金田家

Open Now

Now Closed

星期日下午同老公出左銅鑼灣覓食，去左金田家，老公之前食過話幾好食，所以再去。我地叫左個至尊拉麵同黑松露溫泉蛋拉麵，先講至尊拉麵，麵質ok，湯清清地唔太傑"，夠味既，豚肉亦不錯黑松露拉麵我地叫左佢分開黎上，因為我想試下無黑松露的湯底 ☺️ btw 加左黑松露係好食既！但因為個麵一黎到我地就知唔夠食，所以即刻嗌加麵，可是最後個麵食曬，餃子都食埋，湯底亦等到凍埋，追加既個個麵都未到😔 可能因為多客啦，好彩既係職員後尾都肯free 個湯比我地 😇 餃子...普普通通係等緊野食無野做個陣，見到枱頭有張叫客人留意見既紙，諗住去留下啦，點知原來個QR code 係 scan 唔到既！真係有待改善呀！

自細已經好唔鍾意去飲茶要等嗌位，但細個冇得揀，大個左，好自然會去一啲可以訂位或唔使排的食肆，但近年香港唔知搞乜鬼，食個豆腐花要排，拮串魚蛋又要排，至於日本拉麵，更有人話過唔使排的，比你都唔好食！真的嗎？銅鑼灣登龍街，有好多日本拉麵店，有啲真係任何時間去都要排，但係咪代表條龍最長果間一定最好食？ I don't think so!! 呢間金田家，我食左好多次，每次都唔使排，但每次我都好滿意！今次試左佢今期限定，黑松露拉麵，本來都以為只是啅頭嘢，但原來黑松露混和入個湯度，係會好香的！我今次真係飲埋個湯架！講翻個麵，呢度可以比你選擇麵的硬度，我自己就偏向較硬的麵質！呢度的溏心蛋同出面有少少唔同，成隻上，冇開邊，我自己就喜歡咬一個細窿，再灌啲湯入去，蛋黃加上熱湯，一啜，爽！呢度個替玉亦看出店家對麵質的堅持同誠意，替玉，即係我地叫開的加底，佢個碗咁大，其實要加底，大可以一次過上，大大碗，贏左賣相先啦！但金田家係堅持分開上，仲要係等你原來碗麵食到咁上下，店員會主動問你個麵可以上未，仲會問埋今次仍然選擇較硬的麵？替玉要後上，不是懶有service 的 gimmick, 而是當一碗比正常份量多的麵全部

銅鑼灣的登龍街是我心目中的拉麵街，短短的一條街也有五間拉麵店，要濃湯要沾麵，各式其適，只要一想到來一客熱辣辣拉麵，雙腿就好似自動波的行到這裡！朋友說金田家正舉行鬥快吃拉麵的比賽，我食飯食麵一向都不屬於快，加上拉麵是熱食，溫度高達80度，實在難以想像如何倒下肚子裡的境況！不過正因為這是付費的比賽，沒有吃得快就不用付費的規則，所以我也樂於陪朋友一起玩，他參賽我嘆拉麵，得啖笑啦！我想食每日限量20碗的黑松露拉麵，所以我們一早就去等位啦！我亦如願以償叫到自己喜歡的拉麵！正！小店只賣六款拉麵及幾款小食，拉麵定價由 78元起跳，最貴的近百元～本來我也打算破全場最慢的紀錄，但發現戴著拳套，完全是控制不到筷子，結果拉麵未到已投降放棄了！好了！說回我選的黑松露拉麵，黑松露份量是挺多的，所以一上枱就聞到超香的松露香！救命呀！放著超多的配料，如紫菜，蔥，木耳等，感覺也豐盛的～叉燒薄身偏瘦，入口不會好”柴皮”，油脂比例平均，入口有淡淡的豬燥味，不過得三塊有點唔夠喉！麵身係用幼身直麵，估不到掛湯能力幾好，每一口都混合了豬骨湯及松露的香味，而且我揀了超硬麵質，麵質入口質感煙韌，都幾合心水！我下次不是參賽都會點超硬

我地今日試左每日限量推出的黑松露拉麵 ($108),食得出麵入面加上D黑松露油,令到個湯底更加濃同香,好正。麵就要個Normal 硬度,因為我怕食太硬會胃痛, 叉燒好淋,不過也比較散,看似很多片,其實都唔算太多肉,愛肉的朋友可以追加。($98)至尊拉麵係用上等少少既肉,肉質冇咁散,較有口感同埋重肉味,而湯底都是一樣的,我本人就比較鐘意有黑松露油,既拉麵啦,未試既朋友快D 9沖去試啦, 完左就冇啦架~!