博多一幸舍 (Closed)

近來忙到傻左，一定要食好西。//幸好有朋友和我深有同感，所以就算佢好忙都很快約在銅鑼灣食個簡單的拉麵。到了登龍街，剛好見到這間平時幾多人排隊的店有位，就去一試。//這家和很多拉麵店一樣，都可自選麵軟硬度，配料份量等。//我點了黑拉麵，一上桌時黑色的湯和較淺色的义燒成了強烈的對比。湯頭算夠味，但好像不太掛湯。义燒有點薄，蔥有點少，整體只屬一般。//朋友特意點了特硬麵質，這店真的做到剛熟而有咬口，如喜歡食硬身麵的，可能這店能符合你口味。//不過只能說銅鑼灣拉麵店太多，如不太突出，可能會比下去喲，但不用排隊可能都是好事。 //

閒日放假食飯唔使迫，又逛去登龍街，短短一條街有四間拉麵店，呢間無試過，今日來試下！店內外用鮮紅色木條裝飾幾特別！店內淺木色桌子，加鮮紅色好搶眼！地方光猛乾淨！自己攞張點餐紙落單，幾款拉麵加小食！餐紙已經比客人揀晒麵硬度，落唔落蔥嘅選擇！好方便！我點好交比店員！拉麵好快上枱！黑拉麵（加溏心蛋）：黑芝麻蒜油味，黑媽媽賣相可能唔靚，不過湯底好香濃，好滑溜！夠味唔會好咸！而且夠熱，拉麵我揀普通硬度，雖然唔彈牙，不過掛湯能力高，配料有青蔥、芽菜、叉燒，青蔥幼細好香，叉燒比較瘦，不過夠薄唔柴皮，芽菜爽口！加$12要溏心蛋，原隻放湯，浸咗一陣都仲係微凍，咬開少許見內部好流心，蛋白好滑，正！我成配食晒（不過無本事飲晒啲湯）桌面其實好多調味料，好似生蒜、醬菜咁，不過我想試咗原味先，所以唔落！店員有禮，有小心湯熱嘅溫馨提示，好笑係我剛買完嘢入店，手上仲攞住張信用卡，店員見到都提醒我呢店唔收信用卡！我講出來我未袋好啫！出入所有店員都會大聲打招呼，傳統日式拉麵店作風！

星期六晚上八時多的登龍街頗爲熱鬧，整條街的人都在找食的。可能因為新日式拉麵店三田製麵所在登龍街登陸，引來長長的人龍，整條街頓時顯得格外擠擁。眼見博多一幸舍剛好沒有人在排隊，兩隻餓鬼在打鼓聲驅動下二話不說急步走到門前，立即就被安排位置。顏色鮮艷的東西永遠特別吸睛，餓鬼用秒速選定一紅一黑的拉麵。紅拉麵 (明太子海鮮味) ($78) - 湯夠濃，帶微辣，明太子味道不算突出，有三片薄薄圓形叉燒，湯的鹽份油份跟麵的硬度皆可選擇。糖心蛋(+$12)是白色的，內裡的蛋黃雖有少部份已熟，但整體口感幼滑，鹹度適中，好吃。黑拉麵 (黑芝麻炸蒜油味) ($78) - 一開始先嘗到的是蒜味，然後才會察覺到有芝麻味。湯底一樣夠濃，完全不喜歡辣，又想在傳統豬骨湯底以外尋找選擇的，可以試試這款。

對上一次光顧已經過了好一段時間. 當時那濃厚豚骨拉麵湯底, 雖然個人覺得粘度有點太過火, 但算是給了我很深刻的印象. 這次點的是黑拉麵(黑芝麻炸蒜油味). 如果就以這碗麵本身而言, 只要HK$78, 本來應該給店家一個正評. 不過對於考究細節的日本, 在麵以外的問題確實需要扣分.問題來了, 印象中黑拉麵該附三片叉燒. 點菜紙上的照片, 也確實是放了三片叉燒. 到底是師傅粗心大意, 還是成本問題需要省下一片叉燒呢?第二個問題在調味盤上. 店內還有按鈕醬油樽的使用說明, 但實際上店內的醬油樽都換成這個了. 換成這種醬油樽也許不是甚麼大問題, 不過要是照顧客人的話, 最少該換走按鈕醬油樽的使用說明.同樣的問題也出現在蒜蓉上. 店內明明有蒜蓉夾的使用說明, 但實際上店內只放了壓好的蒜蓉. 老問題, 要是照顧客人的話, 最少該換走蒜蓉夾的使用說明. 還好蒜蓉在製作時有合適的處理, 沒有變色, 不然就得給個負評了.

講到飲食，其實香港人都幾幸福，唔單只晌香港搵到唔同國家、唔同地區嘅美食，仲有唔少外國知名嘅餐到香港開業，好似晌日本博多地區非常有名氣嘅三大博多拉麵：一風堂、一蘭、一幸舍，都相繼晌度開店，唔使越洋跑到博多老遠，也能夠一嚐佢哋嘅手勢 ，唔好話對拉麵迷，就算對一般食客，都喺個好消息啦。一風堂早前試過，一蘭太多人最怕排隊，有10年歷史嘅一幸舍都要試吓啦 。鮮紅色嘅門面，幾搶眼，一室木枱木櫈，牆身紅白配襯，令人感覺幾醒目。此外，一側牆上掛有木刻嘅菜牌，另一側就掛有博多一幸舍在世界各地進註嘅大地圖，數一數，原來以亞洲計都已經有超過20間 。點菜紙有中文及日文版，字大清楚。上截喺點拉麵，一共有5款味道，分別喺：博多濃厚豚骨拉麵、博多新清豚骨拉麵、黑拉麵、紅拉麵及神炎辛辣豚骨拉麵，湯底、麵嘅軟硬度都可按個人喜好而選擇，此外，一啲拉麵配料如：叉燒、溏心蛋、溫泉蛋、木耳絲、筍乾……等等，都可以額外加錢多要；至於點菜紙下截，仲有小食、飯類、飲品供應。 博多一口餃子 $30 一客餃子有5隻，煎得個底幾甘香，又唔太油，咬落挺脆口，菜肉餡料幾鮮甜，不過，肉汁唔多，啲餃皮夠薄，但感覺偏腍。配上帶微酸嘅餃子

收工好想食好嘢，同同事去銅鑼灣試新拉麵，今次去登龍街食博多一幸舍食個博多拉麵。博多一幸舍在福岡有多間分店，湯底時豚骨湯底，我點了黑拉麵(黑芝麻炸蒜油味)$78，朋友點了紅拉麵(明太子海鮮味)$78，再點了炸雞$30及餃子$30作小食。黑拉麵，油底好油，食不出蒜油味又食不出豚骨味，不是我杯茶，叉燒瘦，又不是我口味。偷飲了同事紅拉麵的湯底，好味些，但都是偏油及沒有明太子的鮮味味道，同事說麻麻。反而炸雞比較好，炸得夠脆香口，至於餃子，屬普通之作，size細，與超市買的無異。如要比較，對面的豚王好好多!

已很久沒有寫食評的我 有幸得到Open Rice的邀請 與各食神再度碰面"博多一幸舍" - 登龍街上一個不可錯過的搶眼招牌 然而 這個招牌卻不是虛有其表的拉麵小店充滿日本風情 店員有著日本人親切熱誠的服務態度經過店員細心解釋 我選了黑芝麻炸蒜油拉麵加糖心蛋一碗濃濃的豬骨湯底原來是用了一公斤豬骨敖成的湯裡面的骨膠原令湯涼了後結成一層膠狀的表層拉麵的硬度適中 湯也沒有油膩的感覺黑芝麻和炸蒜油的點綴令豬骨湯更出色小吃方面 個人比較喜歡一口餃子和薯仔沙律餃子皮薄 肉餡不太鹹 煎得剛剛好薯仔沙律味道很有層次 與明太子的味道配合得十分好

銅鑼灣拉麵戰情持續激烈，最新出馬的是「博多一幸舍」。香港人愛日本拉麵名牌，這方面博多一幸舍絕不失禮，2004年於博多創辦，現於當地有6間店，京都拉麵小路有一間，另有三家沾麵店，在日本的評價不錯，在tabelog的分數與同地區出身的一蘭不相伯仲，在香港的博多系拉麵中，名氣僅次一蘭及一風堂。海外方面新加坡及印尼各有兩店，在新加坡的 Ramen Champion 更曾獲得全場冠軍，門口就是播放著得獎片段。最新是去年8月在台灣新竹縣竹北市開店。其實博多一幸舍前年曾在佐敦 Ramen Champion 開業，不過因為那裡的環境設備無法滿足日本方面要求，租約未滿已經主動撤走，可見此店對水準的要求，還有香港 Ramen Champion 的不濟。這天得到某飲食雜誌的邀請，在開業前率先試食。銅鑼灣登龍街的門面十分搶眼，在下因為於附近工作所以早有留意，早幾天路過見到記者拍照及三線明星姐仔在試吃，也知道 OpenRice 有辦公開試食活動抽選會員參加。看來公關宣傳方面下了不少功夫。這裡本身是舞心拉麵舊址，對面就是人氣的豚王拉麵，尚記得當年舞心不算很差，但因為對面人氣太盛而敗走，今次博多一幸舍選取同一店舖開

未開張已經有機會可以試到博多一幸舍的菜式，真係好開心。店舖係登龍街，夠晒就腳，好方便。店內環境乾淨，夠光猛, 坐得幾舒服。呢間日本拉麵店2004年係日本開業，到依家已經有十年歷史。店內亦有兩位由日本過來的師傅主理食物!佢地一碗湯為用一斤豬骨熬製，所以湯底夠晒濃，夠晒骨膠原, 飲落粘口! 我揀左黑拉麵, 略嫌蒜味唔夠香濃, 但枱上備有香蒜可以自己加上! 义燒係選用豚肩位, 所以唔會太肥膩, 薄薄一片, 食落好腍! 糖心蛋有小小過熟, 可能因為我浸得太耐! 拉麵是幼身的, 軟硬適中! 但可能冷氣太大關係, 碗麵好快就凍晒, 所以要快啲食! 雞塊炸得好脆好香, 雞肉依然嫩滑多汁, 雖然係炸, 但食落一啲都唔油膩!一口餃子, 一口一個, 食落好方便! 餃子外皮煎得好香脆, 內裡餡料有菜同肉, 肉鮮多汁!炒飯, 飯炒得夠乾身, 飯香十足! 但味道偏鹹, 如果無咁鹹就prefect!薯仔沙律, 加有明太子, 鮮甜好味! 薯仔好腍,食落唔會有硬身一粒粒, 有啲蛋粒, 蛋味好香 !這間店好有心, 用餐後主廚都親身跟我們了解食物是否岩口味, 有沒有可以改進的地方!!