五要素食堂 (Closed)

今日嚟到the ONE新開嘅餐廳，好簡單而開揚嘅裝修的確令人好舒服~呢道嘅午餐唔係特別平，但每一樣都令人食指大動，好期待！係餐廳主打嘅黑毛和牛牛扒丼！成個配搭落足心思，有幾款唔同味道同質感嘅沙律菜，可以中和番牛嘅油脂味，唔會好似平時咁愈食愈滯~每塊熟嘅程度都係啱啱好，加上簡單調味，真係好有新鮮感。另一個就係厚切牛舌丼，同之前個款一樣，只係換咗一粒粒牛舌。牛舌軟熟又唔會太油膩，好食！順帶一提呢間餐廳嘅飯都有一陣牛油香，但食落又唔會滯住或者覺得油，呢種感覺好得意。

朋友一早remark左呢間位於The One 3樓新開嘅日式輕食餐廳 🤤 所以就約咗佢行街前，嚟呢度食食午飯🥣首先位置來講，冇得輸係the one入邊，好方便其次裝修係石屎冷淡風加木頭，再加啲綠色植物，坐得舒服。我覺得特別嘅一點係佢哋設有戶外座位，雖然今次我哋無坐到出面，但係天氣好，有陽光的冬天坐係較為開揚嘅地方都應該幾舒服👍事不宜遲入正題，我哋兩個女仔分別叫咗人氣no 1嘅黑毛和牛牛扒丼（$78）同埋牛舌溫泉玉子丼（$88）首先嚟咗黑毛和牛牛扒丼，好有驚喜，呢個價錢食到呢個質素嘅牛，勁重牛味 🥰 加左d沙律醬，同炸蒜片，好夾👍咁當然呢個價錢都唔好期望有好多牛，約莫五、六塊。之後到牛舌溫泉玉子丼，牛舌份量好夠，好彈牙 🤤 值得一讚嘅係每碗飯都有唔少份量嘅火箭菜，可以平衡牛的油膩感。總括而言， $100都唔使呢個質素，係幾抵食，推介黑毛和牛牛扒丼

今日行經Fifth element shokudo，裝修好簡潔舒服咁，所以入左去食lunch。我地order左一個黑毛和牛牛扒丼同熟成厚切牛舌丼。黑毛和牛牛扒：第一下會食到炭燒既香味，然後會有牛肉既油脂香，最後就會食到嫩嫩既牛肉。唔錯！估唔到只需$78就食到充滿油脂香味既牛肉👍🏻😋熟成厚切牛舌：更好味！牛舌不但有油脂香，亦都好爽口彈牙得黎又易咬，恰到好處！兩碗同樣有好多火箭菜，飯既份量都好充足。我鐘意將d 火箭菜、飯同醬汁撈埋一齊食！火箭菜好fresh，食完成碗丼感覺好健康，又夠飽！👍🏻雖然價錢望落唔平，但最後我地都覺得價錢對得住食物質素！👍🏻P.s. 最後我地先發現有室外既枱，感覺幾chill~下次如果好天可以坐出面！

尖沙咀真係有好多野食，想去食嘅餐廳都未去曬，已經又有新嘅餐廳開張！今次見到依間新開張嘅日式洋食餐廳，訂位有六折所以好抵食，人均消費都唔洗一百蚊🥳**********<信州味噌鮮菇手工意粉> $88呢款意粉用嘅係手工意粉，個樣有啲似銀針粉，平時食意粉都比較少見，口感非常煙韌，同埋都幾掛汁，味道唔錯！**********<黑毛和牛牛扒丼> $78依個和牛牛扒睇落好似好生咁，但食落又接受到，因為厚度適中所以咬落唔會好韌，而且牛味都好重，所以落少少調味就已經好好味😋**********<靜岡柚子胡椒雞翼> $48雞翼好重柚子胡椒味，加上柚子感覺更加清新，但係調味可能落重手左少少，個外皮都幾鹹下😂**********<意大利野莓日式窩夫> $68呢個窩夫賣相好吸引，上面嘅野莓係用左frozen嘅雜莓，所以食落會有敏感牙齒！窩夫嘅質地比較似蛋糕，一叉落去就好容易碎，質地方面唔太推薦🙈

好耐冇出尖沙咀，今日終於出城見The One新開咗呢間日式西餐廳，門面幾靚，餐牌望落都幾平，就一於試下～有得掃qr code落單，飲品menu喺曬個網度，都幾方便。黑毛和牛牛扒丼　$78本身就係被呢個80蚊有找嘅黑毛和牛丼吸引咗入嚟，都預咗咁平應該唔會特別高質、諗住過下口癮算，點知食落好有驚喜！黑毛和牛肉質柔軟幼細，牛味濃郁，夾埋啲辣椒絲同乾蒜片一齊食，好夾好好食靜岡煎茶香蕉焦糖批　$58此cake必點！食完個飯其實都好飽，但見到隔離檯食甜品好似幾正咁，又忍唔住叫咗件cake　個批一上檯，就覺得個餅底好似好厚咁，點知食落原來中間嗰層係香蕉焦糖夾心食到香蕉嘅果肉同香濃嘅焦糖醬，配合埋香滑柔軟嘅 mousse食完真係非常滿足～～同場加映：入到去發現別有洞天，原來入面仲有室外座位，環境好chill，下次要早啲嚟揀戶外位！