俺流塩らーめん (新都會廣場)

Open Now

Now Closed

今日同媽咪出荃灣拜山，本身媽咪想食味千（佢係忠實fans😂，好難迫到佢食其他拉麵)。但因為巴士係葵芳站落，所以就係番呢頭搵野食。係新都會行左陣街，睇水牌見到呢間鋪係日文名，就諗應該都有拉麵食，所以就決定食呢間。午市黎講都唔算等好耐，等兩三張檯就有。等入座既同時，侍應會比menu同order紙我地睇定、剔定要食啲咩。佢地既拉麵都有十零款可以揀，麵質、蔥、筍都可以選擇，但就唯獨得男盛拉麵可以揀熟成／辣塩湯。入座之後，第一眼就留意到檯面啲調味料🤔。除左有一般既辣油、胡椒粉個啲，最特別係有三樽野，分別係黑蒜油、梅子醬同柚子胡椒。我估係要黎加落湯到，等湯底既味濃啲，所以我加左最大路既黑蒜。另外試左少少個柚子胡椒，覺得太鹽，都係乖乖地食番黑蒜油🤣。媽咪嗌左「黑蒜熟成濃湯拉麵」，我就揀左「俺流男盛拉麵」，因為見佢最多料。湯底好香濃，麵都好彈牙🍜。最感動既係溏心蛋係一隻，唔係半隻🤩，平時啲拉麵都係得半隻。至於啲叉燒都ok，不過我本身就麻麻地叉燒，唔鐘意食到肥肉。碗麵仲有兩大舊炸雞，真係好大塊。啲色有啲淺，唔太似唐揚炸雞。不過因為上菜個陣直接浸左落湯到，個皮已經唔脆😭，啲雞另上會好啲！整體黎講係中上水平

上星期已經想試呢間，不過太肚餓，連幾張枱都吾想等今日終於可以食到，真係冇入錯，幾好味，雖然冇日本咁好食有好12款選擇，另有小食（餃子，迷你日本飯），飲品就氣水同茶。我寶寶揀左辛辣熟成濃湯拉麵（$62），普通麵質，要蔥，走荀。寶寶話好味，不過美中不足係無流心蛋好彩我可以分一半比佢湯底好正，真係「濃湯」，無呃人但應該有味精，因為食完好口渴我只揀左黑蒜熟成濃湯拉麵（$68），硬麵質，要蔥，走荀。枱面有幾款醬油自行配料好開心，我樣樣都試左一啖，最鐘意都係黑蒜蓉，同我碗麵好夾，仲令到香蒜味更加濃，但又不嗆。好正呀！麵質係我想要既，湯頭又濃，流心蛋好正，連蛋白位都係軟身，同平時食開既吾同，蛋白全熟，有點硬。個人口味鐘意食呢道既蛋蛋最後埋單吾貴，而且服務算好好人（入口安排座位果位哥哥）。走果陣時因爲我地兩口子趕住睇戲，拎好錢一枝箭行出去比佢，點知冇cashier位係舉手叫哥哥收錢。我地有小小老尷，但佢無笑我地，仲好有禮貌咁話下次叫佢來位幫我地，可以慢慢坐，吾洗急。仲好有禮物送我地出去，笑住講多謝哂你地光臨，拜拜

睇完《奇異博士》，就到了 V City 「醫肚」。嚴格來說，我還是第一次到這裡用餐。這裡有很多連鎖品牌的餐廳和新餐廳，可選擇的話，我當然選擇新店啦！到了食肆區，眼光便被一間日式裝修的餐廳吸引，原來是新開的拉麵店。外面的裝潢和風格，甚有到訪了日本的感覺（雖然我未去過日本，但個感覺好堅），直覺告訴我，這拉麵店當是屬於好味派別，我跟男友便決定闖入去了！桌上有各種調味料同味粉，方便客人後加。我點了芝士拉麵，男友選了黑蒜湯底的，另外再加個餃子（看到鄰桌在吃，很美味似的）。這裡除了拉麵，還有撈麵（日式撈麵？還是第一次聽呢！）、丼物和數款小食，下次再來也不乏選擇呢。俺流芝士辛辣濃湯拉麵拉麵賣相吸引，材料豐富，份量亦算多。坊間拉麵店通常都給半隻溏心蛋，但這裡會給１隻。雖然平時我對這蛋興趣不大，但這次卻被它吸引得「投降」了。我把全個蛋也吃掉。下單前，看到「辛辣」二字，已經先向店員詢問會否很辣。雖然得到的回覆是「頗辣」，但我因為芝士還是去馬了，當時的心態就是覺得男友會幫我搞掂=P幸好，湯底不是很辣，憑我的「抗辣能力」，也是足以應付的。芝士在哪裡？就是那些芝士粉呀，吃時把它浸在湯內，熱力將芝士粉慢慢融化，吃