阿木台灣麵 (廣華街) (Closed)

⭐️台灣蛋餅真心好食推介⭐️炎炎夏日，無咩事都想涼下冷氣，呢個假期嚟到門口，見到勁長龍，個心都離一離，但係聽講呢度有好食嘅蛋餅，我都堅持等落去....😂因為我真係好鍾意喺台灣食蛋餅😋叫咗個鹽酥雞肉澡飯便當🆗佢招牌係佢嘅鹽酥雞，但係講真都幾普通，原因係啲雞太老，好鞋，中間冇晒肉汁。便當包左三種小食，仲有一碗肉澡飯，個飯都ok ge ，不過可以揀多汁，好餸飯！台式香腸，其實都只係將啲台灣香腸整返熱，所以呢個唔會輸嘅，好食😂甜不辣，呢個都幾好食，熱辣辣，好煙韌，好有咬口！😋到我最鍾意食嘅蛋餅，叫咗粟米芝士蛋餅！其實都有好多台灣餐廳有蛋餅食，但係往往個蛋餅皮同台灣嘅都不一樣，今次終於食到同台灣嘅好相似，而且即叫即整，熱辣辣，出晒煙，零舍好食！仲記得台灣旅行嘅時候，早餐周圍都有得食，而且係超級平，呢到賣$40 ，不過冇辦法啦香港物價貴好多🤦🏻‍♀️最後叫咗杯黑糖珍珠鮮奶，啲珍珠冇咩味，嘛嘛地。總括來講，最好食最好食都係蛋餅，另外兩款小食都OK嘅，係個鹽酥雞同杯嘢飲唔得🤔不過我會為咗個蛋餅比高分呢間餐廳，希望保持水準，等我下次可以再食啦！

前幾天獨自去旺角買墨，之後想在附近食午餐再回家，但怕自己一個人去餐廳食尷尬，最後選了這間台式小店☺️當日有不少人排隊食午餐，等到我也有點肚餓，最後叫了主食、小食和飲料🥤在等候期間，看到店外有不少文宣可以售賣，還有自家製麻辣醬，所以就算唔係食這間餐廳都可以買☺️——————————🔹紅燒牛肉麵 $65本身很想試試紅燒牛肉麵，因為聽店家說他們的麵條是每天手工製作，應該會很彈牙！果然這裏的麵條很特別，彈牙掛湯，就算食慢少少，仍維持彈牙的口感，不會爛爛的👍🏼還有份量超級多😂而牛肉是用上牛𦟌，每塊都切到勁厚身，煮到好軟腍入味😋 與其他台式餐廳比較，這間真的良心食店👍🏼之後食到一半，我再加入他們自家炒製的麻辣醬（標榜無添加味精）辣醬中看到有些蝦仔，味道鮮而甜，也不算辣，混合牛肉湯汁一起食，惹味非常👍🏼👍🏼-🔸家傳鹽酥肉 $39鹽酥雞就食得多，但鹽酥肉好像沒有食過😂這個是用豬肉製成，炸粉很脆很酥，裏面豬肉超軟腍，還食到一些肉汁，真的不錯👍🏼👍🏼👍🏼-🔹黑糖珍珠鮮奶 $17這杯黑糖珍珠鮮奶，味道也不錯😋珍珠很Q，有咬口，鮮奶香滑配上淡淡黑糖味，好飲😚

老闆娘的祖母係台灣經營滷味攤檔，而爸爸亦有間老字號牛肉麵店，所以她繼承了手藝並用上台灣食材香港人可以品嚐台灣菜。餐廳有紅燒牛肉麵、鹽酥雞、蛋餅、芋圓甜品、各款台式飲品，價錢合理。間舖喺廣華醫院斜對面條小街，我星期日晚七點左右幫襯，有人龍但清得好快排15分鐘左右。💛黃店認證： 老闆娘曾拍片支持香港民主運動；舖頭𥚃面有連儂牆，係台灣人為香港人打氣嘅字句；店面貼滿文宣！凡惠顧牛肉麵/便當可以半價惠顧飲品。👓紅燒牛肉牛筋麵 $69牛肉份量算多，有兩塊牛和兩件牛筋。牛腱肉係厚身但夠淋，聽聞佢地嘅紅燒牛肉燘煮超過12個鐘，滷汁入味；個筋都好有膠質有漿嘴口感，但唔韌一咬就斷。麵係自家手工制，麵身偏幼，彈牙都掛湯。湯底有牛肉味，唔會太鹹飲完唔會好頸渴🤣不過中途加入小店嘅自家製麻辣醬湯底更加惹味好食。評分：8/10👓黑糖珍珠鮮奶 $17得微糖同全糖選擇而今次原味真係過於甜🤣變相唔夠奶，甜味多過奶味。珍珠Q彈但唔算太入黑糖味。整體來講飲品有黑糖味係好飲嘅，不過適合一啲鍾意飲甜野嘅人。評分：7/10👓蕃茄牛肉麵 $65有四大舊牛腱肉，同樣厚身但肉質淋！湯底好濃蕃茄味，略帶蕃茄粒，唔算酸帶點甜。如果鍾意食酸酸

朋友話旺角新開咗間台灣嘢好好食，而且係由台灣人親自主理，好有台灣嘅風味，今日出開旺角當然要試下。自家製麻辣醬本身鍾意食少少辣，所以落咗啲麻辣醬，成碗麵嘅味道即刻提升咗，好香好惹味。紅燒牛肉牛筋麵 ($69)一夾起啲牛筋就已經知道好淋，入口仲好軟滑。牛肉同牛筋入味又好淋，湯底濃郁，麵質彈牙。家傳鹽酥肉 ($39)鹽酥雞食得多，鹽酥肉都係第一次食，原來係台灣人嘅住家餸。香口酥脆，肉質爽口彈牙，充滿肉汁，唔會好油膩同好炸，正！芝士肉鬆蛋餅 ($42)蛋餅外層香脆，煙煙韌韌，口感豐富。入口好有蛋香，加埋肉鬆甜甜地又惹味，味道有層次。黑糖珍珠鮮奶 ($17)凡係點咗牛肉麵同便當(1-10號)，都可以半價點所有飲品。珍珠彈牙，鮮奶滑身，入口充滿黑糖味，但味道又唔會死甜。冰糖雪耳芋圓湯 ($32)好足料，杞子雪耳份量多，甜度適中。芋圓煙煙韌韌，口感Q彈。自家製麻辣醬 ($48)食過個麻辣醬覺得唔錯，而屋企人又鍾意食辣，於是就買走一樽。