Video
Read full review
2017-07-30
1464 views
保齡球，一樣十幾年都未掂過嘅運動。早前朋友無啦拉挑起條筋話玩下，所以大家收工就約左過黎麗城呢邊打波了，其實係荃灣另一個太多人無位了先行遠少少過黎。但正正係咁樣，我地先又可以食到餐好野。陋室係正奇樂保齡球場上面，我地黎到嗰時見時間尚早就係度食埋野先再打波。食物選擇雖然大約分為漢堡及意大利飯兩種，但組合非常多元化連少見嘅羊肉漢堡都有，我地都花多眼亂唔佑揀咩食好，諗左一大輪先揀到以下嘅食物了。黑松露流心芝士漢堡包，加左＄５將薯條轉做炸洋蔥圈。餐飲跟配零糖可樂。漢堡分量都幾大，漢堡肉因為手打關係唔會死實，而且牛肉煎到啱啱好半熟所以保留左好多肉汁。加上流心效果好滿意，大口咬落去時肉汁同芝士都搞到成手都係。而且個包分別用上Mozzarella同Cheddar兩隻，所以食落唔會咁單調同口感都豐富啲。炸洋蔥圈係驚喜之作，炸漿偏結實但無損酥脆口感，加上本身有做調味所以唔使點茄汁都已經夠好食了。所以呢５蚊真係無加錯。朋友就點左黑松露芝士烤大啡菇煎意大利飯，跟配檸檬水。煎意大利飯都真係第一次聽，但估唔到出黎效果又幾唔錯。飯粒煮得幾煙韌加上調味偏淡，入口可以充分食到混入裡面嘅芝士香味。因為佢再額外塑型煎香飯團
陋室係正奇樂保齡球場上面，我地黎到嗰時見時間尚早就係度食埋野先再打波。
食物選擇雖然大約分為漢堡及意大利飯兩種，但組合非常多元化連少見嘅羊肉漢堡都有，我地都花多眼亂唔佑揀咩食好，諗左一大輪先揀到以下嘅食物了。
黑松露流心芝士漢堡包
$69
21 views
0 likes
0 comments
漢堡分量都幾大，漢堡肉因為手打關係唔會死實，而且牛肉煎到啱啱好半熟所以保留左好多肉汁。加上流心效果好滿意，大口咬落去時肉汁同芝士都搞到成手都係。而且個包分別用上Mozzarella同Cheddar兩隻，所以食落唔會咁單調同口感都豐富啲。
炸洋蔥圈係驚喜之作，炸漿偏結實但無損酥脆口感，加上本身有做調味所以唔使點茄汁都已經夠好食了。所以呢５蚊真係無加錯。
黑松露芝士烤大啡菇煎意大利飯
$83
12 views
0 likes
0 comments
煎意大利飯都真係第一次聽，但估唔到出黎效果又幾唔錯。飯粒煮得幾煙韌加上調味偏淡，入口可以充分食到混入裡面嘅芝士香味。因為佢再額外塑型煎香飯團嘅兩面，令米飯再添幾分焦香。咁嘅做法有姿勢得黎更有實際。
大啡菇同樣以兩款芝士作調味烤焗，而且灑上大量黑松露醬令啡菇嘅香味更加突出。啡菇體積之大更可以好似鋸扒咁樣切黎食，好有滿足感。
臨走先發覺門口個晚餐牌，上面嘅套餐更抵食仲有甜品送。走漏眼。
其實邊食我地都發覺呢度環境真係幾舒服，週邊放滿各類消閒玩意好似UNO，層層疊咁，門口仲有兩部舊式街機。非常適合消磨時間。可能係佢位處有啲偏遠所以唔係咁多人知，但正正係咁樣更可以讓人放慢腳步，享受下悠閒時光。引用呢度＜＜陋室銘＞＞嘅一句：斯是陋室，惟吾德馨。
Post
