莆田 (利舞臺廣場)

Open Now

Now Closed

莆田Putien已連續7年榮獲新加坡米芝蓮一星✨選用新鮮自然的在地食材及傳統料理手法，呈現經典特色的福建菜，被譽為“新加坡中餐第一品牌”。 香港亦有多間分店，今次到訪了銅鑼灣店，裝潢散發著低調的中式雅致🍵茶芥(Hk$15位)：有養生明目的杞子菊花茶🥘兩道蟶子菜式(Hk$219): 有8款食法，點了「蟶子金黄蛋」和「 椒鹽哆頭蟶」，同樣金黄光澤、鹹鮮十足，各有特色🍲莆田荔枝肉 (Hk$98): 酸甜糖醋十分醒胃，豬肉粉薄香酥、掛汁入味，伴鮮荔枝肉滋味加倍🍗芋泥香酥鴨(Hk$98)：一碟有8大舊非常厚身，入口滿是蓬鬆酥脆🍚白飯(Hk$15)：粒粒白雪雪米飯夠靚仔，均匀中和餸菜的重味🥙黃金荷葉包($76): 兩隻外脆內軟的微甜荷葉包，充滿濃香芝麻味，配上蔥香醬濃的肉絲，夠晒惹味(All subject to 10% service charge)📍莆田Putien銅鑼灣波斯富街99號利舞臺廣場7樓A號舖 (港鐵銅鑼灣站 A 出口)

睇返舖頭既資訊原來4月開始就已經係蟶子最肥美既時間，今年絕不錯過😂食過二、三間莆田佢地既服務都好好，貼心度同禮貌都真係令人好舒服！甫坐下就先有前菜醃蘿蔔同菊花茶，可以再慢慢睇下本菜單（好厚呀！）😂家常豬碲凍$68凍凍地又咸咸地，個感覺幾得意😎黃金荷葉包$38/件（二件起）必點呀😂不論肉絲定個炸刈包都係出色，刈包夠脆夾住醬炒肉絲同洋蔥🧅係絕配黎架！鐵板鹽焗蟶$129最原始既鹽焗方法，可以食返蟶子最原始既鮮甜味！芋香鴨$98係爸爸最喜愛菜式之一😂成碟九成係佢食哂！通常出面芋蓉比例較高，但依到鴨肉比例同芋蓉差不多一比一，所以鴨香會高一點！莆田荔枝肉$98咕嚕肉用荔枝做配搭，成件事矜貴左，荔枝清新香甜，咕嚕肉唔算太肥所以唔會太漏！甜品時間：薄荷枇杷凍$48如果唔喜歡枇杷膏的話可能唔太啱食😅不過我係喜歡枇杷膏的，入口冰涼舒水！蓮子雪耳湯$48清潤之選❤️清心潤肺*設有加一服務費

每次食中菜好容易就諗起小籠包、北京填鴨或者廣東菜，不過食得多會膩。呢間福建菜味道幾合香港人口味，個人覺得有幾道菜要值得推薦。環境：最近裝修完，比以前較走輕奢風，卡位冇再升高，方便左。另外多咗梳化圓枱位，幾comfy前菜：太肚餓忘記左相機食先。雲耳正常，咸酸菜較出色，酸甜適中，爽口蟶子兩食：必試程度2/5椒鹽版本香口又唔會過咸，幾好蒜蓉蒸正常，但有碎殻同少少腥，少失望大白菜燉軟豆腐必試程度：3/5勁香芹菜味，湯頭唔錯帶胡椒味，軟豆腐其實係豆卜，好索湯，成個湯好舒服黃花魚必試程度：3/5主要係性價比高，$38條，又有鮮味而唔腥，幾好黃金荷葉包必試程度4/5呢個介乎叉子燒餅同炸饅頭，唔會好炸又唔會太多澱粉入口，配埋個京醬肉絲好好食酥炒芋心必試程度4/5表面少少焦糖脆皮，裏面軟心嘅芋頭，會食唔停口嘅好食包菜飯必試程度2.5/5似荷葉飯加椰菜，個椰菜唔夾個飯，要食飯嘅都可以叫佢總評:環境闊落雅緻，食物中上，想試非京川滬菜非廣東中菜可以揀呢間

星期五晚上約了2位友人晚餐, 一早BOOK了利舞臺的莆田一試, 其實我都唔太清楚福建菜係食乜, BOOK了7:30, 我地等咗10-15分鐘就有位, 餐廰裝修給人舒服感覺，有VIP房可以容納10多人, 餐具精緻。拿起餐牌, 原來係來自新加坡的福建菜, 店員反應有D慢, 但都很有禮貌, 我地點了5個菜, 全部都係招牌菜。食物價錢合理，期待下次再光臨。 螄蚶原來即係赤貝，用酒調製過好好味，我每次來都一定會叫 類似炒粉條，些"果"即係用糯米捏成粉條，口感彈牙，極舉韌性，又軟又Q好得意! 呢味椒鹽炸豬手真好野味，又係必食之選! 炒豬肝，好肥美香口，但不能吃太多，有D油膩! 有D似叉子燒餅，好香脆!

日前男友o既男友人IN因呢晚會被佢老婆同囡囡飛,所以突然約我o地同另一男友人NT (我唔介意呢個原因,反正佢有好o野介紹俾我o地 )o黎佢已食過兩次o既呢間(佢一次係免費試食,一次係自己再o黎食)食晚飯,其實之前佢都send過啲相俾我o地睇,我睇完後,開頭以為係日本菜,睇吓睇吓又變o左中菜,又睇埋甜品,又似西餐,即係咩?上o黎睇,原來係男友家鄉福建菜.原本係大男孩o既晚飯,無啦啦拉埋我,都o岩o既,我呢個男人婆……好,講返食,我o地四人各自唔同時間到達,最遠o既我竟然第一個到,由於book o左位,而NT一時又話佢太太o黎,然後又話唔o黎,攪到IN加多一個位然後又冇減返,所以侍應留o左張圓枱俾我o地而唔係四人枱或卡位.一坐低,侍應即問我要唔要茶?我點頭示意要,佢就斟俾我,話係菊花茶,好飲的.啊.然後另一位侍應問我,餐前水果*要唔要先上我一份?我答好吖.忙完一輪,我o既餐前水果到o黎.有四款生果:火龍果,西瓜,紅提子同蜜瓜各兩件,呢幾樣生果中,最差o既係蜜瓜,因為佢未夠熟而唔夠腍同甜.食完,飲啖菊花茶,完全冇落糖,啖啖甘香又解渴.仍然等佢o地o既時候,就食啲餐前小食先,有蠶豆,花生同唔