博多一幸舍 (Closed)

閒日放假食飯唔使迫，又逛去登龍街，短短一條街有四間拉麵店，呢間無試過，今日來試下！店內外用鮮紅色木條裝飾幾特別！店內淺木色桌子，加鮮紅色好搶眼！地方光猛乾淨！自己攞張點餐紙落單，幾款拉麵加小食！餐紙已經比客人揀晒麵硬度，落唔落蔥嘅選擇！好方便！我點好交比店員！拉麵好快上枱！黑拉麵（加溏心蛋）：黑芝麻蒜油味，黑媽媽賣相可能唔靚，不過湯底好香濃，好滑溜！夠味唔會好咸！而且夠熱，拉麵我揀普通硬度，雖然唔彈牙，不過掛湯能力高，配料有青蔥、芽菜、叉燒，青蔥幼細好香，叉燒比較瘦，不過夠薄唔柴皮，芽菜爽口！加$12要溏心蛋，原隻放湯，浸咗一陣都仲係微凍，咬開少許見內部好流心，蛋白好滑，正！我成配食晒（不過無本事飲晒啲湯）桌面其實好多調味料，好似生蒜、醬菜咁，不過我想試咗原味先，所以唔落！店員有禮，有小心湯熱嘅溫馨提示，好笑係我剛買完嘢入店，手上仲攞住張信用卡，店員見到都提醒我呢店唔收信用卡！我講出來我未袋好啫！出入所有店員都會大聲打招呼，傳統日式拉麵店作風！