尚素 (Closed)

暑假期間實在食得太多、太豐富，所以今天決定食清啲，走咗去食素， 實行Green Monday， 清清腸胃。餐廳位於觀塘，環境舒適，有大圓枱適合大夥兒，亦有方枱適合少D人數的食客。二人商務套餐抵食，有三個點心、兩個開胃前菜、一碟健康小炒，兩個甜品及兩杯飲品，價錢只係$228。點心扇貝其實是菇扮的，食起來的質感真的有啲似帶子，用黑松露一齊蒸非常惹味，再和索晒啲汁的粉絲一齊食好滋味。腐皮卷包着很多蔬菜、紅蘿蔔...等，口感非常豐富，若腐皮再脆D就更好。原來淮山可以造成酥炸波波球，幾新穎、食落好鬆脆，有啲似食芋頭咁，但冇芋頭咁舔口，而且味道比較清，雖然係炸，但係覺得好健康。開胃前菜义燒由麵筋做成，外型神似，有蜜味，有嚼囗感，好食。海蜇當然也是素，比較淋身。刺生則是用大型百靈菇煮熟再雪凍切片而成，幾可亂真是飽片刺生，要和鼓油washabi 一齊食可帶出菇味，微辣。健康小炒用料有核桃，松子、菇粒、翠肉瓜粒、金荀粒...等，雖然簡單，勝在夠健康，而且配以黑松露一起炒，加添陣陣菇香，而且飯粒分明。甜品從未食過桃膠，原來都好爽甜，好似大菜糕，加埋雪耳凍凍地一齊食，冰涼、清新、可口，感覺仲好滋潤添！自己屋

今日入咗去鯉魚門， 行下影下相 。經過好多海鮮酒家 ，雖然吸引，都係等大班人先食啦。 家姐喺觀塘上班， 記得佢話過果頭有間食素嘅唔錯 ，今日兩個人， 不妨去試。 上咗一層escalator ，直行轉左就到啦。 裝修時尚， 唔會有老土嘅感覺。 叫咗一個二人商務套餐 。兩款滋味小食: 蜜汁叉燒拼素海蜇， 少少辣好惹味， 素海蜇係用蒟蒻做嘅 ，而叉燒喺豆製品， 唔似真正叉燒咁硬 。黑松露焗薯角， 熱辣辣， 好香脆 。三款點心: 甜酸雞槌， 酸酸甜甜， 雞鎚棍原來係雪條棍嚟㗎 素芝士長春卷， 春卷香脆。 裏面嘅芝士溶溶地，掂。意式松露香菌餃，好多餡料呀。 最貼心係點心全部每款兩件。一人一件啱啱好 主菜係XO牛菌乾炒飯， 飯炒得粒粒分明， 香口 。 仲嗌咗兩支黑麥汁 ，係用黑麥芽 ，忽布花，糖水釀製， 據聞有維他命B同鈣質， 少少甜，又健康食素都唔係一定要食齋鹵味 ，羅漢齋嗰啲 ，有咁精緻嘅點心同小食，食素都係賞心樂事

最近經常食肉就想難得出去食飯，就想食食素，等個人可以平衡一下，比較健康。就跟同事放工黎到呢到食素食。黑松露松子仁炒飯($98)黑松露是一個特別的調味食物，每每加入係不同既食物就可以更加凸出其他食物，其濃郁既味道會令人十分喜歡。炒飯十分有鑊氣，飯十分乾身，而且有松子仁的配料，十分爽口，令到口感更加豐富。牛肝菌煎芙蓉鮮竹($138)用牛肝菌加上鮮竹煎成一個薄餅咁，除左健康之外，味道也十分可口，煎完十分香口，而且牛肝菌同埋鮮竹口感細緻，味道完全不似係食緊素食。配飯來食真係一流。黑麥汁($28)味道都十分濃而且甜度剛剛好，加上是有汽的中和左甜味，不會覺得膩，係幾好味的飲品。素食食得令人忘記是在食素應該是潮流走的方向，呢個方向可以令到更加多人去食素食，健康又好味，大家都想。

上次來中海日升中心，去了LM Cafe。再來，裝修好的大廈，耳目一新。樓下的Cafe，很有氣氛，但是今天決定去吃素。店面頗大的尚素，環境寬闊，坐得舒適，又不用等位。除了散叫，還有午市套餐。款式幾多，算是傳統派的中式素食，有點心、小食、小炒等。尚・點心午餐裡的點心餐，可以一次試齊八款，有鹹有甜，其中有隻荷香珍珠卷，有糯米飯都夠飽肚。尚素榆耳蒸粉果和黑松露香菌餃，餡足夠，清清地，味道可以，可是水晶皮實在太濕太腍，沒有口感可言。珍珠卷味道跟一般珍珠雞無異，夠入味，又的確有輕輕的荷葉。羊肚珍菌包幾軟熟，但餡不多，吃不到菌，似乎全是青菜。黑芝麻卷有芝麻香，但可以更濃。幾彈牙，反而不煙韌。杞子桂花糕帶清香的桂花味，淡消的甜，味道不俗，但不是一般桂花糕的口感，咬下去有點硬，咀嚼起來帶韌，近似䈮篛。相比起其他點心，兩款都不過不失。套餐配餐飲或湯。清清的粉葛赤小豆湯，沒有味精，暖胃又解渴。鮮淮山伴腐竹以為是涼菜，怎料暖暖的，有點奇怪。淮山煮至粉粉的，腍得入口慢慢融化。腐竹夠厚身，腍得有口感，不過芝麻醬太多，欠清新。春風得意腸粉腸粉有白米和紅米，友人點了白米。腸粉包油炸卷吃得多，包春卷是第一次。幾脆的春卷