陋室 (Closed)

荃灣多野食就係人都知，但來來去去都係識市中心、路德圍果堆出哂名又排長龍既餐廳。今次我就黎左位置比較偏遠既Cafe Big，嘆左個寧靜既午餐，而食物、環境、服務都比想像中好👌🏻 黑松露芝士流心漢堡($58單點;轉套餐$69)雖然做唔到芝士拉絲/流心效果，但塊漢堡本身肉嫰又夠juicy，且口感分明，都幾高質! 唯獨係啲薯條炸得有啲hea，上枱已經淋哂，食左兩三條都唔想再食。另外，漢堡包轉套餐既話可配汽水、檸茶檸水等餐飲，但我就加錢叫左玫瑰花茶。有一大壺靚花茶慢慢嘆，仲可以無限refill，正👍🏻 呢間cafe樓下有一個保齡球場，所以約左friend黎食野之後都唔怕冇野做啦!

保齡球，一樣十幾年都未掂過嘅運動。早前朋友無啦拉挑起條筋話玩下，所以大家收工就約左過黎麗城呢邊打波了，其實係荃灣另一個太多人無位了先行遠少少過黎。但正正係咁樣，我地先又可以食到餐好野。陋室係正奇樂保齡球場上面，我地黎到嗰時見時間尚早就係度食埋野先再打波。食物選擇雖然大約分為漢堡及意大利飯兩種，但組合非常多元化連少見嘅羊肉漢堡都有，我地都花多眼亂唔佑揀咩食好，諗左一大輪先揀到以下嘅食物了。黑松露流心芝士漢堡包，加左＄５將薯條轉做炸洋蔥圈。餐飲跟配零糖可樂。漢堡分量都幾大，漢堡肉因為手打關係唔會死實，而且牛肉煎到啱啱好半熟所以保留左好多肉汁。加上流心效果好滿意，大口咬落去時肉汁同芝士都搞到成手都係。而且個包分別用上Mozzarella同Cheddar兩隻，所以食落唔會咁單調同口感都豐富啲。炸洋蔥圈係驚喜之作，炸漿偏結實但無損酥脆口感，加上本身有做調味所以唔使點茄汁都已經夠好食了。所以呢５蚊真係無加錯。朋友就點左黑松露芝士烤大啡菇煎意大利飯，跟配檸檬水。煎意大利飯都真係第一次聽，但估唔到出黎效果又幾唔錯。飯粒煮得幾煙韌加上調味偏淡，入口可以充分食到混入裡面嘅芝士香味。因為佢再額外塑型煎香飯團