夢 (Closed)

我又食日本菜啦，皆因百吃不厭！不過坊間個個都做廚師發辦，究竟邊間好？何況轉下口味食懷石料理，今晚到的「夢」，並非吃過的傳統懐石風格，意境並沒襌意，但心思地繪出立體畫像擺設食物，效果有趣，有其風格，不妨當作創意套餐吃。 相信師傅構思菜式及其擺設時候，腦海𥚃想必浮現出不同的圖畫，如夢境一般，無規變化，眼睛先享受。食品配搭有新意，項目多元，不介意長時間準備，亦是值得欣賞的地方。晚上入門價每位$1380有11道，符合今晚的胃納，價錢合理。先付－草莓泡球是一分子料理小吃，打開木盒，寶貝是小匙粉紅波波球。  以分子料理做的草莓泡泡，包裹著愛媛縣無花果及北海道白粟米粒。 先吃泡沫，輕盈的草莓甜，如空氣般；撥開泡泡，綠色啫喱下是新鮮無花果及超甜栗米粒，整體味道酸酸甜甜，成功喚醒胃納。 八寸－夏日擺盤景象是「夏日 」「Summer」，一張有山有水的平面圖畫，放了立體沙灘傘，貝殼及蔚藍色膠沙，再加上四款一口小吃、皆放在石頭或貝殼上，組合成夏日意境立體圖。先吃36個月的西班牙巴馬火腿配日本水果最中餅，鹹香十足，果甜對比更提升鹹香，脆餅增層次。繼而是一粒鮮百合南瓜丸，南瓜蓉棉棉口感，惹味的炸物香。炸粟米球，北

好耐沒有約朋友吃飯，難得一聚，當然要食餐好，由友人發辦，她帶我來到位於中環這間嚐分子料理的日本餐廳，令人滿有期待。餐廳燈光柔和，蠻有情調。一入門就見到一排大酒櫃，接着便是對住師傅們的吧枱，而另一邊就是一排長沙發座的二至四人枱，座位有限，幸好友人一早訂枱。******************************由廚師發辦，第一道出場的菜式以一個木盒盛載，好有神秘感。一打開，擺設好有驚喜，中間放了一支深紅色脆筒，原來是由紅菜頭汁造成紅菜頭脆筒，內裏放了一隻富山灣螢光魷魚，配上麵豉醬。紅菜頭脆筒又薄又脆，而螢光魷魚就好爽嫩，味道稍稍鹹鮮，配搭特別。******************************今次送來一個庭院，服務員稱其八寸。仔細看，原來有四款巧手製作的食品。先吃芥末味的空豆平貝，辣辣地，腍腍地。接着是好似雲吞的包子，內藏低溫白蘆筍，甜甜地，有啲爽。再來是黑芝麻豆腐，芝麻味香濃，甘甘地。最後是我最喜歡的炸櫻花蝦球，外脆內軟，原來以棉滑的芋泥配上櫻花蝦味，味道突出，好吃！******************************服務員端上一個正正方方的小木盒，上面仲有輕盈的

老蘭舞場週二重開，XO仔就孖舞伴早啲喺附近新開嘅「夢」撐枱腳。樓上餐廳由門面個金漆招牌到室內設計及餐具擺設都清一色咁金光閃閃。用餐大堂開揚通爽，右方為二至多人合併式散座，配上黑色嘅厚墊皮櫈，既新潮又舒適。左半邊則有個開放式廚房，面前有一排吧位，食客可邊飲、邊食、邊睇住師傅們烹調食物。兩口子被安排入座大舞台前方嘅靚位，席上金碧輝煌嘅餐具、餐墊、餐巾極具氣派。埋位即有熱茶及熱毛巾，毛巾同其他餐具上都印有店名個「夢」字，製作相當全面。Wilson師傅作出簡介時真係好謙卑，首先道出小店開業只有一個月，各方面仍在改進中，希望大家多多包涵。餐牌上嘅三個選擇其實差不多每一日都會略作調整，由於材料大多來自日本，建議初訪嘅食客可先嚐$1,380/位嘅「七月季節懷石」，節令食材都會以嶄新嘅面目上枱，包保大家會有驚喜。為晚餐作序嘅「先付」以木造托盤呈上，盤上舖有粉紅色嘅櫻花花瓣裝飾，雅麗精美。透明小杯內以味清嘅粟米湯作底，湯內嘅大小圓粒全為雜果分子波波，當中嘅雜果有提子味、柿味及蜜瓜味，煙煙韌韌都幾得意。接棒嘅「八寸」其實係前菜拼盤，啡啡黃黃嘅枯葉擺盤散發出濃厚嘅秋季味，非常符合碟上六款節令小點，建議由左上

環境5分：高級格調，而又混合日式同西式餐廳嘅格局，一邊係個開放式廚房加七個吧位，可以睇住廚師邊煮邊佈置Ｄ食物。另外一邊就係Ｄ散座，全部都係厚梳化櫈，非常之舒服，可以畀滿分。衛生5分：餐枱同廚房一樣乾淨同熠熠炅，有餐巾又有熱毛巾，衛生都係滿分。服務100分：樓面只有一個服務員，真係非常之勤力同好好人，不停換熱茶，又帶Ｄ客出入洗手間，面前嘅廚師每道餸都會解釋清楚Ｄ食材同煮法，有耐性又詳盡，要畀一百分！味道5分：1)      第一杯先付係用分子料理方法去做，將提子，日本柿，蜜瓜搞佢一輪，然後分子重組材料再重現眼前，呢個食法非常特別同前衛。2)      八寸有六款食物，當中有南瓜蓉枝豆蓉做成一粒，芝麻豆乳拌枝豆蓉。紫色啫喱原來入面有紫芋同埋栗子，食落煙煙靭靭。櫻花蝦餅非常好食，時令嘅法國白蘆筍好爽口，上面仲有塊松露，賣相一流。粟米粒都非常之清甜。3)      帶子他他配三片唔同味道嘅薄脆，當中有粟米味，墨魚味同玫瑰花味，食法係將帶子他他放落薄脆上面食，又鮮又甜又卜卜脆，好好食。4)      粟米凍湯，非常之濃沃，上面放左Ｄ蟹柳絲，細細杯凍湯非常清甜。5)      脆鱗甘鯛炸得非常脆卜