三小漁

Open Now

Now Closed

🐟🥢🍚午市精選小炒/龍躉☑️青麻剁椒蒸龍躉件 -$75食龍躉好似好奢侈，但係午市套餐一個人食龍躉黎講，呢個價又唔算特別貴，除咗呢隻味仲可以揀黑蒜味或者欖角紫薑味，而呢隻味酸酸辣辣咁樣超好食，好開胃，個汁撈飯都一流，下面有粉絲墊底，龍躉件大約有五件，有骨的，肉嘅份量都算對得住個價錢，最緊要係好食，魚肉都幾滑，幾值得推薦。午市套餐仲會包白飯同飲品。☑️豬油撈飯 -+$5轉豬油撈飯要加$5 ，豬油會用隻細碟另上，白飯係砵仔蒸絲苗白飯黎，粒粒分明，撈埋豬油食真係冇得頂。🆗酸菜魚片配白飯 -$62魚片嘅數量都算多，而且無骨幾滑，而配料有啲奇怪，係大豆芽、紅蘿蔔絲，同埋蔥，反而冇萵筍、金菇嗰啲。至於個湯底就一般般，有好多酸菜所以都夠酸，但係就唔係好夠辣，同出面嘅酸菜魚比冇咁惹味，魚片亦都唔入味。☑️黑磚豆腐（一件）- $18外表真係好吸引，黑色嘅脆皮，配上金色嘅炸蒜，下面有沙律菜墊底。黑色嘅脆皮真係好脆口，而入面嘅豆腐超級嫩滑，整體嘅配搭同味道都好好😌。☑️熱華田午市套餐包熱飲，凍飲+$3，呢杯阿華田沖得好濃味，好飲過其他餐廳好多。

為食🐽報告環境：⭐️⭐️食物款式：⭐️⭐️味道：⭐️⭐️⭐️⭐️性價比：⭐️⭐️⭐️為食豬返食指數：🐽🐽朋友生日去試粵菜，入到留意到台台都有冰鎮新鮮菠蘿咕嚕肉，甘一定要叫。再睇吓個Menu，選擇都算足夠。就點菜。嘢食方面就叫左。1. 冰鎮新鮮菠蘿咕嚕肉：過去係其他餐廳都試過。今次個咕嚕肉炸得幾好，又熱又凍，係好味既。2. 南瓜汁菠菜豆腐：上到嚟有驚喜，以為只係一個菠菜同豆腐分開既一個餸，點知係一條條嘅菠菜豆腐條，再加南瓜汁幾清新同好味。入邊仲有雜菇，健康首選。3. 黑磚豆腐：炸得好好，佢出邊好脆，再加上炸蒜蓉，食到流晒口水。嘢食嘅質素都算幾好，係個性價比低啲。試吓無妨。

朋友介紹到三小漁吃晚飯🥢，位於觀塘成業街10號電訊一代廣場1樓B01號舖。 我們訂了房，所以私隱度極高。 ✨晚餐的菜式有煙燻溏心蛋、 黑磚豆腐、 蓮藕餅、古式東坡塔、 大龍躉兩食、 脆皮風沙雞、 冰鎮新鮮菠蘿咕嚕肉、啫啫通菜煲、 鮮魚湯胡椒魚肚芥菜煲、 粉葛鯪魚老火湯、桃膠燉手工菊花豆腐。 🔴煙燻溏心蛋🥚 ～ 入口軟綿綿的溏心蛋，再加上煙燻味，醇香美味。 🔴黑磚豆腐🧈 ～ 黑色的賣相好型， 外脆內軟的口感再配上炸蒜粒🧄， 很好味，我們食了兩碟🤣。 🔴蓮藕餅 ～ 蓮藕口感爽脆， 豬肉餡夠結實👍🏻， 口感不錯。 🔴古式東坡塔 ～ 賣相非常出色🤩👍🏻， 當然第一時間要打卡先🤳，肥美不膩的五花腩疊成塔狀， 非常精緻， 切開五花腩還有大量梅菜🤤， 大家都忍唔住要點返碗白飯🍚。 🔴冰鎮新鮮菠蘿咕嚕肉 ～ 顏色鮮豔奪目的賣相， 咕嚕肉啖啖肉， 菠蘿🍍非常甜美。 🔴脆皮風沙雞 ～ 真是皮脆肉嫩🤤， 重點是食完唔會感覺好油膩。🔴大龍躉兩食 ～ 龍躉兩食各有特色， 啖啖肉又肥美的龍躉， 魚肉很嫩😋！ 🔴粉葛鯪魚老火湯 ～ 湯料砌得非常有心，粉葛湯好濃郁，份量又多🥣，每人起碼飲到兩碗。 🔴鮮魚湯胡椒魚肚芥菜

第一次去食，整體食物質素很高，海鮮好新鮮，水平拍得住其他富豪飯堂，食完今次已經好想再搵日食多次。眼見當日餐廳有間包廂房有好多人食，其他枱普遍會開酒飲，似乎幾多有錢人嘅熟客。首先想講下服務，其實啲侍應都幾有禮貌，但漏單情況頗嚴重，叫個炒飯同甜品都漏咗兩次單，等得耐咗。特別推介冰鎮咕嚕肉同黑磚豆腐，不愧為該店名菜，鮑魚好惹味，呑拿魚炒飯都好夠鑊氣（炒飯無影相）👍🏻✅但係個脆米煎日本帶子就一般般，個日式芥末醬好濃化學味，掩蓋晒帶子鮮味，可以唔洗叫🥲

我係3個禮拜內去左3次，好抵食！🤪店員安排左個大卡位比我地3個，坐得好舒服。餐牌有好多餸都好吸引，所以3個人嗌左6個餸😳【冰鎮新鮮菠蘿咕嚕肉 • $148】(8.5/10)呢個咕嚕肉我諗係餐廳既主打，每次黎我都會叫😎顏色夠晒鮮豔搶眼，冰鎮令到d肉更加香脆爽口！【金銀蒜粉絲蒸聖子皇 • 時價 - $68/位】(8.5/10)聖子王唔係次次都有貨，有貨我一定叫！可以揀黑蒜/金銀蒜蒸，兩個都好食，但黑蒜會更加香🤔隻聖子好大，粉絲同蒜都好多，完全覆蓋成隻聖子，性價比好高！【脆米煎日本元貝王 • $68/位】(7.5/10)本身諗住叫蒸元貝，但點知無晒，見店員推薦，就試下呢個脆米煎日本元貝王。隻元貝有拳頭咁大，煎到金黃香口，配埋脆米好爽口，個配搭比起想像中好。【黑磚豆腐 • $18/件】(8/10)呢個黑磚豆腐係金磚豆腐d friend，不過都係我食過咁多間金磚豆腐個皮最脆舊豆腐最滑既一間，每次黎都一定要嗌！另外仲叫左【青麻牛柳粒 • $168】同埋【脆皮乳鴿 • $72/隻】，乳鴿好出色呀喂👍🏻青麻牛柳粒就今次失色過第1次食，但都好好食，外面煎到香脆可口，入面就仲有好多肉汁唔會乾，不過呢個就o

覓食團隊今個星期四來到觀塘。拜訪了三小漁。前菜先每人一件黑磚豆腐， $18 一件。我和另一半都很喜歡這個脆皮，口感好特別！但友人不喜歡，覺得一啲都唔脆。調味響個脆皮度，豆腐就冇乜味，要一齊食。試咗兩款湯，分別係十年陳皮魚茸羹，同埋烏雞燉花膠（後者冇影相）。魚羹胡椒過多，變得太辣，烏雞湯仲搞笑，話明係烏雞，係咪覺得應該只用烏雞煲呢？點知只見到普通雞，叫侍應嚟問個究竟，佢畢左幾下，搵到一件好細嘅黑皮嘅雞骨，佢話呢個係烏雞啊！算係㗎啦！佢見我哋四對眼望住佢，俾咗個：「咁都得！」嘅眼神佢之後，話換過份俾我哋。但再出嚟只係加多一件大一些的烏雞。原來係佢哋嘅字典裏面，「烏雞湯」，等於有用烏雞，唔係只用烏雞😒😒⋯⋯叫了一條細龍躉，個湯好好飲！仲好飲過個魚羹！加埋啲米通脆脆更香口！都幾抵食，魚好新鮮，肉質嫩滑。話梅骨肉質都幾好，雖然味道酸微微，唔講都唔知用咗話梅…..呢份棗茸糕不太甜👍🏻，可惜欠缺紅棗香味，有待改善。之前唔知原來有呢個優惠，大家可以留意番！

每道菜都有驚喜，且份量比我相像中多。4個女仔叫左以下既菜，差點都食唔喵，如果多D人就可試埋其他菜式。1.黑磚豆腐（$18/件）外脆內軟，炸到剛剛好，雖然唔知黑色部分係用咩整，但加埋炸蒜味道一流。十分推介！2.原盅烏雞炖花膠（$88/位）用料足，有一粒大瑤柱，花膠，雞腳，螺肉，瘦肉，飲落有清甜的瑤柱雞味，沒有落味精。3.冰鎮新鮮菠蘿咕嚕肉（$148）好味道，十分推介，夏天食十分一流。菠蘿並唔係用罐頭菠蘿，係用新鮮菠蘿，食落清甜。咕嚕肉內脆外軟，即使食完其他菜再食佢，都仍然內脆外軟，唔會用太多粉去炸，食落唔會有油膩既感覺。中間的裝飾係糖可以食，但較為黏牙。4.金銀蛋浸時蔬（$88）簡簡單單叫碟菜，呢個就正正常常，不太特別5.酥炸特色脆蠔餅（$88）蠔餅的分布剛剛好，唔會有部分只食到粉團或蠔仔集中在某一部分。另勞到剛剛好，但可能4個女仔食會太多，因為食到最後有點油膩。6.冬瓜薏米水（$18）清甜解暑，不太甜，非常好。

這一日朋友介紹觀塘有一間比較隱蔽但係好食嘅中餐廳，所以一於試吓，我哋嗰日平日去大約七點幾到，唔使等位，進店後環境都幾舒服。之後睇餐牌，原來餐廳都有做私房菜，亦都有唔少海鮮的選擇，由於我哋只不過係普通食飯聚舊，所以都係點小菜同湯。我們叫左果原盅烏雞燉花膠，用料好足，有一粒大瑤柱，花膠亦都有一大片，味道好好，無落味精。之後點左一個小食，黑磚豆腐，一上枱賣相都吸引，食落口外脆內軟，加埋炸蒜味道好香口，推介食呢一款。我哋叫咗兩個小菜，第一個係金沙鮮魷王，鮮魷好大隻，鹹蛋及炸粉唔會好厚，鹹蛋黃味好香，味道偏鹹咗少少，但送飯好好。之後叫咗個係黑板寫嘅南瓜牛腩煲，呢個煲上菜時仍然沸騰，南瓜非常入味好淋，牛腩都唔會好韌，都係好入味，送飯一流。我們見到隔離枱食龍蝦賣相都相當吸引，希望下次有機會可以試吓。

上星期媽咪生日，細佬book咗呢間私房菜請晒全家人一齊食餐飯👏 五個人叫到成檯都係野🙈1. 花膠螺頭烏雞燉湯 ⭐⭐⭐叫左四盅，花膠同螺頭都好細舊😅 個湯就幾清甜，唔太覺得有味精，但個人認為唔係必試～2. 黑磚豆腐 ($18/件) ⭐⭐⭐⭐⭐面頭既蒜好香，豆腐外脆內嫰滑，黃豆味重，唔油膩，出色👍 價錢唔貴，推薦一試😁3. 話梅骨 ($98) ⭐⭐⭐⭐酸酸may may好開胃，肥瘦均勻，肉質juicy，份量唔算少，推薦👏 4. 薑蔥霸王雞 (半隻$108) ⭐⭐⭐肉質嫩滑但唔太香，個汁似普通豉油無咩特別，可試可唔試～5. 啫啫通菜煲 ($78) ⭐⭐⭐通菜爽脆但偏鹹同唔夠香，唔算出色6. 黑蒜蒸海斑件 ($168) ⭐⭐⭐⭐⭐黑蒜香，海斑好滑！😋😋 份量多，底下嘅粉絲索曬黑蒜汁都好入味好好食，呢個性價比好高👏👏7. 鮮菠蘿芥末蝦球 ($148) ⭐⭐⭐⭐⭐賣相精緻吸引👍 啲蝦超大隻超爽口！外層炸皮超級脆🤤 芥末汁開胃，連啲菠蘿都好甜，好食！8. 上湯龍蝦 ⭐⭐⭐⭐個味幾好食，比平時食既上湯龍蝦濃味啲，啖啖肉，唔錯😊食到咁上下細佬鬼鬼鼠鼠出咗去買單，所以有啲餐牌上面無/時價既野都唔知幾錢😂

晚上時份嚟到觀塘，呢度有間新開嘅餐廳！環境充足同好大，每枱都有足夠嘅距離👌🏻店主話佢地喺牛頭角細鋪搬過嚟大鋪，佢地喺唔落味精㗎✅靠口碑慢慢儲客👍🏻黑磚豆腐 $18@1外皮炸到脆卜卜，咬落去中間喺軟林林，中間喺流心豆腐咁😍好過癮，正宗嘅外脆內軟，想咬多舊😆薑蔥霸王雞 半隻 $108薑蔥醬汁味道香濃，半隻雞份量好多，啲肉又夠嫩滑☺️2個人食到好飽🤣金湯小米獅子頭 $98嘩！大大個獅子頭好軟滑，以魚肉同豬肉打製之成，小米嘅金湯增加獅子頭嘅層次，成個配飯無得頂😳咸魚茸炒菜心 $72份量都幾多嘅菜心桂花桃膠燉雪梨 $58呢個味道唔太甜！好易入口☺️桂花味道較淡，主要喺雪梨味。桃膠份量再多啲就好唔😁

呢14日，對酒鬼嚟講係難熬的日子，放工冇酒飲，冇得happy hour，唔食西家咪食東家囉，嚟返個中式happy hour都幾趣吖香港食肆唔賣得酒啫，仲有茶水賣嘛，飲茶一樣可以有親密接觸，睇化啲係冇分別個茶名咁趣咁堂皇，一試果然唔係普通酒樓貨色，原來中式茶都可以好有花香蒜、牛油、雞翼都係大胃鍾愛，三者加埋，真係食到差啲唔lur骨，good呀黑豆腐超級脆口，內裡就好嫩口冰鎮咕嚕肉配以堂皇拉糖，靚得荒唐，保持到肉質嫩滑，食到一件不剩呢段期間，人一定唔多，希望高汁餐廳可以頂得住