荳子 (德福廣場1期)

Open Now

Now Closed

Beans 係唯一一間我會定期幫襯嘅Cafe, 佢既食物同飲品質素都保持到高水準，每次都令人滿意。今次嗌咗個新菜式「黑蒜．磯燒鮑魚．蜆肉白酒意粉」，佢屬於一種偏向乾炒嘅意粉，黑蒜白酒嘅醬汁有少少甜甜地，食嘅時候唔會覺得好油膩，反而有啲清新嘅感覺，同海鮮鮑魚蜆肉好夾。絕對可以試吓！🫶🏻另外嗌咗「蟹膏甲羅燒黃金蟹肉意大利粉🦀」，呢個意粉已經數唔到order幾多次🙈每次同唔同朋友都會想嗌依款一齊share。蟹肉蟹膏嘅鮮味令到成個意粉都好香。我哋仲跟餐加咗個黑松露薯條（$28），份量好多好抵食，粗身薯條真係好正🤤今次第一次叫佢嘅甜品「Green Tea Waffles🍵」，除咗主角窩夫🧇，佢仲有好多配料例如紅豆麻薯、綠茶雪糕等等，好豐富👍🏻餐飲我哋叫咗「法式焦糖燉蛋拿鐵」同埋「伯爵茶拿鐵」，兩杯都相當好飲☕️

今日嚟到九龍灣德福嘅Beans食晚餐，時間大約晚上6點左右就開始多人排隊。叫咗兩個餐，首先嚟嘅係呢份大蝦龍蝦汁闊條麵$148蚊加1。闊條麵比較硬身有咬口，鍾意軟身嘅可能要叫佢煮耐少少。味道方面大吓唔係話超大隻但爽口，成碟粉都有濃郁嘅香草同番茄味，可惜個番茄味蓋過咗個龍蝦味，變相龍蝦嘅味道就唔係咁重。餐飲方面跟咗熱檸蜜，毋須額外加錢，隻杯幾靚，清甜暖心。再嚟一份主食係和牛漢堡，$168，幾大碟。今晚叫咗7成，牛肉味幾香，可食個牛煮得熟咗少少會比較韌。薯蓉好飽肚，洋蔥辣口但香甜。加$28 配咗份黑松露薯條，睇落好似無黑松露，但佢嘅味道已經滲透晒喺個薯條，相當惹味。呢杯係香蕉芒果沙冰，跟餐加$40。啲冰磨得幾細緻好似泡泡咁綿，香蕉味好出眾一食就feel 到，可惜太濃香蕉味遮蓋咗啲芒果味，完全feel唔到。最後唔少得嚟個甜品，跟餐加$28。原本以為係三角形嘅件餅，點知出嚟個結果係咁精緻嘅檸檬蛋糕。一刀切開，佢入面有幾個層次，外層軟身，入面流心，仲有啲好似乳酪。食落勁香口檸檬味，而啲檸檬又均勻滲透整個蛋糕，呢28蚊值得一加。最後埋單兩個餐連加一盛惠$453

推薦指數：👍🏻👍🏻👍🏻👍🏻-已經不是第一次光顧beans，但記得每次都記得味道不錯，飲品及甜品都是會令人想一叫再叫的。今次可能因為武肺的原因，竟然於晚上7時不用排隊就順利進店。-店舖: 荳子 Beans地點: 九龍灣偉業街33號德福廣場2期P39A號舖價錢: 平均$160一人人數: 2人光顧時間: 11月30日7-8pm店內的位置也很多，不過如果坐太入面的話會有點嘈雜，很應聲，今次坐左中間近門口，位於不錯。先來的是小食<黑松露薯條>，味道一般，是好吃的薯條，不過也沒有很驚訝的好食。之後就是主食<紅酒燉羊膝>，我知道Beans 最人氣的莫過於意粉pizza，但因為都吃過不少次，所以今次叫個肉，試一下質素如何(*´∀｀*) 第一口是薯蓉，有點失望是不夠滑、有點咸，之後再試配菜，味道不錯，羊膝味道也好，但也沒有很驚訝的好吃。甜品是<Oreo麻糬流心吐司>，拍照一流。可惜不是太有切開流心的感覺，味道都是大家想像中的甜，飲練奶的味道，整體算是不錯的。- 這次的體驗沒有比之前的好，我也覺得九龍灣分店沒有之前吃過的將軍澳分店來得好吃，但以價錢來說算是不

第一次黎食，見啲食物都好吸引，雖然係疫情，但港人依然都係堅持排隊😂星期日晚，大約等左半個鐘就入到去，環境都幾舒適，飲品餐牌既名都好盞鬼🤣我地嗌左。黃金蟹肉意大利粉。卡邦尼黑松露煙肉意大利粉。+$25黑松露薯條。GG白桃烏龍。GG紅火龍果鮮果芝士奶蓋沙冰茶其實兩個意粉都好好食，吾知係咪因為餓😂但卡邦尼意粉吾係咁食得到啲黑松露味但整體都幾好，都吾會話好膩而蟹肉意大利粉，一開始就比佢個外型吸引住，佢蟹肉既份量都ok，食落都係creamy 既個薯條以加$25黎講其實都幾吾錯，薯條夠脆，吾係淋既。而且個醬都好重黑松露味，吾係hea貨。相反，兩杯飲品就一般般，可能我哋都一般般奶蓋，但火龍果個味唔似真果汁，可能入面再溝左綠茶嘅關係，個原來GG係指奶蓋，而我個人就一般般奶蓋，但佢既奶蓋其實係芝士同奶都重，如果鐘意依兩樣野既話都ok的。😝

喺6點後不准堂食嘅措施實施前仲嚟咗九龍灣嘅beans食飯之前都已經嚟過beans食不過呢間九龍灣分店就新開嘅所以就帶媽媽嚟幫襯下啦媽媽好鍾意食帶子所以呢個飯就啱曬佢好食到佢次次都叫呢個飯而且八十幾蚊 真係幾抵食我今晚就叫咗呢個burger剩係份量已經抵返曬啦其實都啱share嚟食一個人食就有d滯仲有d薯條都唔係hea你新鮮熱辣大大份個包有搽牛油烘過個蛋同塊漢堡都質素合格d甜洋蔥我諗炒耐d會更香媽媽對個黑松露醬讚不絕口我自己就麻麻呢種加咁多沙律醬嘅整體都係勁抵食特別係晚市不過依家因為個病就無得堂食啦