水dining credit淨就緊係去食埋呢一餐啦今日被安排係近門

家中親友好多都係已故名廚Joël Robuchon先生嘅粉絲，唔少仲會跟蹤埋佢啲徒弟，佢眾多弟子中相信喺香港最紅都要數Olivier先生。型男廚師喺香港自立門戶後，第一間法國餐廳先以「季節」起名，主打節令菜式，無奈此店未能取悅家中嘅迷人Uncle同美人姐姐，佢地食後不滿嘅程度係建議XO仔可以慳返個荷包仔，連試都唔洗去試，咁大家明啦！點知大廚一改風格後，喺灣仔主理新店「L'Envol」，卻成功令二人一試再幫襯，更誠邀肥肥家族一同品嚐晚膳佳餚。小肥都係初次到臨開幕不到一年嘅「香港瑞吉酒店」，其金碧輝煌嘅裝潢華麗典雅，大堂簡單擺出一棵聖誕樹已傳出溫馨嘅節日氣氛。位於三樓嘅高級西餐廳樓底高高，空間感足，左方為透明度極高，而且光鮮潔淨嘅開放式廚房，大方又有氣派。通往洗手間嘅走廊一邊全為透明玻璃酒櫃，細佬見到不少名貴酒品，當然係要影返幅相同大家分享啦！用餐大堂雲石嘅牆身襯托著柔和嘅燈光，羅曼蒂克中亦不失時尚。窗邊嘅二人散座就最適合情侶坐。餐桌雪白嘅枱布上擺放出高雅嘅餐具。厚墊椅櫈及梳化其實都好舒服，唯一有點奇怪嘅就係五人枱嘅舖排係埋邊梳化坐三個人，而外出則坐兩個人，亦即坐三人梳化椅中間嘅XO仔每次