星嵐

Open Now

Now Closed

呢間炸豬排已經回訪2次，雖然位置唔係熱門商區，但隔段時間都會心掛掛呢個滑蛋豬排飯而特登回訪，推薦比鍾意日式炸豬排嘅朋友！📍 星嵐 (天后)天后清風街1A-1B號美城花園大廈地下KL-3號舖🤤黃金黑豚豬扒pan丼 奉送麵豉湯、前菜、飯素配米飯呢個pan丼同普通炸豬扒飯唔同嘅地方係，餐廳用一個小煎pan煎滑蛋，再講炸好嘅炸豬排放係上面。所以炸豬扒嘅肉質可以完美流曬落雞蛋度，雞蛋送白飯只係非常好食。炸豬排係酥炸，同濕潤嘅雞蛋擺耐左後炸皮會有啲分離，但係可以吸曬底下嘅肉汁，所以口感依然非常唔錯！豬排好大塊，切開都有7-8件，每件都非常易咬開，係偏軟身嘅豬排！而且一個套餐唔洗100蚊埋單，呢個質素性價比極高！好食指數💗💗💗💗💕性價比指數💗💗💗💗💗回頭指數💗💗💗💗💗推薦指數💗💗💗💗💗

好耐冇食吉豬啦🤪自從上次去完日本返嚟都冇食過😂史努比早兩日就去咗天后呢間小店食佢哋嘅signature滑蛋吉豬(其實佢哋個名唔系咁🤣)之前仲同位foodie喺度傾吉豬點解炸完脆卜卜要加蛋同汁整返淋佢🤔起初史努比都唔知 嗰日問咗店家再加埋做咗少少research之後~先知原來系褔岡嘅正宗食法😳褔岡嘅吉豬會將豬扒同飯分開用pan裝住吉豬 淋上兩款唔同嘅蛋 並且喺一個半生熟嘅狀態就會上碟比客人用煎pan分開上系為咗令食飯嘅時候可以多汁之如唔會淋住啲飯搞到太濕太淋🤭食嘅時候自己倒汁 口感比較濕潤~而呢間就系採用褔岡正宗吉列豬扒嘅做法 做煎pan嚟上🤪👍🏿招牌黃金黑豚豬扒pan丼 $98如頭先史努比所講 豬扒同飯分開上待煎pan上嘅蛋熟得七七八八嘅時候就可以全部倒喺飯上面~份量都幾足🥰一個女仔未必食得晒用咗隻都幾靚嘅日本米 而且預水量同煲飯時間都啱啱好軟身得嚟唔會淋bla bla~依然帶少少嚼勁😚吉列豬扒雖然犧牲咗佢原本卜卜聲嘅脆皮但索咗蛋漿同汁水之後好入味 撈飯一流🤪豬扒唔會切得太薄雖然唔算好鬆軟但肉質唔乾唔柴 而且某部分其實都仲帶微微嘅香脆😆配搭蛋漿同甜甜地嘅汁水 以及入晒味嘅洋蔥同菇菌簡直

世界好公平，如果人人都可以心想事成，會天下大亂，現實係要有失敗者，先可以襯托到成功者。如果唔甘於現在，由今日起，將自己好似粒星咁，向住目標進發，最後都會閃閃發光。👇🏻📌鍋 物 推 介 - ▪️ 星 嵐 飛 鳥 鍋  配 牛 乳 湯 底 - $118▫️ 你驕傲的飛遠，我棲息的葉片。下一個「星嵐飛鳥鍋配牛乳湯底」用牛乳湯做base，入口滑溜香甜，當中配菜用雞肉、冬菇、娃娃菜、日式蒟蒻、紅蘿蔔、金菇、鳴門卷、粉絲，份量十足；一樣附送珍珠米飯、日式麵豉湯、漬物，staff提醒食到最後可以倒埋旁邊既牛乳，相當滿足。📌每 日 限 定 -▪️ 黃 金 黑 豚 豬 扒 PAN 丼 - $98▫️ 黎得呢到一定必試「黃金黑豚豬扒PAN丼」，佢地滑蛋用日本蛋，以福崗製法，將蛋同埋汁底達到黃金比例，所以賣相係超級靚仔，食落蛋味濃香惹味；而黑豚豬扒炸得相當出色，外層脆卜卜，肉質爽嫩，撈埋洋蔥同埋香菇，相當高質；每個丼飯附送日式麵豉湯、漬物，不過每日賣完即止，先到先得呀。📌小 食 -▪️ 芝  麻 雞 翼 - $28▫️ 想搵野送下酒？可以嗌返個小食「芝麻雞翼」，即叫即炸，雖然要d時間，但值得既，一上枱熱辣辣，外皮夠哂香

一走入呢間小店覺得最得意就係佢牆上嘅壁畫🎨 一隻隻雞仔煮出佢嘅招牌丼飯好搞笑🐣 小店親民但係選擇不算多 但係幾款丼飯都烹調的非常出色🍱 係街坊既午餐選擇🌤️⭐️ 黃金黑豚豬扒PAN丼 🐷炸好嘅大大塊黑豚豬扒放在PAN上面🍘配上蛋汁同洋蔥🧅淋到飯粒裡面每一粒都飽滿蛋汁既香🍳 黑豚豬扒炸得香脆但保持肉汁嘅感覺👍🏻⭐️ 親子丼 🥚係我最鍾意嘅Comfort Food之一💞 比起豬扒 雞肉同蛋加埋就冇咁濃味🍗 但係滑蛋真係好滑而且日本蛋充滿蛋香💛⭐️ 芝麻雞翼 🐔炸得香口充滿芝麻香但係唔會太油膩好出色😽

天后有一間新店，主打丼飯，亦有壽喜燒、壽喜煱，小店鋪裝修日系，以木色為主，連餐牌都係木造，好精美。◇ 黃金黑豚豬扒PAN丼 𝘒𝘢𝘵𝘴𝘶𝘥𝘰𝘯 (𝘑𝘢𝘱𝘢𝘯𝘦𝘴𝘦 𝘐𝘣𝘦𝘳𝘪𝘤𝘰 𝘗𝘰𝘳𝘬 𝘊𝘶𝘵𝘭𝘦𝘵 𝘢𝘯𝘥 𝘌𝘨𝘨 𝘙𝘪𝘤𝘦)吉列豬扒表面脆口內裏嫩滑，加入滑蛋同洋蔥汁煮，味道清甜，獨立放在煎Pan ，食時將全部倒落碗飯攪混，令飯都超級香口，小編覺得超級正，這個招牌定食必試◇ 原條日本蒲燒鰻魚定食 𝘑𝘢𝘱𝘢𝘯𝘦𝘴𝘦 𝘒𝘢𝘣𝘢𝘺𝘢𝘬𝘪 𝘞𝘩𝘰𝘭𝘦 𝘌𝘦𝘭 𝘸𝘪𝘵𝘩 𝘙𝘪𝘤𝘦見到成條鰻魚上碟，好有氣勢，鰻魚燒得好香口，用嘅醬汁帶少少甜，好似 BBQ醬，超級好味，魚肉唔腥無骨，魚皮微焦，定食有包麱豉湯同豆腐前菜，每日數量限定，真係要早啲嚟試吓

#搞串個pantry 就算去到夏天🍉，都會好掛住日式鍋物🥘。今次我哋就去到一間位於 #天后 嘅 #日本菜 🇯🇵餐廳，試下新店之餘，仲過下食鍋物嘅癮😍。舖頭用咗木系裝修，好有日本感覺，連餐牌封面都係木添🪵。🍳黃金黑豚豬扒PAN丼($98)舖頭主打福岡風🇯🇵嘅滑蛋丼飯，最正係滑蛋好多汁，由煎pan仔🍳倒曬蛋漿落去，撈埋飯食🍚，好邪惡，好正🤤！豬扒🐷入面唔會老，肉質嫩滑，幾好😙。配菜嘅葱花麻醬豆腐都夠嫩滑💕。🐟日本石狩鍋($128)用咗大大個半邊三文魚頭🎣，表面魚皮煎到香脆，入面魚肉夠嫩😋，而且好濃油脂香味，所以鍋嘅魚湯夠鮮甜、好濃郁，鍋入面嘅配料夠入味，好食🤤。🧀日本芝士年糕($36)外層係薄薄嘅酥脆炸皮，入面夠軟腍🍮、亦都有咬口🫦，芝士味夠，而且唔會太膩，幾正😋。🐥芝麻雞翼($28)外皮炸得夠酥脆🍗，食得出除咗椒鹽調味🧂，仲有辣辣哋🌶️嘅香味，點埋調味嘅糖🍬，甜味令到味道更加立體，鮮味突出，幾好食🤤。🥃吟香梅 般若刀 辣梅酒($68)一飲落去有好香甜嘅梅味🌸，但係吞咗之後嘅後勁好強烈😛，喉嚨即刻感受到辣椒🌶️嘅衝擊。以日本酒嚟講，係好特別嘅辛口感覺😆！而且下一啖再食其他嘢食，仲會有辣椒嘅餘韻