新肥泉海鮮大排檔

Open Now

Now Closed

大排檔是最地道的香港菜有鑊氣，又惹味，又好味😋一班朋友唔知去邊度食飯好，我覺得最好就去大排檔，人多又可以叫多幾款餸！仲可以啤啤佢🍺🍺🍺好多內地嘅朋友，每次來香港都話要食大排檔。佢哋都真係好識食🤣今晚我哋就去咗位於九龍佐敦喺街市上面嘅熟食中心，唔使講食材，一定最新鮮😊店內設有多部，強力風扇、冷風機，所以都算幾涼快！場內氣氛都幾熱鬧，幾開心，非常地道嘅氛圍。喺呢種氛圍下我都忍唔住要叫返支藍妹啤啤佢🤣🍻食物方面我哋叫咗⬇️🐟香辣魚皮🦑黃金魷魚🍤滑蛋炒蝦仁🪿豉油王新鮮鵝腸🍚絲苗白飯必須推介👍🏼👍🏼👍🏼豉油王新鮮鵝腸，呢道菜好精彩，腸夠肥夠爽，配菜炒得好正，個芽菜好食到不得了！香辣魚皮，超好食，又爽又惹味😋黃金魷魚炸得好甘香😋

大排檔鑊氣小菜真係買少見少，位於官涌熟食中心「新肥泉海鮮大排檔」就係好有鑊氣嗰種，一坐低已經可以聽到風爐「逢～逢～」炒餸聲，淨係聽都聽得出鑊氣，成個廚房係開放式，可以睇到晒廚師炒餸嘅工架。我哋QR code落單，睇住師傅由執碼，到廚師落鑊炒，調味再兜均上碟，話咁快就炒咗碟鑊氣小菜嚟到我哋枱面，嘆為觀止。►砂鍋煲 ◉惹味薑蔥魚卜煲 $148上枱時香噴噴，用燒熱瓦煲上菜，熱辣辣滾到「滋滋」聲，火候十足，魚卜新鮮大大件，俾薑蔥蒜爆到好香又惹味，入口爽脆，膠質豐富，仲要有好多件，十分出色。►小菜◉豉油皇新鮮鵝腸 $138鵝腸色水夠，豉油皇味夠濃，用新鮮鵝腸比冰鮮更鮮味，鵝腸唔會好肥，部分帶有少少肥膏，入口爽脆，份量都幾多，有芽菜墊底。►海鮮◉招牌豉椒炒大蜆 $138食大排檔風味一定諗起炒蜆，鑊氣夠，大蜆同蒜蓉豉椒一齊炒，鮮甜惹味，好味到落手食。◉黃金魷魚 $148熱辣辣，聞到好香鹹蛋黃味，食落仲香，鹹蛋黃醬有起沙嘅口感，脆漿炸得鬆脆，魷魚保持鮮味彈牙，又係好有鑊氣，份量十足，好似食咗好多件都仲未食完。►粥粉麵飯◉頭抽乾炒牛河 $98雖知道要炒得一碟好嘅乾炒牛河，好考廚師嘅真功夫，更加需要講求鑊

唔好睇我平時成日去靚靚cafe 靚餐廳其實我係好鍾意食大排檔嘅人🙈大排檔永遠都係好正正🤩🤩🤩今次去左佐敦新肥泉 見有唔少人推介一去到未坐低都已經聽到鑊氣炒餸聲🔥有鑊氣炒餸聲先有大排檔嘅風味💰附上餐牌可供參考❣️黃金魷魚 $138我最愛！係我去大排檔必叫之一！魷魚炸到舊舊好脆口🦑炸粉比例都好正常 唔會feel到重炸粉口感而食落的確係有黃金鹹蛋黃嘅味道🥚❣️菠蘿拔絲咕嚕肉 $98叫咕嚕肉永遠實無死🙌🏼🙌🏼酸酸甜甜！係送飯一流嘅餸菜！啲配菜都俾得好足料有齊曬配咕嚕肉應有嘅配料🫑🍍❣️黑椒薯仔牛柳粒 $128啲牛牛粒粒都嫩口🐄切到個size係一啖一口方便你食薯仔雖然係配角🥔但竟然配角先有驚喜配角薯仔粒粒炸到好爽口可能有落蜜糖嘅緣故 甜甜的🍯中和左炸物嘅油膩感

搭咗兩、三條自動電梯終於到官涌熟食中心沒有光鮮的裝修 但有豪邁的氣氛一張張大圓枱 一碟碟生猛海鮮 同朋友舉杯暢飲 然後食隻白灼海大蝦($168) 大大隻海蝦肉質爽口 咁大隻真係好少見飲啤酒一定唔少得佐酒菜椒鹽軟殼蟹($130)係必必必點炸漿厚薄適中 非常香脆食落仲有啖啖蟹肉 嗰種椒鹽味非常惹味出奇地沒有油膩感 食完一件可以keep住食第二、三件都唔Heavy令人食唔停口嘅仲有黃金魷魚($138)炸皮一樣的香脆 魷魚香軟一啲都唔韌 仲有陣陣嘅鹹蛋香味 簡直垂涎欲滴豉椒炒大蜆($138)調味唔錯不過蜆肉沒有期望中的大粒另外個韭黃瑤柱羹($128)落好足料除了說好了的韭黃和瑤柱之外還有大量的肉絲和叉燒頭抽乾炒牛河($88)超級大碟不過河粉比較乾身

黃金魷魚($138)，份量都幾多件，鹹蛋黃炒到起沙包住晒每片魷魚，鹹香味濃郁，而且外層炸粉酥脆，魷魚口感半爽半煙韌，好正。避風塘軟殼蟹($168)，大約有八件，同樣炸得香口酥脆，外脆內軟，帶少少辣。泰式炸墨魚餅($128)，共八件，每件都算幾大，墨魚新鮮，食落有彈牙口感，外層酥脆，配泰式辣醬簡直係絕配。頭抽乾炒牛河($88)，份量足夠兩個人或以上食，大排檔既鑊氣就係與別不同，炒出黎唔會太油或太乾，而且炒得好平均，每條河粉都沾有頭抽，牛肉軟淋好入味。

有位朋友來到香港旅遊，陪佢到處遊覽完問佢今晚宵夜想食什麽，佢話想試吓大排檔風味同鑊氣，噤啱想起之前有位朋友介紹呢間俾我試，就帶呢位來港遊既朋友上去一齊試吓，由於大家都食飽飯，所以只叫左兩款佐酒小菜：黃金魷魚、椒鹽三文魚頭腩，一邊吹水一邊送酒，另外我朋友見到大排檔居然有酒家既高檔餸菜，所以佢叫左個鮑魚扣鵝掌試吓同酒家有冇得比黃金魷魚：外脆內嫩，爽囗彈牙椒鹽三文魚頭腩：色澤金黃，外脆肉嫩，椒鹽惹味可囗，送酒一流鮑魚扣鵝掌：鮑魚好鮮甜，鵝掌好腍好入味，估唔到大排檔都有酒家水準我和朋友食完都覺得正，下次有機會要再試多d嘢

成日都覺得與其去海鮮檔、得個樣既餐廳俾人劏，不如去食d一分錢遠比一分貨嘅正野！所以今晚去左新肥泉，1圍人去食，10個菜落肚，10個又飽又滿足的肚～😋😋😋 講返幾個認為必點嘅餸先，一定要like返條古法蒸芝麻巨斑🐟✅✅✅✅✅，望住條去飲都未必有咁大條嘅芝麻斑上面有陳皮、肉絲、蔥，同平時淨係得薑蔥豉油明顯唔平，食落有淡淡陳支味，同魚本身既味超夾，肉質味道都好好，有機會黎食一定要嗌！👍🏻黃金鮮魷🦑✅✅✅✅✅好香好香好香咸蛋味，作為咸蛋之友完全比佢震撼到，咸蛋味+脆口外皮+魷魚鮮味，呢個組口完全俘虜左我個心同胃，咸蛋友必食！🤤🤤🤤 椒鹽賴尿蝦🦐✅✅✅✅✅又一個上乘之選！同隻碟一樣長，仲要隻隻都有羔，椒鹽味香口惹味，好食到連殼都想食埋，係我最想encore既菜式之一~ 拔絲蝦球🦐✅✅✅✅✅有d似咕嚕汁味，但更好食。蝦肉爽，大粒，仲點係一碟好多粒，抵食又好食！ 其他我地食左既仲有豉椒炒大蜆、京蔥牛柏葉、蝦醬通菜、招牌辣子雞、辣酒東風螺、枝竹羊腩煲，仲有個有芝麻醬既炸茄子(唔記得叫咩名，但好好食)，全部都食到我地lum lum脷，海鮮大碟新鮮，炸野香口足料，全部有獲氣有份量，係會回頭同值得拉隊食既大