盈福小廚 (Closed)

今日心血來潮想去食中菜，問問朋友，就介紹左銅鑼灣嘅盈福小廚比我。收工之後過去，大約7:30入面已經好多人，由於無預先留位，唯有係出面等等。因為只係兩個人食，好在都只係等20分鐘左右就入得。不過入面唔係話好大，無預先留位就要等得比較耐喇！周圍望下睇下啲人叫咩食喇，見到差唔多每一枱都有叫雞， 而店員都又極力推介，所以都叫左半隻試下。當初以為半隻份量會好少，但原來都足夠兩個人食。雞嘅肉質鮮甜嫩滑，瑤柱足料，砌碎鋪面，的確係好吸引可惜係瑤柱味未能滲入雞肉之中，唔夠濃郁。店員就拎到黎時，已經聞到黑松露氣味，實左令人流哂口水而帶子同蝦球各有四大隻，底部就放滿西蘭花。帶子蝦球新鮮爽口，每食一口，都可以都充滿黑松露味，呢個值得一讚但份量的確較為少！最可惜係豬肺湯杏汁燉白肺一早售罄，原來係需要預訂，希望下一次黎有機會試到。