盈福小廚 (Closed)

店員拎黎嘅時候，有好多瑤柱絲鋪面，非常足料，肉質亦嫩滑。 但瑤柱味未能完全滲入雞中，濃味一啲會更好。店鋪亦有兩款自制嘅醬，一個係青蔥薑茸，另一個係酸酸甜甜嘅辣醬。有雞當然要有魚，賣相比較普通，真係只有西蘭花同班球，但班球肉質新鮮鬆軟，不易散開，而且醃得入味。唯獨略嫌份量較少，相比之下，價錢較為貴！果然無令我失望 賣相精緻，有黃紅椒做點綴，令其顏色豐富。而且黑松露香氣撲鼻，平均沾上所有食物，份量亦控制得宜，無搶去帶子同蝦球嘅鮮味。帶子肉嫩又滑，蝦球大大粒之餘，仲非常爽口彈牙！係我今次最中意嘅菜色

今日心血來潮想去食中菜，問問朋友，就介紹左銅鑼灣嘅盈福小廚比我。收工之後過去，大約7:30入面已經好多人，由於無預先留位，唯有係出面等等。因為只係兩個人食，好在都只係等20分鐘左右就入得。不過入面唔係話好大，無預先留位就要等得比較耐喇！周圍望下睇下啲人叫咩食喇，見到差唔多每一枱都有叫雞， 而店員都又極力推介，所以都叫左半隻試下。當初以為半隻份量會好少，但原來都足夠兩個人食。雞嘅肉質鮮甜嫩滑，瑤柱足料，砌碎鋪面，的確係好吸引可惜係瑤柱味未能滲入雞肉之中，唔夠濃郁。店員就拎到黎時，已經聞到黑松露氣味，實左令人流哂口水而帶子同蝦球各有四大隻，底部就放滿西蘭花。帶子蝦球新鮮爽口，每食一口，都可以都充滿黑松露味，呢個值得一讚但份量的確較為少！最可惜係豬肺湯杏汁燉白肺一早售罄，原來係需要預訂，希望下一次黎有機會試到。

一碗豬肺湯勾起我一段一段美好的童年回憶, 每次喝此湯都必定想起老爸, 是一份情意結。它是老爸拿手湯品, 小時候站在廚房門口看着老爸用盡九牛二虎之力不停為巨大的豬肺“啤”水清洗, 無求令豬肺由灰紅色變成潔白色, 而他的衣服則由白色變成透明……每呷一口鮮甜的湯水, 既滋潤身心, 亦甜在心。不過, 隨着他年紀老邁, 已再沒有喝過了! 老實說, 在任何餐店也不能喝到此味道, 但都希望遇到有質素之作帶老爸一試。門面以灰石牆身配近乎落地的大型門窗, 金光的招牌高高掛在店子中央, 一邊掛了店子的招牌菜相片, 另一邊亦掛上一塊塊雕刻了菜名的木牌, 外觀感覺傳統而平實。內裏裝潢骨子幽雅, 古色古香得來亦帶點摩登時尚感, 有別於一般的中式餐店。泥灰磚的牆身掛了一幅幅黑白的昔日照片, 亦掛上一排雕刻了菜名的木牌, 還有多盞設計獨特的古典吊燈。店子地方寬敞, 設有數張二至四人卡座, 給客人有更多私人空間, 還有數張大圓枱, 最適合與一大班親戚朋友來餐聚, 枱與枱之間有一定的距離, 感覺舒適自在, 相信我和老爸今晚能好好享受這頓晚餐。馬上細閱那本設計精美且耀眼的餐簿, 圖文並茂, 清晰吸引, 色彩繽紛的大張菜式