坐忘

Open Now

Now Closed

想食得健康又好味？甘一定要黎坐忘。因為佢啲嘢食係無落味精，而且會有好多蔬菜伴碟。呢度主打食日式咖喱飯，而最出名嘅就係豬軟骨7小時煮野菜咖哩飯🍛 豬軟骨7小時煮野菜咖哩飯 $69豬軟骨真係煮得超入味，同埋肉質超冧，而且舊豬軟骨都好大塊。佢啲咖哩比平時啲日式咖喱冇咁杰，味道香濃，feel到用左好多種香料去烹調，撈飯好惹味！仲有好多蔬菜，有翠玉瓜、紅蘿蔔、椰菜花、西蘭花、西芹，鍾意食菜嘅我覺得甘嘅配搭好正，有肉又有菜超健康！蕃茄牛肋野菜咖喱飯 $65蔬菜好大份，有蕃茄、翠玉瓜、紅蘿蔔，牛肋雖然無豬軟骨甘冧，但肉質鮮嫩，都好好味同好入味👍🏽黑芝麻牛肋野菜咖喱飯 $65加左黑芝麻嘅咖喱味道又幾特別，芝麻味好出，但又唔會蓋過咖喱本身嘅味道，配上牛肋同野菜，別有一番風味。忌廉湯烤雞野菌烏冬 $69呢個烏冬都好出色，忌廉湯唔係平時罐頭好杰身果種，但忌廉味都好濃郁。而且超足料，有好多菇同埋舊雞好大舊，有好多塊，雞肉雖然好厚身，但食落一啲都唔硬，仲好juicy! 烏冬軟硬度適中，好好味😋總評分：🌟🌟🌟🌟🌟 (5/5)好味指數：⭐️⭐️⭐️⭐️⭐️ (5/5)環境服務：⭐️⭐️⭐️(3/5)性價比：⭐️⭐️⭐️⭐️⭐️(5/5)

以前幫襯開濱海街嗰間，每日最疲憊咁放工經過時，就會忍唔住入去叫碟咖喱飯，味道香濃而不漏，難得有足量嘅蔬菜，牛肋的份量也頗有誠意，配合健康又好味嘅蕃薯飯，好似住家飯咁治癒，又比住家飯更美味。自從搬咗屋之後，差不多五年未嚟，味道還是一樣的味道，最難得係份量與價格竟然都係同樣無變，人工跟唔到通脹嘅年代裏，實在難能可貴。另，有人話佢哋服務差。就我多次幫襯嘅感覺，我覺得佢哋有d店員係cool cool哋嘅，不至於話差，但我完全無意見，一嚟佢哋嘢食值得驕傲同cool得起，二嚟咁樣嘅價格兼免加一，仲想點⋯佢keep住可以做到落去，已經係大確幸

呢間由日本人開嘅餐廳主打健康所以你會見到每一個餐都係會有好多蔬菜少油👍🏻🥦佢地最出名嘅就係佢地嘅豬軟骨🐷所以我梗係叫左【豬軟骨七小時煮定食】試下😋 一見到有成兩大舊豬軟骨已經心心眼曬😍再試埋 呢舊可以話係我近年係香港食過最好食嘅豬軟骨!!首先肉非常之入味同煮到唔會鞋烚烚🤩食到啲軟骨簡直好似食緊啲骨膠原落肚咁😂旁邊放左好多沙律菜跟住我發現肉底仲有啲野菜所以真係唔怕成餐都淨係食肉冇菜食😂😂我最後都太飽食唔曬啲肉ಥ_ಥ我地仲叫左【黑芝麻牛肋野菜咖喱飯】個汁上面嗰啲係黑芝麻好特別同咖喱個combination 牛肋超唸 咖喱汁唔會太辣又唔會太甜 仲要有黑芝麻香味都幾夾🤤同埋因爲係咖喱飯佢個飯會加埋粟米粒同紅蘿蔔碎會令個飯增添味道😋呢間餐廳性價比好高 會令我想去試埋其他餐 值得黎多次👍🏻