Video
Read full review
2023-04-24
142 views
大排檔鑊氣小菜真係買少見少，位於官涌熟食中心「新肥泉海鮮大排檔」就係好有鑊氣嗰種，一坐低已經可以聽到風爐「逢～逢～」炒餸聲，淨係聽都聽得出鑊氣，成個廚房係開放式，可以睇到晒廚師炒餸嘅工架。我哋QR code落單，睇住師傅由執碼，到廚師落鑊炒，調味再兜均上碟，話咁快就炒咗碟鑊氣小菜嚟到我哋枱面，嘆為觀止。►砂鍋煲 ◉惹味薑蔥魚卜煲 $148上枱時香噴噴，用燒熱瓦煲上菜，熱辣辣滾到「滋滋」聲，火候十足，魚卜新鮮大大件，俾薑蔥蒜爆到好香又惹味，入口爽脆，膠質豐富，仲要有好多件，十分出色。►小菜◉豉油皇新鮮鵝腸 $138鵝腸色水夠，豉油皇味夠濃，用新鮮鵝腸比冰鮮更鮮味，鵝腸唔會好肥，部分帶有少少肥膏，入口爽脆，份量都幾多，有芽菜墊底。►海鮮◉招牌豉椒炒大蜆 $138食大排檔風味一定諗起炒蜆，鑊氣夠，大蜆同蒜蓉豉椒一齊炒，鮮甜惹味，好味到落手食。◉黃金魷魚 $148熱辣辣，聞到好香鹹蛋黃味，食落仲香，鹹蛋黃醬有起沙嘅口感，脆漿炸得鬆脆，魷魚保持鮮味彈牙，又係好有鑊氣，份量十足，好似食咗好多件都仲未食完。►粥粉麵飯◉頭抽乾炒牛河 $98雖知道要炒得一碟好嘅乾炒牛河，好考廚師嘅真功夫，更加需要講求鑊
我哋QR code落單，睇住師傅由執碼，到廚師落鑊炒，調味再兜均上碟，話咁快就炒咗碟鑊氣小菜嚟到我哋枱面，嘆為觀止。
惹味薑蔥魚卜煲
11 views
0 likes
0 comments
►砂鍋煲
◉惹味薑蔥魚卜煲 $148
上枱時香噴噴，用燒熱瓦煲上菜，熱辣辣滾到「滋滋」聲，火候十足，魚卜新鮮大大件，俾薑蔥蒜爆到好香又惹味，入口爽脆，膠質豐富，仲要有好多件，十分出色。
豉油皇新鮮鵝腸
21 views
0 likes
0 comments
►小菜◉豉油皇新鮮鵝腸 $138
鵝腸色水夠，豉油皇味夠濃，用新鮮鵝腸比冰鮮更鮮味，鵝腸唔會好肥，部分帶有少少肥膏，入口爽脆，份量都幾多，有芽菜墊底。
招牌豉椒炒大蜆
43 views
0 likes
0 comments
►海鮮
◉招牌豉椒炒大蜆 $138
食大排檔風味一定諗起炒蜆，鑊氣夠，大蜆同蒜蓉豉椒一齊炒，鮮甜惹味，好味到落手食。
黃金魷魚
20 views
0 likes
0 comments
◉黃金魷魚 $148
熱辣辣，聞到好香鹹蛋黃味，食落仲香，鹹蛋黃醬有起沙嘅口感，脆漿炸得鬆脆，魷魚保持鮮味彈牙，又係好有鑊氣，份量十足，好似食咗好多件都仲未食完。
頭抽乾炒牛河
10 views
0 likes
0 comments
►粥粉麵飯
◉頭抽乾炒牛河 $98
雖知道要炒得一碟好嘅乾炒牛河，好考廚師嘅真功夫，更加需要講求鑊氣。上枱時河粉仲冒煙，牛肉大片醃料入味，爆得焦香，入口夠腍有嚼勁。
頭抽味香濃，兜得均勻，河粉炒得乾身分明，透薄煙韌，加埋芽菜、韭黃、蔥炒得爽口，灑上芝麻更香，食到最後碟底都唔會有多餘嘅油份。
►酒水
◉黃老吉 $18
◉芬達橙汁 (樽裝) $10
有加一收費，今餐真正鑊氣十足，全部都煮得夠味，但又唔會話好鹹，調味適中，而且樣樣份量大，食到好飽都仲有得打包走。
#新肥泉海鮮大排檔
地址：佐敦寶靈街17號官涌市政大廈2樓熟食中心
Post
