金記冰室 (Closed)

今晚同朋友行街，經過天樂里，咁就再次光顧金記冰室。我們點左晚市小菜套餐，包中湯或羅宋湯，白飯，餐飲。如果加$13，有懷舊的黑白牛飲品。魚香茄子雙腩煲一上枱先來嗅覺的享受，一陣一陣薑蔥爆香魚香味，够鑊氣！茄子，肉絲，雜菌好好味，不過燒腩肉就炒得過乾身，麻麻啲。黑松露蝦仁炒蛋估唔到咁的價錢都可以食黑松露，當然要點黎食啦！ 炒蛋有很多黑點點，相信就係黑松露菌，一入口好香。炒蛋除左都有蝦，還有蔥花，有D住家飯的味道。

第一次食,覺得比一般茶餐廳高級,裝修有特色因為行懷舊,食物質素相對較高沙拉,水果新鮮,對我呢個向來少食沙拉的來講,可接受農夫包,剛出爐時外脆內軟,呢個時候係最好味,不過我覺得配咖喱汁應該比軟特別黑松露炒蛋,好少茶餐廳會有呢道餸,通常係比較西式的餐先會有呢個餸,如果以$88食到,價錢亦都相當實惠。個人睇法:如果炒得再嫩滑d,相信可以係其他茶餐廳跑出豬膶雙雞煲$88,這個餸應該唔係個個人都接受到,因為有田雞,不過我覺得好特別且足料,唔怕的你不妨試試羅宋湯,正常水準薑檸樂,杯飲品真心覺得好正,薑絲甜甜地,當時病緊,飲佢覺得好舒服

晚上七點, 一行三人在公司附近搵食, 食完拿拿淋返去繼續OT, 平時經過見呢間冰室裝修幾特別, 而且又有位, 即刻入去試試。 首先畀個餐牌吸引, 用乒乓拍造成, 有心思, 加上掛起的各種舊式膠玩具、信箱、算盤, 感覺好懷舊、特別。 俄羅斯羅宋湯 - 不似一般羅宋湯, 不太酸辣, 多一分creamy, 很特別。 鮮茄魚柳農夫包- 好大個, 農夫包上碟時又熱又脆, 但要盡快食, 耐了汁會令包變軟, 另附一碟茄醬可點包, 內裡的魚柳炒飯也合格。 黑松露蝦仁炒蛋 - 幾好味, 蛋炒得軟滑, 蝦的份量亦不少, 黑松露惹味，送飯一流。 炸薯條 - 非常失望, 不夠脆。