Vol.1 Cafe

Open Now

Now Closed

最近銅鑼灣人氣cafe，已經嘗試拜訪過兩次都未能食到。是日跟同事們再嘗試就試到了，人氣主要因為有個露台位置，椅子都用了露營椅，感覺的確係幾chill的。當天隨心點了：.⍟ 牛肋條手工肉醬闊條麵 💲148肉醬與平常的肉醬不同，比較有誠意，是一絲絲的牛肋肉絲做成的肉醬。味道不錯，但不太掛汁，食落有種肉醬同麵分開食的感覺。⍟ 粒粒雞軟骨 💲68有別於一般炸雞軟骨，有孜然香味，似氣炸而成，味道不錯。⍟ 卡邦尼手工圓粗麵 💲138好滑，蛋味濃，比平常的carbonara深色，掛汁做得幾好，有Al dente，欣賞煙肉厚切幾有口感。⍟ 灸燒芝士牛肉醬薯角 💲68好脆，好熱，賣相都不錯，但同肉醬麵有同一感覺，肉醬無黏著薯角，有種分離感。不過味道是好的，沒什麼問題。可惜的是店內沒有咖啡提供，no coffee no life，等於Cafe來說，是會令不少客人卻步的。.最後點了百香果菠蘿桂花烏龍茶💲42，正常不太甜，但不算特別。朋友點了黑糖鮮奶米麻糬💲52，他說有麻糬溶溶地時幾好飲。整體來說，環境是很不錯的，食物以cafe水平比較都是中上，算很有誠意，價錢少少進取。可惜對本人而言，咖啡是很重要啦～

見到銅鑼灣有新嘅Cafe，睇相見環境好似都唔錯，所以就同朋友仔去試。Vol.1 薯條薯條係有驚喜嘅，佢嘅調味料有少少似五香粉，但係又有自己嘅味道。用嚟餐前share小食都幾好。佢嘅份量一啲都唔少，我哋三個人食好似食極都未完咁。自製龍蝦汁蟹肉手工寬麵條雖然係手工麵條，但係麵條軟硬度啱啱好。龍蝦汁好香，而且醬汁好足夠，所以啲麵一啲都唔乾。蟹肉超足料，可以話係每條麵條都有龍蝦汁加蟹肉，食到最後都仲有啲蟹肉喺個碟嗰度。煙三文魚墨魚汁手工墨魚咀圓粗麵墨魚汁好香，唔會太鹹，麵條Al Dente，不過呢個麵比較油，食到後面要小心啲，唔好俾啲墨魚汁彈到上個身嗰度。抹茶巴斯克麻糬蛋糕呢個去到係必食嘅甜品，尤其係Cafe真係會自己新鮮製造。上菜嘅時候個蛋糕個樣唔係特別討好，不過一切開就會見到個奶蓋流落嚟，視覺效果唔錯。咬落去個蛋糕暖暖哋，抹茶味唔太甜，加埋麻糬餡咁食，個味配合得好好。荔枝玫瑰寒天梳打玫瑰咪唔太濃，加梳打一齊飲清清地幾好。怕玫瑰味食品嘅人可以一試。黑糖鮮奶米麻糬初初以為啲麻糬係一粒粒，好似珍珠奶茶咁飲，點知原來係一Pat麻糬喺個杯底，連埋啲黑糖漿飲嘅話，個味蕾同埋口感衝擊真係有驚喜。會越飲越

呢間餐廳主打西餐手工意粉同蛋糕甜品☕️💗法式南瓜湯 ($38)南瓜忌廉湯質感奶滑Creamy，南瓜味香甜濃郁🎃💗炙燒白松露雞翼 ($52)雞翼烤焗至皮脆肉嫩，肉汁豐富，入口充斥濃郁白松露香🐥💗卡邦尼手工圓粗麵 ($138)手工圓粗麵煙韌彈牙，特意選用新紀元卵·曉同巴馬臣芝士，所以醬汁特別濃厚，但食多幾啖就好易膩🧀再加入意大利式煙肉同風乾豬面頰肉，增添鹹脆香口🥓💗自家龍蝦汁蟹肉手工寬麵條 ($168)手工寬麵條口感偏硬身有嚼勁，掛滿自家龍蝦汁。由於醬汁用上新鮮龍蝦頭熬製，所以蝦味特別濃郁🦞配以啖啖蟹肉，味道鮮上加鮮🦀💗布朗雪山 ($68)布朗尼用上法國Valrhona黑朱古力製作，外層酥脆內裡鬆軟，朱古力味醇香濃郁，甜而不膩🍫最後配上忌廉瀑布同Lotus 焦糖餅乾🍪💗奶蓋桂花鮮奶烏龍茶 ($48)烏龍茶嘅桂花味太重，而且鮮奶比例過多，完全蓋過哂茶味，頂層只係普通忌廉奶蓋，無特別可言🌼💗黑糖鮮奶米麻糬 ($52)黑糖鮮奶奶香特別柔滑濃郁，但黑糖只有甜味無香味，底下有麻糬條，口感軟糯但唔夠煙韌🧋